နအဖမှ အစိုးရသစ်ကို အာဏာလွှဲ
နအဖမှ အစိုးရသစ်ကို အာဏာလွှဲ
ချင်းမိုင် (မဇ္ဈိမ) ။ ။ ကြံ့ခိုင်ရေးနှင့် ဖွံ့ဖြိုးရေးပါတီ၏ ခေါင်းဆောင် အငြိမ်းစား ဗိုလ်ချုပ်ကြီး ဦးသိန်းစိန် ခေါင်းဆောင်သော အစိုးရအဖွဲ့ကို နအဖစစ်ခေါင်းဆောင် ဗိုလ်ချုပ်မှူးကြီးသန်းရွှေက အာဏာ လွှဲပြောင်းပေးလိုက်ကြောင်း နိုင်ငံပိုင် မြန်မာ့ရုပ်မြင်သံကြားက ဗုဒ္ဓဟူးနေ့ နံနက်တွင် ကြေညာသွားသည်။
"ပြည်ထောင်စုအဆင့် အဖွဲ့ဝင်များအား ၂ဝ၁၁ ခုနှစ် မတ်လ ၃ဝ ရက်နေ့ ပြည်ထောင်စု လွှတ်တော်တွင် ကတိ သစ္စာပြုပြီးသည့် အချိန်မှစ၍ နိုင်ငံတော် အေးချမ်းသာယာရေးနှင့် ဖွံ့ဖြိုးရေး ကောင်စီက ကျင့်သုံးလျက်ရှိသည့် ဥပဒေပြုရေး အုပ်ချုပ်ရေးနှင့် တရားစီရင်ရေးဆိုင်ရာ အာဏာများကို လွှဲပြောင်းပေးလိုက်ကြောင်း ကြေညာလိုက်သည်။" ဟု ကြေညာချက်တွင် ပါရှိသည်။
ထို့အပြင် ဗိုလ်ချုပ်မှူးကြီးသန်းရွှေ ဦးဆောင်သော နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီကို ဖျက်သိမ်းလိုက်သည်ဟုလည်း ပါရှိသည်။
Posted by Unknown
on 5:10 PM. Filed under
Local News
.
You can follow any responses to this entry through the RSS 2.0.
Feel free to leave a response