မော်ဒယ်လ် အေးချမ်းမြတ်မိုး သေဆုံးမှု နောက်ကွယ်

ဈေးရောင်း ဈေးဝယ်များ၏ အသံများ၊ သီချင်းသံ၊ ကားဟွန်းသံများ၊ သွားလာ လှုပ်ရှားသူများနှင့် ဦးဝိစာရ အိမ်ရာဝင်း၏ ညနေခင်းက ပုံမှန်အတိုင်း သက်ဝင် လှုပ်ရှားနေသည်။

ရုံးမှ ပြန်လာသည့် အေးချမ်းမြတ်ဖြိုးက လွယ်အိတ်ကို ချအပြီးတွင် ညစာအတွက် ခေါက်ဆွဲခြောက်ထုပ် ဝယ်ခဲ့ဖို့ ညီမဖြစ်သူ မော်ဒယ်လ် အေးချမ်းမြတ်မိုးကို ဖုန်းဆက်မှာလိုက်သည်။ အေးချမ်းမြတ်မိုးက သူရိုက် ကူးခဲ့သည့် Sunsilk ခေါင်းလျှော်ရည် ကြော်ငြာ အခွေကို သူငယ်ချင်းများထံ သွားကြည့်နေခြင်း ဖြစ်သည်။

နာရီကို သူ ကြည့်မိလိုက်တော့ ည ၇ နာရီခန့်ရှိပြီဖြစ်သည်။ အေးချမ်းမြတ် မိုးကို ဖုန်းဆက်ပြီး အချိန် ၁၅ မိနစ်ခန့် အကြာတွင် အေးချမ်းမြတ်ဖြိုး လုံးဝ ထင်မှတ်မထားသော ထိတ်လန့်တကြား အသံများကို ကြားလိုက်ရ၏။

“အမေရေ ကယ်ပါဦး၊ သမီးကို ဓားနဲ့ထိုးသွားပြီ” ဆိုသည့် ညီမဖြစ်သူ၏ အော်သံကို ကြားလိုက်ရပြီး အိမ်ရှေ့ သံပန်းတံခါး ရှေ့ရောက်လာသော သွေးများစိုရွှဲနေသည့် ညီမဖြစ်သူကိုပါ တွေ့လိုက်ရသည်။

အမေနှင့် အတူ အိမ်ရှေ့သံပန်းတံခါးကို ဖွင့်ဖို့ကြိုးစားသော်လည်း ညီမဖြစ်သူ၏ ဖြစ်အင်ကို ကြည့်ပြီး ဇောကပ် နေသောကြောင့် သံပန်းတံခါးက ချက်ခြင်းဖွင့်၍မရ၊ မောင်ဖြစ်သူ ဝဏ္ဏ ကတော့ တံခါးပွင့်လာ သည်ကို စောင့်မနေတော့ဘဲ အိမ်ရှေ့ ဝရန်တာကို ခုန်ကျော်၍ ပြတင်းပေါက်မှ ပြန်ခုန်ဆင်းကာ ညီမဖြစ်သူ အေးချမ်းမြတ်မိုးကို ပွေ့လိုက်သည်။

အထက်ပါ အခြေအနေများက သြဂုတ် ၂၆ ရက်နေ့တွင် ကွယ်လွန်ခဲ့သော အသက် ၂၀ အရွယ်ရှိ တက် သစ်စ မော်ဒယ်လ် အေးချမ်းမြတ်မိုး၏ အစ်မဖြစ်သူ အေးချမ်းမြတ်ဖြိုးက ဧရာဝတီသို့ ပြန်လည် ပြောပြချက် များ ဖြစ်သည်။

“ဝုန်းကနဲ အသံတချက် ကြားလိုက်တယ်၊ ညီမလေးရဲ့ အမေရေ ကယ်ပါဦးဆိုတဲ့ အသံ ထပ်ထွက် လာတယ်။ ကျမနဲ့ မောင်လေးလည်း ကြားကြားချင်း အိမ်တံခါးကို ဖွင့်ဖို့ ကြိုးစားပြီး ညီမလေးကို ကယ်တယ်။ ညီမလေးမှာ သွေးတွေရွှဲနေပြီ၊ ဆေးရုံကို အမြန်ပို့ပေမယ့်လည်း သွေးလွန်ပြီး ဆုံးသွားတယ်” ဟု ညီမဖြစ်သူ အသက်ရှင်ခဲ့စဉ် နောက်ဆုံးမြင်ကွင်းကို မျက်မြင် တွေ့ကြုံလိုက်ရသည့် အေးချမ်းမြတ်ဖြိုးက ပြောပြသည်။

သြဂုတ် ၂၆ ရက်၊ ည ၇ နာရီဝန်းကျင်ခန့်တွင် အေးချမ်းမြတ်မိုးကို တဖက်သတ် ချစ်ကြိုက်နေသူ ကိုအံ့ဖြိုးပိုင် က မိန်းကလေး၏ ဝဲဘက်လည်ပင်းကို ဓားဖြင့် တချက်ထိုးကာ သတ်လိုက်ခြင်း ဖြစ်သည်ဟု မိသားစုဝင်များ ၏ အဆိုအရ သိရသည်။

မည်သည့် အကြောင်းပြချက်များကြောင့် ယခုကဲ့သို့ ဓားဖြင့် ထိုးခဲ့သည်အထိ ဖြစ်ပွားခဲ့ရသည် ကိုတော့ ကာယကံရှင် ၂ ဦးသာ သိနိုင်မည့် ကိစ္စဖြစ်သည်။

“အဖြစ်အပျက်တွေကို ဘယ်လိုမေ့ရမလဲ၊ ဒါတွေ အိပ်မက်ဖြစ်ရင် ကောင်းမယ်၊ ညီမလေးက အိမ်ကနေ ဘယ်ကို ထွက်ထွက် ကျမနဲ့ အတူတူသွားနေကြ။ မဟုတ်လည်း အဖော်ပါတယ်။ အဲဒီနေ့ ကမှ သူတယောက်တည်း ဖြစ်သွားရှာတာ” ဟု အေးချမ်းမြတ်ဖြိုးက ဆိုသည်။

အနုပညာလောကမှ မော်ဒယ်လ် တချို့၊ မီဒီယာတချို့နှင့် လူမှုကွန်ရက် facebook စာမျက်နှာများ ထက်တွင်တော့ ကွယ်လွန်သူ အေးချမ်းမြတ်မိုးနှင့် ကိုအံ့ဖြိုးပိုင်တို့မှာ ချစ်သူရည်းစားများ ဖြစ်သည်ဟု ပြောဆို ရေးသားထားကြသည်။
စကားများရန်ဖြစ်ရာမှ လက်လွန်သွားခြင်း ဖြစ်သည်ဟုလည်း တချို့ကလည်းပြောကြသည်။

ရန်ကုန်တိုင်းဒေသကြီး အစိုးရအဖွဲ့ မှုခင်းဌာနက စစ်ချက်တွင်လည်း သေဆုံးသူ အေးချမ်းမြတ်မိုးနှင့် သူ့ကို သတ်လိုက်သည့် ကိုအံ့ဖြိုးပိုင် တို့မှာ သမီးရည်းစားများ ဖြစ်ကြသည်ဟု ဖော်ပြပါရှိနေသည်။

“ဒီကောင်လေးရဲ့ စာရိတ္တကို မကြိုက်လို့ အိမ်ကို အလာမခံတော့တာ ကြာပြီ။ ညီမလေးနဲ့ အရင်တုန်းက ပတ်သက်မှု ရှိရင်ရှိခဲ့နိုင်တယ်၊ ဒါပေမယ့် အခုအချိန်မှာ ဘာပတ်သက်မှုမှ မရှိဘူး၊ သူက တဖက် သတ်ဖြစ်နေတာ” ဟု သေဆုံးသူ၏ အစ်မ ဖြစ်သူ အေးချမ်းမြတ်ဖြိုးက ရှင်းပြသည်။

အေးချမ်းမြတ်မိုးသည် ဒဂုံအဝေးသင် တက္ကသိုလ်တွင် ဒုတိယနှစ် အင်္ဂလိပ်စာ ဘာသာရပ် တက်ရောက် သင်ယူနေသူ ဖြစ်သည်။ ၂၀၁၄ ခုနှစ် ဖေဖော်ဝါရီ လက Parkson ကုန်တိုက်မှ ပြုလုပ်သည့် ပြိုင်ပွဲတွင် ဝင်ရောက်ယှဉ်ပြိုင်ရင်းအနုပညာ လောကထဲသို့ ရောက်လာသူဖြစ်သည်။ Laurel Art Academy အနုပညာ သင်တန်းကျောင်းတွင် ပညာဒါန သင်တန်း တက်ရောက်နေသည်မှာ ၅ လခန့် ရှိပြီဟု သိရသည်။

သူ၏ အနုပညာသက်တမ်း မကြာမြင့်သေးသော်လည်း “သစ္စာ မယွင်း ချစ်ခြင်းမေတ္တာ” အမည်ရ ရုပ်ရှင် ဇာတ်လမ်းတိုတွင် ခေါင်းဆောင်မင်းသမီး အဖြစ်လည်းကောင်း၊ နာမည်ရ မဂ္ဂဇင်းတချို့တွင် မျက်နှာဖုံးရှင် အဖြစ်လည်းကောင်း၊ ကြော်ငြာနှင့်အလှဓာတ်ပုံများကို လည်းကောင်း ရိုက်ကူးခဲ့ရသူ ဖြစ်သည်။

“ရုပ်ရည်လည်း Perfect ဖြစ်တယ်၊ စိတ်ထားလည်း ဖြုစင်တယ်၊ အလားအလာရှိတဲ့ ကျောင်းသူ တယောက်ပါ။ ပညာဒါန သင်တန်းကို အမှတ်စဉ်နံပတ် ၁ အနေနဲ့ ဝင်ခဲ့တဲ့သူပါ။ ကိုယ်ပိုင် Talent လည်း ရှိတဲ့အတွက် ရုပ်ရှင်၊ ဇာတ်လမ်း လေးတွေ ရိုက်ရင် သူ့ကို ထည့်ရိုက်ဖြစ်ခဲ့တယ်” ဟု အေးချမ်းမြတ်မိုး တက်ရောက်ခဲ့သည့် Laurel Art Academy အနုပညာ သင်တန်းကျောင်းမှ တာဝန်ရှိသူတဦးက ရှင်းပြသည်။

“စိတ်ထားဖြူစင်တဲ့ သူငယ်ချင်းကို ရက်ရက်စက်စက် လုပ်ရက်လိုက်တာ”
“လူမရှိတော့ပေမယ့် နာမည်က ရှင်သန်နေမှာပါ”
“ကိုယ်ချင်းစာတရား မရှိလိုက်တာနော်” စသည့် ဆုတောင်းစကား၊ ဝမ်းနည်းစကားများနှင့် နှုတ်ဆက် စကားပေါင်း များစွာကလည်း မော်ဒယ်လ် အေးချမ်းမြတ်မိုး၏ ကိုယ်ပိုင် facebook စာမျက်နှာ ထက်တွင် အများအပြား တွေ့ရသည်။

“စိတ်သဘောထား ဖြူစင်ပြီး အနုပညာလောကမှာ နေရာတခု ရအောင် ကြိုးစားနေတဲ့ ကျမ သူငယ် ချင်းလေး ကောင်းရာမွန်ရာ ရောက်ပါစေ” ဟု သူ၏ သူငယ်ချင်းတဦးဖြစ်သူ ရွှေဝန်းရံက သေဆုံးသွားသူ အေးချမ်းမြတ်မိုး၏ facebook စာမျက်နှာထက်တွင် ဆုတောင်းစကား ဆိုထားသည်။

သူ၏ သူငယ်ချင်းကို သတ်သွားသူ ကိုအံ့ဖြိုးပိုင်၏ ပုံကို လူအများအပြားအား သိစေချင်သည့်အတွက် ကွယ်လွန်သူ အေးချမ်းမြတ်မိုး၏ ဖုန်းထဲမှ ဓာတ်ပုံကို facebook စာမျက်နှာမှ တဆင့် တင်ပေးလိုက် သည်ဟု ရွှေဝန်းရံက သူ၏facebook တွင် ရေးသားထားသည်။

မော်ဒယ်လ် အေးချမ်းမြတ်မိုးကို ဓားဖြင့်ထိုး၍ သတ်ခဲ့သူဟု ဆိုကြသည့် ကိုအံ့ဖြိုးပိုင်မှာ အသက် ၂၂ နှစ် ရှိပြီဖြစ်ပြီး ဦးဝိစာရ အိမ်ရာ တိုက်အမှတ် ၂ တွင် နေထိုင်သူဖြစ်သည်။ သူသည် ဆေးတက္ကသိုလ် ပထမနှစ်မှ နားထားသူ ဖြစ်ကြောင်း၊ လက်ရှိတွင် သိပံ္ပဘွဲ့ ဂုဏ်ထူးတန်း တက်ရောက်နေသူ ဖြစ်ကြောင်း သိရသည်။

“ကောင်လေးက အေးအေးဆေးဆေး နေတတ်တဲ့ စရိုက်ပါ၊ စာလည်း တော်တယ်။ သူ့မှာ အရမ်းကို မခံမရပ်နိုင်တဲ့ သဘောရှိလို့ အခုလို လုပ်လိုက်တယ်ထင်တယ်။ တကယ်တော့ သူလည်း သနားဖို့ကောင်းတယ်” ဟု ဦးဝိစာရအိမ်ရာဝင်းအတွင်း နေထိုင်သူ အမျိုးသမီးတဦးက ပြောပြသည်။

လက်ရှိတွင် ကိုအံ့ဖြိုးပိုင်ကို ဒဂုံမြို့မ ရဲစခန်းက ပ/၁၈၄/၁၄/ (ပြစ်မှုပုဒ်မ ၃၀၂) ဖြင့် အမှုဖွင့်ပြီး စခန်းမှူး ရဲအုပ်ဇာနည်ထွဋ် က အမှုအသွားအလာများ စစ်ဆေးလျှက် ရှိကြောင်း သိရသည်။

“တရားခံ ကတော့ ဒေါသထွက်လာတဲ့ အလျောက် ဓားနဲ့ထိုး လိုက်တယ်လို့ ပြောတယ်။ အဲဒီအချိန်က သူ့မှာ မူးယစ်ဆေးဝါး သုံးစွဲထားတာ မရှိဘူး” ဟု ရဲအုပ်ဇာနည်ထွဋ်က ဧရာဝတီသို့ ပြောသည်။

အခင်းဖြစ်ပွားခဲ့ရာ အိမ်ရာအနီးအဝိုက်တွင် နေထိုင်သူ တချို့ကမူ ကိုအံ့ဖြိုးပိုင်သည် အေးချမ်းမြတ်မိုး နေထိုင်ရာ တိုက်အောက်တွင် အချိန်ကြာမြင့်စွာ စောင့်နေခဲ့ကြောင်း၊ နောက်ပိုင်း ဆူညံသည့် အသံများကြားရပြီး ဓားကိုင်လျှက် ပြေးထွက်လာသည့် ကိုအံ့ဖြိုးပိုင်ကို တွေ့ကြရာ ရပ်ကွက်မှ လူတချို့က ကိုအံ့ဖြိုးပိုင် ကိုဖမ်းဆီး၍ သက်ဆိုင်ရာသို့ အပ်နှံလိုက်ခြင်း ဖြစ်ကြောင်း အေးချမ်းမြတ်မိုး၏ မိသားစု ဝင်များက ပြောပြသည်။

“ဘယ်သူ့ကို မဆို ခင်ခင်မင်မင် ဆက်ဆံတတ်တဲ့သူကို ဘာလို့ အငြိုးတကြီး လုပ်လဲမသိဘူး။ ညီမလေး ဖုန်းထဲက မက်ဆေ့ခ်ျ အသွားအလာတွေ အရဆိုရင် အံ့ဖြိုးပိုင်က တဖက်သတ်ကြီး ဖြစ်နေတယ်။ ညီမလေးက မကောင်းတတ်လို့စကားတချို့ ပြန်ပြောတာပဲရှိတယ်” ဟု ကွယ်လွန်သူ၏ အစ်မဖြစ်သူ အေးချမ်းမြတ်ဖြိုးက ဆိုသည်။

၂၀၁၄ ခုနှစ်အတွင်း သမီးရည်စားအချင်းချင်း စကားများရန်ဖြစ်ရာမှ လူသတ်မှုဖြစ်ပွားခြင်း၊ ရည်းစားဟောင်း သို့မဟုတ် ပတ်သက်ခဲ့ဖူးသူက အကြောင်းကိစ္စတခုခု ပေါ်မူတည်၍ မကျေမနပ်ဖြစ်ကာ သတ်လိုက်ခြင်း စသည့် မှုခင်း အများအပြား ဖြစ်ပွားခဲ့သည်။

ရှမ်းပြည်နယ်မြောက်ပိုင်း၊ မူဆယ်မြို့တွင် အသက် ၂၆ နှစ်ဝန်းကျင် အမျိုးသမီးကို သူ၏ ချစ်သူက နေအိမ် တွင်ပင် ဓားဖြင့်ထိုး သတ်ပစ်လိုက်သည့်အမှု၊ နယ်မြို့တခုတွင်လည်း ချစ်သူ ကောင်မလေးက လက်မထပ်ဟု ဆိုသဖြင့် ကောင်လေးက ဓားနှင့် ထိုးသတ်လိုက်ပြီး သူ့ကိုသူလည်း သတ်သေသည့် အမှုများအပါအဝင် မှုခင်းအများအပြား ဖြစ်ပွားခဲ့သည်။

လတ်တလော နောက်ဆုံးဖြစ်သွားသည့် အမှုမှာ စက်တင်ဘာလ ၅ ရက်နေ့က ရန်ကုန်မြို့၊ လှိုင်မြို့နယ်တွင် အင်းစိန်လမ်းမပေါ်ရှိ ပုဂ္ဂလိက ငွေချေးလုပ်ငန်းမှ ဝန်ထမ်း အမျိုးသမီးကို သူ၏ ရည်းစားဖြစ်သူက ကုမ္ပဏီရေချိုးခန်း၌ပင် ဓားဖြင့် အချက်ပေါင်းများစွာ ထိုးသတ်ကာ သူကိုယ်တိုင်ကလည်း သေကြောင်း ကြံစည်မှု ဖြစ်သည်။ သို့သော်လည်း သေကြောင်းကြံမှု အထမမြောက်ခဲ့ပေ။ ထို ဓားထိုးမှုသည်လည်း ချစ်သူမိန်းကလေးက နောက်တယောက် တွေ့နေသည်ဟု သံသယအပေါ် မူတည်သည့် ရည်းစားသနာ ကိစ္စတွင် အခြေခံနေကြောင်း သိရသည်။

မေစစ်ပိုင်

Credit To :ဧရာဝတီ >> မှ ပြန်လည် မျဝေခြင်း ဖြစ်ပါသည်။

10:51 AM | Posted in , | Read More »

အကြမ်းဖက်ဝါဒကို တိုက်ဖျက်ခြင်း

ပြီးခဲ့သည့် စက်တင်ဘာ ၃ ရက်က ထူးခြားသည့် စိန်ခေါ်မှု တစ်ခုကို မြန်မာနိုင်ငံက လက်ခံ ရရှိခဲ့ သည်။ အယ်လ်ကိုင်ဒါ အကြမ်းဖက်အဖွဲ့၏ ခေါင်းဆောင်အေမန်အယ်လ်ဇာဝါဟီရီက အိန္ဒိယ၊ ဘင်္ဂလားဒေ့ရ်ှနှင့်မြန်မာနိုင်ငံသားများကို ပစ်မှတ် ထား တိုက်ခိုက်သွားမည်ဆိုသည့် ကြေညာချက်ဖြစ် သည်။

 အီဂျစ်နိုင်ငံသား ဖြစ်ခဲ့သူ ဆရာဝန်တစ်ဦးအဖြစ် အသက် မွေးခဲ့သူ အယ်လ်ဇာဝါဟီရီ၏ ၅၅ မိနစ်ကြာ သတင်းထုတ်ပြန်ချက် ကို နိုင်ငံတကာ အကြမ်းဖက်ဝါဒ ကျွမ်းကျင်သူ ပညာရှင်များက အမျိုးမျိုးတုံ့ပြန်ကြသည်။ ပညာရှင်အချို့ကတော့ အီရတ်နှင့် ဆီး ရီးယားကို အခြေပြုပြီး ကြီးထွား လာနေသည့် IS (Islamic  State) အဖွဲ့၏ သြဇာကို ယှဉ်ပြိုင်ဖို့ လူ အင်အားစုဆောင်းသည့် ခြေလှမ်း အဖြစ် သုံးသပ်ကြသည်။

IS က အယ်လ်ကိုင်ဒါအဖွဲ့ ကို အတုယူပြီး တည်ထောင်လာ သည့်တိုင် ပြီးခဲ့သည့်လများအ တွင်းက နှစ်ဖွဲ့အကြားမှာ သဘောမတူညီမှုများရှိခဲ့သည်.။ အယ်လ် ကိုင်ဒါက IS ကို အဆက်အသွယ် ဖြတ်တောက် ခဲ့သည်ဟု ကျွမ်း ကျင်သူများကဆိုသည်။ မကြာ သေးမီက အမေရိကန်နိုင်ငံသား သတင်းစာဆရာ နှစ်ဦး ရက်စက် စွာ ခေါင်းဖြတ်သတ်မှုအပါအ၀င် ပြန်ပေးဆွဲမှု၊ ကိုယ်ပိုင်နယ်မြေ ထူထောင်မှုများအဖြစ် ကမ္ဘာတစ်ဝန်းအစွန်းရောက် အကြမ်းဖက်သူများကြားမှာ IS က ရေပန်းစားလာသည်။

IS က အရှေ့အလယ်ပိုင်း ဒေသ အီရတ်နှင့် ဆီးရီးယားကို အခြေပြုပြီး လူအင်အားစုစည်း သည့်တိုင် တဖြည်းဖြည်းနဲ့ သူ့ သြဇာကို ကမ္ဘာတစ်ဝန်းချဲ့ထွင် လာသည်။ အိန္ဒိယမှ အစွန်းရောက်မွတ်စလင်အချို့ ဆီးရီးယားသို့ သွားပြီး IS အဖွဲ့သို့ ၀င်ရောက်နေ ကြသည်ဆိုသည့် အစီရင်ခံစာများရှိသည်။ ရုရှား၊ တူရကီ၊ ဂရိ၊ အင်္ဂ လန်၊ အမေရိကမှစ၍ တရုတ်နိုင်ငံအထိ လူငယ်အင်အားသစ်များကို စုဆောင်းနေသည်။ ဘာသာ စကားမျိုးစုံကို အသုံးပြုပြီး အသံ  ဖိုင်များ၊ ဗီဒီယိုများ၊ သဘော ထားထုတ်ပြန်ချက်များဖြင့် အင် တာနက်က တစ်ဆင့် ထိထိရောက်ရောက်ဝါဒဖြန့်ချိသည်။ အာဖဂန် နစ္စတန်က အယ်လ်ကိုင်ဒါမိတ် ဆွေဟောင်း တာလီဘန်အချို့ပင် IS အဖွဲ့ကို ကြိုဆိုလာကြသည်။ ပြောရလျှင် ကမ္ဘာလုံးဆိုင်ရာ ဘာ သာရေးစစ်ပွဲ (Global Jihad) ၏ တပ်ဦးနေရာကို အယ်လ်ကိုင်ဒါ လက်ထဲမှ IS က လုယူလိုက်ခြင်း ဖြစ်သည်။

ထိုအချိန်မှာပင် အယ်လ် ကိုင်ဒါခေါင်းဆောင် အေမန် အယ်လ်ဇာဝါဟီရီက မြန်မာ၊ အိန္ဒိ ယနှင့် ဘင်္ဂလားဒေ့ရ်ှတို့ကို ဦးတည်ထားပြီဟု ကြေညာလိုက် ခြင်းဖြစ်သည်။ ဗီဒီယိုကြေညာ ချက်မှာ အယ်လ်ဇာဝါ ဟီရီက ‘‘ဘားမား(မြန်မာ)၊ ဘင်္ဂလား ဒေ့ရ်ှ၊ အာသံ၊ ဂူဂျာရတ်၊ အမာ ဒါဘတ်နှင့် ကက်ရ်ှမီးယား’’နေရာ ဒေသများက မွတ်စလင်များကို စုစည်းသွားမည်ဟု ထုတ်ပြန် သည်။ အယ်လ်ကိုင်ဒါဌာနခွဲတစ် ခု ဒေသ အတွင်းမှာ ဖွဲ့စည်းလိုက် ပြီဟု ကြေညာသည်။ သူဦးတည် ပြောကြားသည့် ဒေသအားလုံး သည်လည်း မွတ်စလင်များအ တွက် ပဋိပက္ခဖြစ်ပွားရာ ဒေသ များဖြစ်ကြသည်။

နေပြည်တော်ကလည်း ချက်ချင်းဆိုသလို တုံ့ပြန်ချက်ပေး သည်။ နိုင်ငံတော်သမ္မတရုံးက တာဝန်ရှိသူ အချို့က နိုင်ငံသား များကို စိုးရိမ်မှုမလွန်ကဲရန်နှင့် ကာကွယ်မှုအစီအမံများကို အရေးယူဆောင် ရွက်နေပြီဖြစ်ကြောင်း ချက်ချင်းထုတ်ပြန်ခဲ့ သည်။

ယခုဆောင်းပါးမှာ ဆွေးနွေး လိုသည်က ထောက်လှမ်းရေး သတင်းအချက်အလက်များ စု စည်းခြင်းနှင့် လုံခြုံရေးအစီအမံ များပြင်ဆင်ခြင်းတို့အပြင် အခြား ထည့်သွင်းစဉ်းစားရမည့်အချက် များကို ဆွေးနွေး လိုခြင်းဖြစ်ပါ သည်။ အကြမ်းဖက်ဝါဒကို တိုက် ဖျက်ခြင်းသည် မြန်မာတို့ကျွမ်း ကျင်သည့် သမားရိုးကျ စစ်ပွဲ (Conventional Warfare) ထက် ပိုမိုရှုပ်ထွေးပါသည်။ ၂၀၁၀ ပြည့် နှစ်က အကြမ်းဖက်ဝါဒရေးရာ ကျွမ်းကျင် ပညာရှင်တစ်ဦးက အမေရိကန်အစိုးရအား အကြံပေးခဲ့သည့် အထူးအစီရင်ခံစာတစ်စောင် အကြောင်းဆွေးနွေးပါမည်။

အမေရိကန်ပြည်ထောင်စု ငြိမ်းချမ်းရေး အင်စတီကျုဒ့် (Uni-ted States Institute Of Peace)က ‘‘ဘာကြောင့် လူငယ်အချို့ အယ်လ်ကိုင်ဒါအဖွဲ့ကို ၀င်ရောက်ကြတာလဲ’’(Why Youth Join Al-Qaeda) ဆိုသည့် ခေါင်းစဉ်ဖြင့် အထူးအစီရင်ခံစာတစ်ခုကို ထုတ်ပြန်ခဲ့သည်။ ထိုအစီရင်ခံစာ ကို ရေးသူက အမေရိကန်စစ်တပ်မှ စိတ်ဓာတ်စစ်ဆင်ရေးကျွမ်းကျင်သူနှင့် အကြမ်းဖက်မှုတိုက်ဖျက်ရေးပညာရှင် ဗိုလ်မှူးကြီး ဂျွန်အမ်မတ်စ်ဗန်ဟောစ်ဖြစ်သည်။ သူ့အစီရင်ခံစာက အယ်လ်ကိုင်ဒါအဖွဲ့၏ နိုင်ငံခြား သားစစ်သည် (Foreign Fighters) ၂၀၂၃ ဦးကိုအင်တာဗျူးခြင်း၊ နောက်ကြောင်း ရာဇ၀င်များကို ပြန်လေ့ လာခြင်းများ ပြုလုပ်ပြီး ရေးသားခဲ့ခြင်းဖြစ်သည်။

ဗိုလ်မှူးကြီး ဂျွန်က အယ်လ် ကိုင်ဒါအဖွဲ့သည် လက်ဆုပ်လက် ကိုင်နေရာအတည်တကျအခြေ စိုက်လှုပ်ရှားခြင်းမျိုးမဟုတ်ဘဲ သူ့ ကို သဘောကျထောက်ခံသည့် နေရာအနှံ့အပြားက အကြမ်းဖက် သမားများမှ တစ်ဆင့်ပုံစံတူ တိုက်ခိုက်မှုများကို ပြုလုပ်သွား သည့် အဖွဲ့အစည်းဖြစ်သည်။ အယ်လ်ကိုင်ဒါ အဓိကပစ်မှတ် ထားစည်းရုံးသူများကတော့ လူ ငယ်များသာဖြစ်သည်ဟု ဗိုလ်မှူး ကြီးဂျွန်က ဆိုသည်။ အယ်လ် ကိုင်ဒါအဖွဲ့ကို အထိရောက်ဆုံး တိုက်ခိုက်သည့် ဗျူဟာသည် တပ်ဖွဲ့ဝင်သစ်အင်အားတိုးမလာရန် ကြိုးပမ်းအားထုတ်ခြင်းဖြစ်သည်။

အယ်လ်ကိုင်ဒါအဖွဲ့သို့ ၀င် ရောက်ကြသည့် နိုင်ငံခြားသား စစ်သည် ၂၀၂၃ ဦးကို လေ့လာပြီးသည့်အခါ ဗိုလ်မှူးကြီးဂျွန်က လူငယ်လေးမျိုးကို ခွဲထုတ်လိုက်သည်။ ထိုလူငယ်များကို ဗိုလ်မှူးကြီးဂျွန်က ‘‘(တစ်စုံတစ်ရာကို) ရှာဖွေကြသူများ’’ (Seekers) ဟု ညွှန်းဆိုသည်။

၁။ ပထမတစ်မျိုးက ကလဲ့ စားချေမှုကို ရှာဖွေကြသူများ (TheRevenge Seekers) ဖြစ်သည်။ ထိုသူများက မိမိတို့ ပတ်ဝန်းကျင် လူ့အဖွဲ့အစည်းမှာ ဖိနှိပ်ခံရသူ၊ သားကောင်အဖြစ် ပစ်မှတ်ထား ခံရသူများဖြစ်သည်။ ဂုဏ်သိက္ခာ ကျဆင်းမှုနှင့် အလိုမကျမှုများက ထိုသူများကို အကြမ်းဖက်ဝါဒဆီ သို့ တွန်းပို့ပေးသည်။ ဗိုလ်မှူးကြီး ဂျွန်က တန်းတူညီမျှမှု၊ လူငယ်များကို လူ့အဖွဲ့အစည်း၏ နိုင်ငံရေး တွင် ပါဝင်ဆောင်ရွက်စေမှုတို့က ကုထုံးများဖြစ်သည်ဟု ပြော သည်။ ဒေါသနှင့် အလိုမကျမှု များကိုမှန်ကန်သည့် ထွက်ပေါက် ပေးဖို့လိုကြောင်း သူကပြောပြ သည်။

၂။ ဒုတိယအမျိုးအစားက တော့ ကိုယ့်အခန်းကဏ္ဍကို ရှာ ဖွေသူများ (The Status Seekers)ဖြစ်သည်။ ယခုအမျိုးအစားက တော့ မိမိပတ်ဝန်းကျင်မှာ ကိုယ့်  အခန်းကဏ္ဍ ပျောက်ဆုံးနေကြ သူများဖြစ်သည်။ ကိုယ့်လူ့အဖွဲ့ အစည်းမှာ အရေးပါခွင့်မရသူ၊ မျှော်လင့်ချက်ပျောက်ဆုံးနေသူ၊ လူ့အဖွဲ့အစည်းက မေ့လျော့ခံ ထားရသူများဖြစ်သည်။ ထိုသူ များက တစ်စုံတစ်ရာကို ထူးထူး ခြားခြားပြုလုပ်ခြင်းဖြင့် ကိုယ့်အ ခန်းကဏ္ဍကို အကြမ်းဖက်ရယူ ကြလေ့ရှိသည်။ ပတ်ဝန်းကျင်မှာ နှိမ့်ချဆက်ဆံခံရသူ၊ မိမိကိုယ်ကိုယ် ပျောက်ဆုံးနေသူများလည်း ပါဝင်သည်။ ဗိုလ်မှူးကြီးဂျွန်ပြောသည့် အချက်သာမှန်ကန်ခဲ့လျှင် လူငယ်များ တွက် အလုပ်အကိုင်အခွင့်အလမ်းများ ဖန်တီးပေးမှု၊ သူ တို့ဘ၀အတွက် အပြုသဘော ဆောင်သည့် မျှော်လင့်ချက်အ ခွင့်အလမ်းများ ပံ့ပိုးပေးမှုက အ ရေးပါသည့် ဗျူဟာဖြစ်သည်။ မျှော်လင့်ချက်ရှိနေခြင်းသည် လူ တစ်ဦးအတွက် အပြုသဘော ဆောင်သည့် အနာဂတ်ကို တည် ဆောက်ဖို့ အခွင့်အလမ်းဖြစ် သည်။

၃။ တတိယအမျိုးအစားက တော့ အမှတ်လက္ခဏာကို ရှာဖွေသူများ (The Identity Seekers) ဖြစ်သည်။ အမှတ် လက္ခဏာကို ရှာဖွေကြသူများက တော့ မိမိအသိုင်းအ၀ိုင်းတွင် ရပ် တည်မှုပျောက်ဆုံးပြီး တွယ်ရာမဲ့ ကြသူများဖြစ်သည်။ ဘ၀တွင် အရှုံးနှင့် ရင်ဆိုင်ရပြီး မည်သည့် ပတ်ဝန်းကျင်၊ မည်သည့်အဖွဲ့ အစည်းများတွင်မှ ပါဝင်ခွင့်မရ ကြသူများဖြစ်သည်။ သူတို့သည် အစုအဖွဲ့လက္ခဏာ(Group Ide-ntity) ကို လိုချင်သူများဖြစ်သည်။

လူငယ်အားလုံးလိုိလိုမှာ အစုအဖွဲ့တစ်ခုခုကို ပါဝင်ပတ်သက်လိုသည့် ဆန္ဒရှိကြသည်ဟု ဗိုလ်မှူးကြီးဂျွန်ကဆိုသည်။ ရပ်ကွက်ထဲက လူမိုက်ဂိုဏ်းထဲကို ၀င်မည်လား၊ အများအတွက် ကောင်းကျိုးပြုသည့် အသင်းအဖွဲ့ထဲကို ၀င်မည်လားဆိုသည်က ရွေးချယ်စရာဖြစ်သည်။ အဖွဲ့အစည်းတစ်ခုမှာ ပါဝင်ပတ်သက်မှသာ မိတ်ဆွေရဲဘော်ရဲဘက်နှင့် သူလိုချင်သည့် အခန်းကဏ္ဍကိုရမည်ဖြစ်သည်။ ကိုယ့်လူ့အဖွဲ့အစည်း၏ အရေးအရာကိစ္စများမှာ လူငယ်များပါဝင် ဆောင်ရွက်ခွင့်ရရေး အတွက် အဖွဲ့အစည်းများထူထောင် ပေးခြင်းနှင့် လူငယ်များ၏ အခန်းကဏ္ဍကို အားပေးခြင်းများပြုလုပ်သင့်ပါသည်။    လူငယ်တို့၏ကောင်းမြတ်သော တက်ကြွမှုကို အပြုသဘောဆောင်သည့် ပတ်ဝန်းကျင်ကို ပျိုးထောင်ပေးခြင်းဖြင့် တည့်မတ်သင့်ပါသည်။

၎။ နောက်ဆုံးတစ်မျိုးကတော့အကြောက်တရားကို ရှာဖွေကြသူများ (The Thrill Seekers) ဖြစ်သည်။ ယခုအုပ်စုသည် အယ်လ်ကိုင်ဒါအဖွဲ့ဝင်များထဲတွင် အနည်းဆုံးအမျိုးအစားဖြစ်သည်။ ၅ ရာခိုင်နှုန်းအောက် မှာသာ ရှိသည်ဟု ဗိုလ်မှူးကြီးဂျွန်ကဆိုသည်။ ထိုသူများက အဓိပ္ပာယ်မရှိ သည့်ဘ၀ကို စွန့်ခွာပြီး စွန့်စားမှု ကို ရှာဖွေလိုသူ လူငယ်များဖြစ်သည်။ သူတို့၏ စွန့်စားလိုစိတ်များက သူတို့ကို လမ်းမှားဆီ ခေါ်ဆောင် သွားကြခြင်းဖြစ်သည်။

ဗိုလ်မှူးကြီးဂျွန်ပြောခဲ့သည့် လူငယ်အမျိုးအစားလေးမျိုးကို ပြန်လည်သုံးသပ်ရလျှင် အကြမ်း ဖက်ဝါဒကို တိုက်ဖျက်သည့် အ ကောင်းဆုံးမဟာဗျူဟာမှာ တရား မျှတသည့်လူ့ပတ်ဝန်းကျင်ကို ထူ ထောင်မှု၊ ခွဲခြားနှိမ့်ချခြင်းကို လက်မခံမှု၊ အလုပ်အကိုင်အခွင့်အ လမ်းများ ဖန်တီးပေးနိုင်မှု၊ လူ ငယ်များကို အသိအမှတ်ပြုပျိုး ထောင်မှုများဖြစ်သည်။ မြန်မာ နိုင်ငံအနေဖြင့် အရေးတကြီးပြင် ဆင်ရမည့် အချက်က အကြမ်း ဖက်မှုနှင့် ပတ်သက်လျှင် မည် သည့်အဖွဲ့အစည်း၊ လူမျိုးဘာသာ ကိုမျှ မျက်နှာသာပေးခြင်းမရှိဘဲ တိတိကျကျအရေးယူခြင်းဖြစ်သည်။

 နေပြည်တော်က အထူး သတိထားသင့်သည်မှာ ကာကွယ် ရေးအစီအမံများကြောင့် လူနည်း စု အခွင့် အရေးများ မထိပါးအောင်ဂရုပြုရမည့်အချက် ဖြစ်သည်။ အယ်လ်ကိုင်ဒါအဖွဲ့နှင့် နိုင်ငံသား မွတ်စလင်များကို ခွဲခွဲခြားခြား ရှု မြင်ဖို့အရေးကြီးပါသည်။ ကမ္ဘာ ပေါ်တွင် မွတ်စလင်လူဦးရေ ၁ ဒသမ ၅ ဘီလီယံကျော်ရှိပြီး အယ်လ်ကိုင်ဒါအဖွဲ့ဝင်က ထောင်ဂဏန်းသာရှိပါသည်။

နေပြည်တော်က ထုတ်ပြန် ခဲ့သလို လုံခြုံရေးအဖွဲ့အစည်း များကလည်း နိုင်ငံတကာအဖွဲ့ အစည်းများနှင့် ပူးပေါင်းပြီး အ တွေ့အကြုံများကို လေ့လာသင်ယူသင့်ပါသည်။

အကြမ်းဖက်ဝါဒကို ကာ ကွယ်ရန်အတွက် အကောင်းဆုံး လက်နက်မှာ တန်းတူညီမျှမှု၊ တရားဥပဒေ စိုးမိုးမှုနှင့် မျှော်လင့် ချက်ဖြင့် လင်းလက်သည့် ဘ၀ များကို ထူထောင်ပေးမှုသာဖြစ်ပါ သည်။

10:46 AM | Posted in | Read More »

Facebook ပေါ်မှာ ဘယ်လိုငွေရှာမလဲ

စာဖတ်သူတို့ Facebook အသုံးပြုနေရတာ ဒီထက်မက ပိုအကျိုးထူး သင့်တယ်လို့ ထင်မြင်ယူဆသူများ ရှိမယ်ထင်ပါတယ်။ အမှန်တကယ်လဲ ဟုတ်ပါတယ်။ တစ်နေ့တစ်နေ့ သူများပုံ ဝင်ကြည့်လိုက်၊ သတင်းတွေ ရှာဖတ်လိုက်၊ Chat လိုက်၊ Comment ပေးလိုက်၊ Like လုပ်လိုက်၊ ပုံတင်လိုက်၊ Share လိုက်၊ ဂိမ်းဆော့လိုက်နဲ့ အချိန်တွေပိုနေသူ များလည်းရှိမယ်ထင်ပါတယ်။ အခြားလုပ်ငန်းဆောင်တာများ ရှိနေပြီး Facebook ကိုအပျင်းပြေ သုံးနေတယ် ဆိုရင်တော့ ထားပါတော့။ Facebook ကို အားတိုင်း အချိန်ပြည့် အသုံးပြု ဝင်ကြည့်နေသော စာဖတ်သူများအတွက် အကျိုးဖြစ်ထွန်းစေမယ့် နည်းလမ်းကို မျှဝေချင်ပါတယ်။

ခေါင်းစဉ်ဖတ်လိုက်လို့ စာဖတ်သူတို့အတွက် ထူးဆန်းမယ်ထင်ပါတယ်။ 
တကယ်လည်း မြန်မာပြည်အတွက် ထူးဆန်း တဲ့ မေးခွန်း ဖြစ်ပါတယ်။ Facebook ပေါ်မှာ ဝင်ငွေ ရှာတာတော့ နိုင်ငံတကာ မှာ တော်တော်လေး ရေ ပန်းစားပါတယ်။ ဒီတော့ မြန် မာပြည် Facebook ကွန်ရက်မှာ ငွေမရှာခင် နိုင်ငံတကာမှာ Facebook အသုံးပြုပြီး ဘယ်လို ဝင်ငွေရသလဲ ဆိုတာကို သိရန်လိုအပ်လာပါတယ်။

Facebook မှာ ဝင်ငွေရှာနိုင်တဲ့ အကြမ်းဖျင်း နည်းလမ်း နှစ်ခု ရှိပါတယ်။ Developer နဲ့ Fan page နှစ်မျိုး ဖြစ်ပါတယ်။ Developer ကတော့ ရှင်းပါတယ်။ Facebook အသုံးပြုသူတို့ ဆော့ကစားလို့ ရမယ့် Application တစ်ခုခုလုပ် လိုက်မယ်။ ပြီးတော့ ယင်း Application ကို User အတော်များများက ယူဆော့ပါမယ်။ ဒီတော့ အခြား စီးပွာရေး လုပ်ငန်းရှင်များက ယင်း App စာမျက်နှာမှာ ကြော်ငြာထည့် လာတာမျိုး ဖြစ်ပါ တယ်။ ရေပန်း အစားဆုံး App တွေသာ စီးပွားရေး တွက်ခြေကိုက်မှာ ဖြစ်ပါတယ်။ Application ကိုလူတိုင်း လုပ်နိုင်ပါတယ်။

သို့ပေမယ့် ယင်းအတွက် Facebook ကို ငွေပေးဆောင်ရပါတယ်။ Application ဖန်တီးလိုသူများက https://developers.facebook.com/apps ဒီလခ့်မှာ ဝင်ရောက်ပြီး ပြုလုပ်ကြပါတယ်။ ဒါကလည်း မခက်ပါဘူး။ သို့ပေမယ့် မြန်မာပြည်ကနေတော့ Application လုပ်လို့ရမယ့် ပုံမပေါ်ပါဘူး။ ဒီ အတွက် ငွေပေးဆောင်ရပါတယ်။ ပေးရတဲ့ ငွေပမာဏ နည်းပေမယ့် Facebook ဆီငွေရောက်အောင် ပို့ပေးမယ့် Paypal , eBay အစရှိသဖြင့် နိုင်ငံတကာ အွန်လိုင်း ငွေ အိတ်ချိန်းတွေ မြန်မာပြည်မှာ မရှိ လို့ပဲ ဖြစ်ပါတယ်။ ယင်း နိုင်ငံတကာ အွန်လိုင်း ငွေ အိတ်ချိန်းစနစ်တစ်ခု သာ မြန်မာပြည်မှာ ရှိလာပြီ ဆိုရင် အွန်လိုင်းမှာ ရုန်းကန်နေတဲ့ မြန်မာ့ အင်တာနက်ကွန်ရက်ပေါ်က စီးပွားရေးလုပ်ငန်း များ၊ ဆော့ဖ် ဝဲ၊ Developer သမားများ ဒီထက်မက လမ်းပွင့်သွားနိုင်ပါတယ်။

ဥပမာ- စာဖတ်သူတို့ Facebok မှာသုံးနေတဲ့ “ဘယ်သူ့ကိုပိုချစ်လဲ၊ သင့်ချစ်သူဟာ ဘယ်လိုလူစားလဲ” အစရှိသဖြင့် Application အများစု ဟာ ပြည်ပရောက် မြန်မာ Developer များက ဖန်တီး ထားခြင်း ဖြစ် ပါတယ်။ ဒီတော့ ပြည်ပရောက် မြန်မာ များအတွက်တော့ ငွေဒီနည်းနဲ့ ရှာနိုင်ပါတယ်။ မြန်မာပြည်နေ Facebook အသုံးပြုသူများအတွက်ကတော့ ဒီနည်းလမ်းနဲ့ လက်ရှိတော့ မရနိုင်သေးပါဘူး။ ကြားမှ တစ်ဆင့်ခံပေး မယ့် အေဂျင်ဆီတွေရှိတဲ့အတွက် ရတယ်ဆိုရင်တော့ တော်တော်လေး ခက်ခဲတဲ့ အခြေအနေဖြစ်ပါတယ်။

နောက်ထပ်ဝင်ငွေရှာနည်းကတော့ Fan Page ပဲဖြစ်ပါတယ်။ ဒီတော့ နိုင်ငံတကာ Fan Page မှာ ဘယ်လိုငွေရှာသလဲဆိုတာကို အရင်လေ့လာရ ပါအုံးမယ်။ စာဖတ်သူအချို့ မြင်ဖူးပါလိမ့်မယ်။ နိုင်ငံတကာ Fan Page တွေမှာ အော်ဒါမှာဝယ်ယူလို့ရတာမျိုးတွေ ဖြစ်ပါတယ်။ မစ်စတာ ဘင်း- Official Fan Page မှာဆိုရင် သူ့ ရဲ့ ရုပ်ရှင်ခွေတွေ မှာလို့ရပါတယ်။ ဟမ်ဘာဂါဆိုင် Page တစ်ခုဆိုရင် အွန်လိုင်းကနေ တိုက်ရိုက်မှာယူနိုင် ပါတယ်။ သီချင်းအယ်လ်ဘမ်တွေလည်း သက်ဆိုင်ရာမှာ ဝယ်ရရနိုင်ပတယ်။ အစရှိသဖြင့် Application ကိုတွဲပြီး Fan Page ကို ကြားခံ ဈေးဆိုင်အဖြစ် အသုံးပြုပါတယ်။ ဒီတော့ ကိုယ့်မှာ စီးပွားရေး လုပ်ငန်း တစ်ခုခုရှိမှသာ ဒီလို လုပ်နိုင်တဲ့အပြင် အွန်လိုင်းအိတ်ချိန်းလည်း ရှိနေရပါအုံးမယ်။ မြန်မာပြည်နေ user များ အတွက် Facebook မှာငွေရှာဖို့ အတော်ခက်ခဲသွားပါပြီ။

ဒါဆို ဘယ်လိုလုပ်ရတော့မလဲ။ ကျောင်း ဆက်တက်ဖို့ ရန်ကုန်မှာ ရုန်းကန်နေသူများ ရှိပါတယ်။ မည်မည်ရရ ဘွဲ့ရှိမထားလို့ ကြုံရာ အလုပ်ဝင်လုပ်ပြီး ရန်ကုန်မှာ သောင်တင်နေသူများ ရှိပါတယ်။ ရန်ကုန်ရယ်လို့ မဟုတ်ပဲ မြို့ ကြီး၊ မြို့ ငယ်အသီးသီးမှာ ပညာတတ်ထားပေ မယ့် အံကိုက်မဖြစ်လို့ ဘဝရှုံးနေသူများ ရှိနေပါသေးတယ်။ ဦးနှောက်ယိုစီး မှုကိုသာ အပြစ်တင်ပြီး Facebook မှာ Like, Share, Comment လောက်နဲ့ပဲ ဘဝကို သာမန် အလုပ်လေး တစ်ခုနဲ့ အချိန်ကုန်ခံနေကြရပါတယ်။

ဘာမှမလုပ်တတ် မကိုင်တတ်လို့ Facebook မှာပဲ ခံစားချက်တွေ ထုတ်ဖော်နေသူများ ရှိပါတယ်။ Social Network မှာ သာမန်လူတွေထဲက လူလိုပဲ အချိန်ကုန်ခံဖို့ ဆုံးဖြတ်သူများလည် ရှိပါတယ်။ အခြားသူ များက အလုပ်ခိုင်ခိုင်မာမာ၊ စီးပွားရေး ခိုင်ခိုင်မာမာ၊ ငွေကြေး ခိုင်ခိုင်မာမာရှိလို့ Facebook ကို အပျင်းပြေ အသုံးပြုကြတာ။ ပျော်စရာ အဖြစ် အသုံးပြုကြ တာ။ ဒီတော့ စားဝတ်နေရေး အဆင်မပြေသော၊ အလုပ်ထပ်လုပ်ရန်လို အပ်နေသော စာဖတ်သူများအနေဖြင့် Facebook မှာ ငွေရှာရန် စိတ်ကူးကြည့်ဖူး ပါသလား။ တကယ် ငွေရှာလို့ ရတဲ့ နည်းလမ်းဖြစ်ပါတယ်။ ငွေတိုက်ရိုက်ဝင်တာမျိုးမဟုတ်ပေမယ့် Facebook မှာတင်မဟုတ်ပဲ ပြင်ပမှာပါ ငွေဝင်လာမယ့် နည်းလမ်း ဖြစ်ပါတယ်။

Page တစ်ခုပြုလုပ်ခြင်း

စာဖတ်သူ ဘာကိုစိတ်ဝင်စားသလဲ။ စာဖတ်သူက ဘယ်ပညာနဲ့ ကျောင်းပြီး ထားသလဲ။ အင်ဂျင်နေ ယာလား၊ ဆရာဝန်လား၊ ရိုးရိုး ဘွဲ့ရသူလား၊ ဂိမ်း စိတ်ဝင်စားသူလား၊ သတင်းတွေ စပ်စုတက်သူလား။ အစရှိသဖြင့် မိမိကိုယ်ကိုယ် သုံးသပ်ပြီး အမည်တစ်ခုခုနဲ့ Page လုပ်ရပါမယ်။ ဥပမာ- အင်္ဂလိပ်လို သတင်းတွေကို ဖတ်ပြီး မြန်မာလိုပြန်ရေးကျင့်ရင်း သဘောကျတာတို့၊ ကဗျာရေးရတာ သဘောကျတာ၊ ရုပ်ရှင်အကြောင်း သဘောကျတာတို့၊ ဆောင်းပါးရေးတာတို့ အစရှိသဖြင့် ဝါသနာ အမျိုးမျိုး ရှိကြပါမယ်။

၂။ Page တွင် မိမိတတ်သမျှ၊ သိသမျှ၊ စိတ်ဝင်စားသမျှ မျှဝေတင်ပြခြင်း

သတင်းတွေ ဖတ်ပြီး ဘာသာပြန်ထားတယ်ဆိုပါစို့။ ပုံလေးတွေပါ Download ဆွဲရင်း တွဲတွဲတင်သွား လိုက်မယ်ဆို တဖြည်းဖြည်းနဲ့ သတင်းတွေ ပြည့်လာ ပါမယ်။ ကဗျာဆိုရင် ကဗျာတွေ ရေးလာ လိုက်တာ တော်တော်လေး စုံလာပါမယ်။ ဟင်းချက်ဝါသနာပါသူဆိုရင် ဟင်းချက်နည်းအဆင့် ဆင့်တွေ ရေးရင်း ဟင်းအမယ်လေးတွေ မျှဝေရင်း Post တွေများလာပါ မယ်။ ဆောက်လုပ်ရေး အင်ဂျင်နေယာဆိုရင်လည်း အင်ဂျင်နေယာတို့ အတွက် အကျိုးရှိမယ့် စာတွေ၊ သတင်းတွေ၊ အဆောက် အအုံပုံတွေ၊ ဒီဇိုင်းတွေ မျှဝေမယ်။ Graphic ဒီဇိုင်နာသမားဆိုရင်လည်း မိမိရဲ့ ဖန်တီးချက်များကို Page မှာ မျှဝေရပါမယ်။

ရုပ်ရှင် နှစ်သက်သူကလည်း ရုပ်ရှင်ဆိုင်ရာ ဆောင်းပါးလေးတွေ၊ review လေးတွေကို မိမိသိသ လိုလေးရေးတင်ပါမယ်။ သို့ပေမယ့် အားလုံးကို အမှန်အတိုင်းပဲ တင်ပြဖို့လိုအပ်လာပါတယ်။ ဒီလိုရေးသား တင်ဆက်တယ် ဆိုတာ မီဒီယာအလုပ်တစ်ခုကို လုပ်ကိုင်နေခြင်း ဖြစ်ပါတယ်။ ကိုယ်က မှန်မှန်ကန်ကန်နဲ့ မိမိစိတ်ထဲရှိတာ၊ ဝါသနာပါရာ၊ စပ်စုမိရာကို မျှဝေရာဖြစ်ပေမယ့် အများဖတ်ဖို့ ဖြစ်တဲ့အတွက် မှန်ကန်နေ ဖို့ တော့ လိုအပ်ပါတယ်။ ဒါမှသာ အများက သိလာပြီး စိတ်ဝင်တစား လာကြည့်ကြမှာ ဖြစ်ပါတယ်။

မိမိရဲ့ Personal အကောင့်မှာလဲ အရင်အတိုင်း Like, Share လုပ်နေရင်း၊ တစ်ဖက်ကလည်း မိမိရဲ့ Page ကို အမြဲစောင့်ကြည့် ပြီး Post လေးတွေ တင်ပေးရပါမယ်။ ဒီမှာ စာဖတ်သူက အခြား ပညာရေး လမ်းကြောင်းပေါ် မှာ လျှောက်နေသူဆိုရင် အချိန်ပေးမှုကို ကိုယ်တိုင် စီမံထားစေချင်ပါတယ်။ Page ကိုလည်း အမြဲ Active ဖြစ်အောင်လုပ်ရင်း၊ သာမန် လုပ်ငန်းဆောင် တာများလည်း မလစ်ဟင်းရပါဘူး။

ဒီလိုလုပ်လာတာ ၃ လလောက်ဆိုရင် တော်တော်လေး ထူးခြားလာပါပြီ။ ကိုယ့်မျှဝေသမျှသာ လာဖတ် သူများနဲ့ ထပ်တူကျရင် ၃လ တောင်မကြာပဲ ၁ လတည်းနဲ့တောင် လူသိများ ရပန်းစားလာနိုင်ပါတယ်။

ဒီမှာ စပြီးအကျိုးအမြတ်ရပါပြီ။ စာဖတ်သူက ကဗျာ Page လုပ်ထားတယ်ဆိုပါစို့။ တကယ်လည်း ခံစား ချက်အပြည့်နဲ့ရေးထားတဲ့ ကဗျာတွေဆိုတော့ တော်တော်ကို ပေါက်နေပြီ ဆိုပါစို့။ ကဗျာစာအုပ်တိုက်များ၊ စာနယ်ဇင်းတိုက်များကို သိအောင် လုပ်ပါ။ စာမျက်နှာကို Print ထုတ်၍ ပြခြင်းသော် လည်းကောင်း၊ စာနယ်ဇင်းများ အီးမေးလ်သို့ မိမိဖန်တီးထားသောPage ရဲ့  Link ကိုပေးပို့ခြင်းဖြင့်သော် လည်းကောင်း သိအောင်လုပ်ရပါမယ်။ မိတ်ဆက်ရပါ မယ်။ တောင်းဆိုရ ပါမယ်။ တောင်းဆိုရမယ်ဆိုတာက မိမိတတ်ထားတဲ့၊ ဖန်တီးထားတဲ ပညာရပ်အတွက် သက်ဆိုင်ရာနယ်ပယ်မှာ ဝင်ရောက် လိုကြောင်း တောင်းဆိုနိုင်ပါတယ်။ ဥပမာ- သတင်းတွေ ဘာသာပြန်ပြီး Page လုပ်ထားတယ်ဆိုပါဆို့။ သတင်းမီဒီယာ တစ်ခုခုနဲ့ ချိတ်မိအောင် ကြိုးစားပြီး မိမိဖန်တီချက်များကို သိအောင် ပြရပါမယ်။ ပြီးတော့ မီဒီယာလောကမှာ ဘယ်လိုရပ်တည်ဖို့အခွင့်အရေး ရှိတယ်ဆို တာ တောင်း ဆိုနိုင်ပါတယ်။ အင်ဂျင်နေယာ ဆိုင်ရည် နည်းပညာများ မျှဝေရင်း၊ ရေးသား ထားတယ်ဆိုပါစို့ အင်ဂျင်နေယာဆိုင်ရာ သတင်းအချက်အလက်များ ပေးဖို့ ကြိုးစားနေတဲ့ မီဒီယာများကို ချိတ်ဆက်ပြီး မိမိဖန်တီးချက် များကို ပြရပါ မယ်။ ပြီတော့ မိမိအတွက် နေရာတစ်ခုခု ရရှိနိုင်ပါတယ်။

သို့ပေမယ့် စာဖတ်သူရဲ့ ဖန်တီးချက်ဟာလည်း ကောင်းမွန်နေ ဖို့လိုအပ်ပါ တယ်။ အများအမြင်မှာ အထင်ကြီးနေစေဖို့ လိုအပ်လာပါတယ်။ ယခုနောက်ပိုင်း မီဒီယာလုပ်ငန်းစုများ၊ စီးပွားရေး လုပ်ငန်းရှင် များဟာ Facebook ကိုတော်တော် အလေးထားလာပါပြီ။ Facebook ကိုအခြေခံပြီး အောင်မြင်နေတဲ့ သူတွေ၊ fan page တွေကို စောင့်ကြည့်နေ ပါတယ်။ မအောင်မြင်သေးတဲ့ မိမိစီးပွားရေးလုပ်ငန်း၊ မီဒီယာများ ကို အောင်မြင်လာအောင် ဖန်တီးပေးမယ် သူ လိုအပ်နေပါ တယ်။ အောင်မြင်ပြီး သားများ ကလည်း အင်အားပိုမိုတောင့်တင်းလာအောင် တကယ် အရည်အချင်းရှိတဲ့ Facebook ပေါ် က မြန်မာပြည်သားများကို ရှာဖွေနေကြပါတယ်။ Facebook ဟာ တကယ်ပဲ အားကိုးရတဲ့ Advertising နည်းလမ်းတစ်ခုပဲ ဆိုတာ သိလာကြပါပြီ။ ပရိုမိုးရှင်းတွေကို Facebook မှာပြုလုပ်နေကြပါပြီ။

အွန်လိုင်းမှာ စာဖတ်ပရိတ်သတ်အခိုင်အမာရ သွားတဲ့ ဆောင်းပါးရှင် တစ်ယောက်ဆိုရင် စာအုပ်ထုပ်ရတဲ့ အထိ အောင်မြင်သွားပါပြီ။ အခြား Professinal လုပ်ငန်း ရှိနေသည့်တိုင် Facebook ကြောင့် တစ်ဖက်ကလည်း ဝင်ငွေရပြီး၊ အောင်မြင်ပါတော့မယ်။ သတင်းတွေ၊ ဆောင်းပါးတွေ ကိုယ်တိုင်ဖန်တီးသူ ကလည်း မီဒီယာလုပ်ငန်းတော်တော်များများမှာ ဝင်ရောက်လုပ်ကိုင်နေရပါပြီ။ အပျော်တမ်း ရေးသား ရကနေ မီဒီယာကျင့် ဝတ်နဲ့ ညီညီ ရေးသားတင်ဆက်ပေး သူများ ဖြစ်လာကြပါတယ်။ အချို့ ကျ Facebook မှာအောင်မြင်ပြီး ဝဘ်ဆိုဒ်တွေ ပိုင်ဆိုင်ရရှိလာပြီး ကိုယ်ပိုင် စီးပွားရေး လုပ်ငန်းရှင်ဖြစ်ဖို့ လမ်းစတွေ ပေါ်ပေါက်လာပါတယ်။ အချို့ ကျတော့ မိမိဖန်တီးထားတဲ့ ဒီဇိုင်းတွေကြောင့် ဒီဇိုင်းကုမ္မဏီ များက ဖိတ်ခေါ်ပြီး အလုပ်ဆိုတာ ရှာစရာမလိုပဲ အလုပ်က လာရှာတာမျိုး အထိ ဖြစ်လာပါတယ်။

အလုပ်အကိုင်အခွင့်အလမ်းရှာဖွေရာမှာ မိမိ ဖန်တီချက်များကို အလွယ်တကူ ချပြလို့ရတဲ့ Facebook မှ မှတ်ကျောက်တင်ထားခြင်းဖြင့် ကြိမ်းသေ အသုံးဝင်ပါတယ်။ မိမိက အလုပ်တစ်ခုခုကို လျှောက်ရင် မိမိဖန်တီးထားမှု များကို ဘွဲ့လက်မှတ်နဲ့ ပြလို့ မလုံလောက်တော့ပါဘူး။ ဒီတော့ မိမိဖန်တီးထား တာတွေ ကို ပြရတောမှာ ဖြစ်ပါတယ်။ ဒီမှာ Facebook က တော်တော်လေး အသုံးဝင်ပါတယ်။ သို့တည်း မဟုတ် အခြားအလုပ်များ လုပ်နေရင်း ကိုယ်ဝါသနာပါရာကို Facebook မှာရေးနေရင်း အခြား အလွတ်တန်း အလုပ်တစ်ခုခုလည်း အလွယ်တကူ ရနိုင်တဲ့ နည်းလမ်း ဖြစ်ပါတယ်။ အခြား အကျိုး ထူးမြောက် များစွာလည်း ရှိနေပါသေးတယ်။ သို့ပေမယ့် ကောင်းကျိုးရသွားတဲ့ အရေအတွက်ဟာ အင်မတန် နည်းနေပါသေးတယ်။

Facebook page ကို မိမိရဲ့ ပညာရပ် အထောက်အပံ့ပစ္စည်းအဖြစ် အသုံးပြုနိုင်ပါတယ်။ အလုပ်အတော် များများက အတွေ့အကြုံရှိသူများကို ပိုမိုနှစ်သက်ကြပါတယ်။ ဘာမှအတွေ့ အကြုံမရှိသူများအနေနဲ့ မိမိတို့ ဘယ်လောက်ထိ တတ်တယ်ဆိုတာကို Page မှာတင်ပြထားခြင်းဖြင့် သက်သေပြနိုင်ပါတယ်။ ဘွဲ့လက်မှတ်မှာတင်မဟုတ်ပဲ မိမိဟာ တကယ်ပဲ တတ်မြောက်ပြီး ဒီလိုအကျိုးရှိရာတွေ ကို ပြန်လည်မျှဝေပေးနေပါတယ် ဆိုတာကို တင်ပြနိုင်ရင် အလုပ်ရှာရခက်တဲ့ အဖြစ်ဖို့မျိုးက အနည်းနဲ့ အများတော့ ကင်းဝေးမှာ ဖြစ်ပါတယ်။ မိမိက ဆော့ဖ်ဝဲနည်း ပညာရှင် တစ်ယောက် ဖြစ်တယ်ဆိုတာကို စာရွက်နဲ့တင်မဟုတ်ပဲ မိမိတင်ဆက်ပြ သထားတာတွေနဲ့ သက်သေပြနိုင်မှာ ဖြစ်ပါတယ်။ Facebook ရယ်လို့မှ မဟုတ်ပဲ Blogspot လုပ်ပြီးလည်း ထိုနည်းတူစွာ တင်ပြနိုင်မှာ ဖြစ်ပါတယ်။

ဒီအတွက် စာဖတ်သူတို့ ဘယ်လောက်အချိန်ပေးသင့်သလဲ။ ရည်ရွယ်ချက်ကို Facebook မှာ ရေရေ ရာရာမရှိ ဟိုဟိုဒီဒီ ကြည့်ရှုနေရသူများ အတွက် ဖြစ်ပါ တယ်။ ဒီလို မိမိခံစားချက်တွေ၊ ဖန်တီးချက်တွေကို ဖန်တီးဖို့အတွက် ထူးထူးခြားခြား အချိန်ပေးစရာ မလိုပါဘူး။ တစ်ရက်မှာ မိမိအားတဲ့ တစ်နာရီသော် လည်းကောင်း၊ နှစ်နာရီသော်လည်းကောင်း အချိန်အခိုက် အတန့်အတွင်း ရေးသားတင်ပြရင်း ဆက်သွားနိုင်ပါတယ်။ ဒီတာ့ Facebook နဲ့ ဘယ်လိုငွေရှာမလဲ၊ ခေါင်းစဉ် Facebook ပေါ်မှာ ဘယ်လို အလုပ်ရှာမလဲ လို့တောင် ဖြစ်သင့်ပါသေးတယ်။ စာဖတ်သူတို့ သံသယဖြစ်နေပြီလို့ ယူဆပါတယ်။ ဒီလိုလုပ်လို့ တကယ်ဖြစ်နိုင်ပါ့မလားလို့ သံသယတွေ ဝင်နေလောက်ပါပြီ။

ယခုစာရေးသူဟာလည်း Facebook မှာ မိမိဝါသနာ ပါရာ သတင်း၊ ဆောင်း ပါးများအား ဘာသာပြန် တင်ပြရင်း အခြား လုပ်ငန်းဆောင်တာ များမပျက် ယွင်းပဲ ရန်ကုန်တွင် နေထိုင်စားသောက်ရန် လုံလောက်သော ဝင်ငွေတစ်ခု ရရှိနေပြီ ဖြစ်ပါတယ်။ အပျော်တမ်းရေးရာကနေ မီဒီယာ လုပ်ငန်းကြီး များရဲ့  လက်တွဲခေါ်ဆိုမှုကြောင့် အခြေအနေကောင်း တစ်ခုရရှိနေပါပြီ။ မီဒီယာ လုပ်ငန်းတော်တော် များများမှာလည်း ဝင်ရောက်လုပ်ကိုင်ရန် ကမ်းလှမ်းမှု များ ရရှိခဲ့ဖူးပြီး လက်တွဲလည်း လုပ်ကိုင်ခဲ့ပါတယ်။ စာရေးသူပိုင် ဆိုင်သော Page တစ်ခုမှာ တင်ဆက်ပြသ ချက် ကောင်း မွန်မှုကြောင့် ကုမ္မဏီတစ်ခုက ဝဘ်ဆိုဒ်တစ်ခု ထောက်ပံ့ပြီး လက်တွဲလုပ်ကိုင်ရန် ကမ်းလှမ်းချက်များ ရရှိခဲ့ပါတယ်။ ကိုယ်ပိုင် အွန်လိုင်း မီဒီယာ လုပ်ငန်းတစ်ခု ဖန်တီးလို့ရတဲ့ အနေအထား ထိတောင် ဖြစ် သွားပါတယ်။ ၆ လကျော်အတွင်း ထူးခြားလာ မှုများက တစ်နှစ်ပြည့်နီးနီးမှာ ပို၍ အောင်မြင်သွားပါတယ်။ စာရေးသူက မီဒီယာကျောင်း ဆင်းလည်း မဟုတ်ရပါ။ စာနယ်ဇင်းကလည်း မဟုတ်ရပါ။ တစ်ဖက်ကလည်း ဘာသာရပ်တစ်ခု အထူးပြု ကာ ကျောင်းပြီး ထားပြီး လုပ်ငန်းခွင်ဝင်ရန် သင်ယူလေ့လာနေဆဲသာ ဖြစ်ပါတယ်။ ကိုယ်ရည်သွေးခြင်း မဟုတ်ရပါ။ စာဖတ်သူ တို့ ဖြစ်ကောဖြစ်နိုင်ပါ့မလား ဟူသော သံသယ ကင်းဝေး စေရန် ဖြစ်ပါတယ်။

စာရေးသူထက် အဆပေါင်းများစွာ အကျိုးထူး ချွန်ပြီး အောင်မြင် နေသော မြန်မာပြည် မှ Facebook user များလည်း အမြောက်အများရှိပါတယ်။ မီဒီယာ လုပ်ငန်းကိုသာ မဆိုလို။ အခြား မိမိကျွမ်းကျင်ရာ နယ်ပယ်အလျောက် တင်ပြချက်ကို အခြေခံပြီး ပြင်ပလော ကမှာ ကောင်းကောင်းကြီး ပြန်လည် အသုံးချနိုင်မှာ ဖြစ်ပါတယ်။

ယခုစာက Facebook ကိုအပျော်တန်း၊ အပျင်းပြေသုံးနေသော အခြား Profesional များအတွက် မဟုတ် ရပါ။ တကယ်ပဲ အလုပ်ရှာရခက်ပြီး၊ အွန်လိုင်းမှာ မရေမရာ ဖြစ်နေသူများအတွက် ရည်ရွယ်ခြင်း ဖြစ် ပါတယ်။ ပညာအရည်အချင်း ရှိသောလည်း ရွံ့ နွံတွင်းမှ ပတ္တပြားကဲ့ သို့ မြှုပ်နေ သူများ အတွက် ဖြစ်ပါ တယ်။ တတ်စွမ်း သလောက်ကြိုး စားသော်လည်း အရာမရောက်သေးသူများ အတွက် လည်း ဖြစ်ပါ တယ်။ တကယ်ပဲ Facebook ကိုအကျိုးရှိရှိ အသုံးချ လို့ ကျောင်းကျိုးပေါင်း များစွာ ဖြစ် ထွန်းလာဖို့ ဆန္ဒပြု ရေးသားလိုက်ရပါ တယ်။

လေးစားစွာဖြင့်
အောင်ခမ်း (TSJ team)
http://techspacejournal.blogspot.com/2012/09/facebook_12.html

6:44 PM | Posted in , | Read More »

အမျိုးပျောက်မှာ စိုးကြောက်စရာ

အမျိုးပျောက်မှာ စိုးကြောက်စရာ

Ahmyo Pyout Mar Soe Kyaut Sa Yar

11:13 AM | Posted in | Read More »

ဖူးစာရေးနတ်ရက်စက် ပေါင်းဖက်ရလေသောအခါ

တရုတ်နိုင်ငံတွင် လူကုန်ကူးခံရ၍ သေပြေးရှင်ပြေးထွက်ပြေးပြီး လွတ်မြောက်လာသော ခင်နုတစ်ယောက် အမိနိုင်ငံ၏ လူကုန်ကူးခံရသူများ စောင့်ရှောက်သောဂေဟာ ရောက်သောအခါ သူမအတွက် အံ့သြစရာများ ကြုံနေရသည်။
လူကုန်ကူးသူ လင်မယားနှစ်ယောက်က မန္တလေး တွင် အလုပ်သွင်းပေးမည်ဆိုပြီး တရုတ်နိုင်ငံ သို့ ခေါ်သွား၍ တရုတ်အမျိုးသားများနှင့် အဓမ္မ ထိမ်းမြား လက်ထပ်ရန် ကြိုးပမ်းနေခြင်းမှ အသက် ၂၃ အရွယ် ခင်နု(ကာယံရှင်ဆန္ဒအရ အမည်ပြောင်း ထားပါသည်) ကံကောင်း၍ လွတ်မြောက် လာခြင်းဖြစ်ပါသည်။ 

သူမကလွတ်မြောက်လာ၍ ပျော်ရွှင်နေချိန်တွင် လူကုန်ကူးခံရသူများ စောင့်ရှောက်သော ဂေဟာရှိ ဘ၀တူ အခြားမိန်းကလေးအချို့မှာ တရုတ်နိုင် ငံမှ မြန်မာနိုင်ငံသို့ ပြန်ရောက်လာ၍ ၀မ်းနည်းနေကြသည့်အတွက် သူမအံ့သြနေခြင်းဖြစ်ပါသည်။ ထိုသို့ တရုတ်နိုင်ငံ တွင် အဓမ္မထိမ်းမြား လက်ထပ်ခံခဲ့ရပြီး သားသမီးများ ရပြီးကာမှ မြန်မာနိုင်ငံသို့ လူကုန်ကူးခံရ သူများအဖြစ် ပြန်ရောက်လာသော မိန်းကလေးများမှာ ခင်နုကဲ့သို့ ထွက်ပြေးလာခြင်းမဟုတ်ဘဲ

တရုတ်ရဲများက ဖမ်းပြီးပြန်ပို့သဖြင့် ရောက်ရှိလာကြသူများသည်။

“သူတို့က ဟိုမှာကျန်ခဲ့တဲ့ သားသမီးတွေ၊ ယောက်ျားတွေကို လွမ်းနေတာ။ ကယ်ဆယ်ရေးစခန်း မှာတွေ့ ခဲ့တဲ့ တရုတ်မှာ လက်ထပ်ခဲ့ရတဲ့ မိန်းကလေးအများစု ကလေးရထားကြပြီးသားတွေများ တယ်။ တချို့ ကတော့ ယောက်ျားထက် ကလေးကို ပိုလွမ်းပြီး ပြန်ချင်နေကြတာ”ဟု ရန်ကုန်မြို့  တောင်ဥက္ကလာပမြို့ နယ်နေ ခင်နုက သူမ၏အတွေ့အကြုံကို ပြန်လည်ပြောပြသည်။

မြန်မာနိုင်ငံမှ လူကုန်ကူးခံရသော အမျိုးသမီးအများစုမှာ တရုတ်နိုင်ငံသို့ဖြစ်ပြီး၊ တရုတ်အမျိုးသားများနှင့် အဓမ္မထိမ်းမြားလက်ထပ်ရန် ရောင်းစားခံကြရခြင်းဖြစ်သည်။ မြန်မာနိုင်ငံတွင် ၂၀၀၆ ခုနှစ် ဇန်န၀ါရီ ၁ ရက်မှ ၂၀၁၁ ခုနှစ် သြဂုတ်လ ၃၁ ရက်ထိ ဖော်ထုတ်ရရှိခဲ့သော လူကုန်ကူးမှုစုစုပေါင်း ၇၃၁ မှုတွင် ၇၀ ရာခိုင်နှုန်းခန့်မှာ အဓမ္မထိမ်းမြားလက်ထပ်ရန် ရောင်းစားခံကြရခြင်းဖြစ်သည်။ အထူးသတိပြုရမည့် အချက်မှာ နယ်စပ်ဖြတ်ကျော် လူကုန်ကူးမှုဖြစ်စဉ်အားလုံး၏ ၈၀ ရာခိုင်နှုန်းမှာ တရုတ်နိုင်ငံသို့ ဦးတည် ခဲ့သည်။

လူကုန်ကူးမှုစုစုပေါင်း ၁၃၆ မှု ဖော်ထုတ်နိုင်ခဲ့သော ၂၀၁၁ ခုနှစ် တစ်နှစ်အတွင်းမှာပင် ၈၉ မှုမှာ အဓမ္မထိမ်းမြားလက်ထပ်ရန်ဖြစ်ပြီး အားလုံးနီးပါးမှာ တရုတ်နိုင်ငံတွင် ဦးတည်ဖြစ်ပွားခဲ့ခြင်း ဖြစ်သည်။

မြန်မာနိုင်ငံမှ အမျိုးသမီးများ တရုတ်နိုင်ငံသို့ အဓမ္မထိမ်းမြားလက်ထပ်ရန် ရောင်းစားခံရမှု ဖြစ်ပွားရခြင်း၏ အကြောင်းရင်းတွင် တရုတ်နိုင်ငံတွင် မိသားစုတစ်စု ကလေးတစ်ဦးသာ ယူရသော (One Child One Family) ပေါ်လစီနှင့် မိသားစုအများစုမှာ သားယောက်ျားလေးကိုသာ အဓိကရလိုပြီး ယူကြသဖြင့် အမျိုးသားဦးရေမှာ အမျိုးသမီးဦးရေထက် ပိုများနေခြင်းမှာ အဓိကဖြစ်သည်။

ထို့အပြင် နှစ်နိုင်ငံနယ်စပ်မှာ လွယ်ကူစွာ သွားလာနိုင်ခြင်း၊ လူပွဲစားများ၏ စည်းရုံးမှုတွင် အမျိုးသမီးများ အယုံလွယ်ခြင်းနှင့် တရုတ်နိုင်ငံတွင် လူကုန်ကူးသောပွဲစားများကို အရေးယူအပြစ်ပေး မှုမှာ ပြင်းထန် ထိရောက်ခြင်း မရှိ၍ဖြစ်ကြောင်း လူကုန်ကူးမှုတားဆီးနှိမ်နင်းရေးအဖွဲ့ အဖွဲ့ခေါင်းဆောင် ဒုတိယရဲမှူးကြီး ညွန့်လှိုင်က ပြောသည်။ နိုင်ငံ၏ စီးပွားရေးကျပ်တည်းမှုကြောင့် အလုပ်အကိုင် အခွင့်အလမ်းများ နည်းလွန်းခြင်းမှာလည်း မြန်မာသမီးပျိုများ ဘ၀တက်လမ်းအတွက် ရပ်ဝေးသွားရောက်စေရန် တွန်းပို့ မှုဖြစ်စေသော အခြေအနေဖြစ်ပြီး လူကုန်ကူးခံနေရခြင်း၏ အဓိကအကြောင်းရင်း တစ်ခုဖြစ်ကြောင်း ကျွမ်းကျင်သူများက တညီတညွတ်ပြော၏။

လူဦးရေသန်း ၁၃၃၀ ကျော်ရှိသော တရုတ်နိုင်ငံတွင် အမျိုးသား၊ အမျိုးသမီးဦးရေ မမျှတမှုကြောင့် သတို့ သမီးလိုအပ်ချက် မြင့်မားနေခြင်း၏ သားကောင်များမှာ အိမ်နီးချင်းနိုင်ငံများဖြစ်သော မြန်မာ၊ လာအိုနှင့် ဗီယက်နမ်တို့မှ အမျိုးသမီးအချို့ဖြစ်လာသည်။ နိုင်ငံတကာအဖွဲ့အစည်းအချို့၏ အစီရင်ခံစာများ အဆိုအရ ၂၀၁၀ ခုနှစ် ကျော်လာသောအခါ တရုတ်အမျိုးသားသန်း ၄၀ ကျော်သည် အိမ်ထောင်ပြုရန် သတို့ သမီးမရှိဖြစ်နေသည်။

သားယောက်ျားလေးကိုသာ ရယူလိုသော ထုံးတမ်းအစဉ်အလာကြောင့် ၂၀၃၀ ခုနှစ်အရောက်တွင် မိန်းကလေး ၁၀၀ ဦးမွေးလျှင် ယောက်ျားလေး ၁၂၀ မွေးကာ၊ ထို့နောက်ပိုင်း ယောက်ျားလေးဦးရေက မိန်းကလေးဦးရေထက် အကြမ်းဖျင်း ၂၀ ရာခိုင်နှုန်း များလာဖွယ်ရှိကြောင်း ကမ္ဘာကျော် Forbes မဂ္ဂဇင်းက ခန့်မှန်းတွက်ချက် ဖော်ပြထားပါသည်။

တရုတ်နိုင်ငံတွင် သတို့သားများအတွက် တရုတ်အမျိုးသမီးကိုယူလျှင် အသုံးပြုရသော မင်္ဂလာဆောင် ကုန်ကျစရိတ်မှာ မနည်းလှ၍ ကျေးလက်များရှိ ငွေကြေးမကြွယ်ဝသော တရုတ်အမျိုးသားများအတွက် တရုတ်သမီးသတို့သမီး ရရန်မလွယ်ကူပေ။ တစ်ဖက်တွင် မြန်မာ၊ လာအို၊ ဗီယက်နမ်ကဲ့သို့ နိုင်ငံများမှ အမျိုးသမီးကို ၀ယ်ရသောနှုန်းမှာ တရုတ်သတို့သမီးနှင့် မင်္ဂလာဆောင်သည်ထက် များစွာသက် သာနေခြင်း မှာလည်း အဓမ္မထိမ်းမြားလက်ထပ်သော လူကုန်ကူးမှုဖြစ်စေခြင်း၏ အကြောင်းရင်း တစ်ခုဖြစ်ကြောင်း UNIAP (လူကုန်ကူးမှုတိုက်ဖျက်သော ကုလသမဂ္ဂစီမံချက်)မှ အမျိုးသားစီမံ ချက်ညှိနှိုင်းရေး မှူး ဒေါ်ဥမ္မာအိအိချောက ပြောသည်။

“တချို့ပြန်လာတဲ့သူ၊ အဓမ္မထိမ်းမြားလက်ထပ်ရန် ရောင်းစားခံရပြီး လွတ်မြောက်လာသူတွေ ကို မေးကြည့် တယ်။ တကယ်ပဲ တရုတ်ရွာတွေမှာ အမျိုးသမီးမရှိတော့လို့ နင်တို့ကို ယူတာလားလို့ မေးတဲ့အခါမှာ မဟုတ်ဘူး။ သူတို့ရွာတွေမှာ အမျိုးသမီးလေးတွေရှိတယ်။ ဒါပေမဲ့ ရွာမှာရှိတဲ့ အမျိုးသမီးတွေက သူတို့ရွာက ဆင်းရဲသားအမျိုးသားတွေကို မလိုချင်တဲ့အခါကျတော့ သူတို့က မြို့ပေါ်တက်မယ်။ တခြားနေရာသွားမယ်။ ပိုက်ဆံချမ်းသာတဲ့ ယောက်ျားကိုပဲ ယူမယ်ပေါ့။ အဲဒါမျိုးတွေ တွေ့ရတယ်ဆိုတော့ နေရာတိုင်းမှာလည်း ကျား၊မ မမျှလို့ဆိုတာ မဟုတ်ဘူး”ဟု ဒေါ်ဥမ္မာအိအိချောက ပြောသည်။

သို့သော် ကံအနည်းငယ်ကောင်းသော အဓမ္မထိမ်းမြားလက်ထပ်ခံရသူ အမျိုးသမီးများမှာ ၎င်းတို့ကို ၀ယ်၍ ယူထားသော တရုတ်အမျိုးသားက သဘောကောင်းပြီး သံယောဇဉ်ရှိ သွားသဖြင့် ကောင်းမွန် စွာ ပေါင်းသင်း ဆက်ဆံသည်လည်းရှိသည်။ စားဝတ်နေရေး အဆင်ပြေပြီး သားသမီးများပင်ရကာ ဘ၀သစ် တွင် ပျော်မွေ့သော အမျိုးသမီးများမှာ အဆင်မပြေမှု၊ ဆင်းရဲကျပ်တည်းမှုများ ပြည့်နှက်နေသည့် ဘ၀ဟောင်းရှိရာ မိခင်နိုင်ငံသို့ပင် မပြန်လိုတော့။ ထိုကဲ့သို့ အမျိုးသမီးများအား တရုတ်ရဲများက တရုတ်နိုင်ငံသူမဟုတ်၍ ဖမ်းဆီးစစ်ဆေးပြီး မိခင်နိုင်ငံပြန်ပို့ချိန်တွင်

လူကုန်ကူးခံရမှုမှ လွတ်မြောက်လာသော်လည်း မပျော်နိုင်ဘဲ တရုတ်မှမိသားစုနှင့် ဘ၀သစ်ထံ သို့သာ ပြန်သွားလိုကြသည်။

ခင်နုတစ်ယောက် မူဆယ်မြို့အနီးရှိ လူကုန်ကူးခံရသူများ စောင့်ရှောက်သည့်ဂေဟာတွင် တွေ့ခဲ့ရသော တရုတ်သို့ပြန်လိုသူ အမျိုးသမီးအချို့သည်လည်း ဘ၀သစ်က ဘ၀ဟောင်းထက် များစွာသာလွန်ပြီး၊ သားသမီးသံယောဇဉ်များကြောင့် ဖြစ်ပါသည်။

ရပ်ကွက်အတွင်း ကျပန်းဈေးရောင်းသလို တောင်ဥက္ကလာပရှိ အထည်ချုပ်စက်ရုံတစ်ခုတွင် အလုပ် လုပ်သော ခင်နုတစ်ယောက် ၂၀၁၁ ခုနှစ် ဇူလိုင်လ၏ နေ့တစ်နေ့တွင် လမ်းထိပ်လက်ဖက်ရည် ဆိုင်၌ပြသော ဗီဒီယိုဇာတ်ကား ၀င်ကြည့်ရာမှ ဘ၀တစ်ဆစ်ချိုးခဲ့သည်။ ဇာတ်ကားကြည့်နေစဉ် ဘေးဝိုင်းရှိ မျက်မှန်းတန်းမိစ ကိုမွေခမ်းနှင့် မနော်မေတို့ လင်မယားနှစ်ဦးက စက်ရုံလက်ရှိလုပ်ခလစာမေး၍ နည်း လွန်းကြောင်းပြောကာ မန္တလေးရှိ အထည်ချုပ်စက်ရုံတွင် တစ်လကျပ်နှစ်သိန်းခွဲဖြင့် အလုပ်သွင်းပေးမည်ဟု ဆိုလာသည်။

စာမတတ်ဘဲ လုပ်ချင်ရာဇွတ်လုပ်တတ်သော ကလေးတစ်ယောက်မိခင်ခင်နု သူမ(သူမ၏ အမျိုးသားနှင့် အိမ်ထောင်ကွဲနေသည်)က တစ်ထိုင်တည်းဆုံးဖြတ်၍ ထိုလင်မယားနောက်ကို ညတွင်းချင်းလိုက်ရာ မန္တလေးမရောက်ဘဲ တရုတ်သို့ရောက်သွားသည်။ တရုတ်ကျေးရွာတစ်ခုထိ သူ့အားခေါ်သွား၍ တရုတ် အမျိုးသားတစ်ဦးထံ ရောင်းစားရန် ခင်နုကိုပြ၍ ဈေးဆိုကြသည်။ အခြေအနေမှန် သိသွားပြီးနောက် ခင်နုက လူကုန်ကူးသော လင်မယားနှစ်ဦးဆန္ဒအတိုင်း တရုတ်အမျိုးသားနှင့် လက်ထပ်ပါမည်၊ သူမအဆင်ပြေရန် ၀တ်စုံသစ်ဝယ်ပေးရန် အချိုသပ်ပြောကြား၍ ထိုလင်မယားအ၀တ်အစား ထွက်ဝယ်စဉ် အိမ်၌ကျန်ခဲ့သော တရုတ်အဘွားအိုကို လှည့်စားကာ ထွက်ပြေးလွတ်မြောက်လာခြင်းဖြစ်သည်။

“တစ်နာရီခွဲ၊ နှစ်နာရီလောက် ပြေးတယ်။ အဲဒီအိမ်မှာရှိတဲ့ ယောက်ျားကြီးတစ်ဦးက လက်ထဲအချွန်ကြီး ကိုင်လာပြီး လိုက်လာတာကြောက်လို့ တအားပြေးတယ်။ လူတွေရှိတဲ့တစ်နေရာ သူကမီတော့ အုတ်ခဲကောက် ကိုင်ပြီး လာခဲ့ထုလိုက်မယ်ပြောတယ်။ ဘေးကလူတွေက ဒီအတိုင်းကြည့်နေတာ။ သူလည်း အနားမကပ်ရဲဘူး။ သူ့ကို မျက်ခြည်ပြတ်အောင် တစ်အိမ်ဝင် တစ်အိမ်ထွက်ပြေးရင်း တစ် အိမ်ရောက်တော့ မြန်မာကလေးအမေတစ်ယောက်က ပိုက်ဆံချေးပေးလို့ တက္ကစီငှားပြီး ခိုးပေါက်ကို ပို့ ထွက်ပြေးခိုင်းလို့ လွှတ်လာတာ”ဟု ခင်နုက သူမအတွေ့အကြုံကို ပြန်ဝေမျှသည်။ သူမနယ်စပ်စည်းရိုး ခိုးကျော်သောနေရာမှာ ကျယ်ဂေါင်မြို့(တရုတ်ဘက်ခြမ်း)၊ မူဆယ်ကြားရှိ စည်းရိုးဖြစ်ပြီး ထိုမှတစ်ဆင့် မူဆယ်ရဲစခန်း၊ ထိုမှ လူကုန်ကူးခံရသူများ စောင့်ရှောက်သော ဂေဟာတွင် တစ်လ၀န်းကျင် နေခဲ့သည်။

ခင်နု ထိုဂေဟာတွင် ရင်းနှီးခဲ့သူတစ်ဦးဖြစ်သော ရှမ်းတိုင်းရင်းသူနန်းဝေ(အမည်ပြောင်းထား) မှာ တရုတ် ရဲက ဖမ်းပြီးပြန်ပို့၍ ဂေဟာသို့ရောက်လာခြင်းဖြစ်သည်။ နန်းဝေအသက်ငါးနှစ်ခန့်တွင် တရုတ် အမျိုး သမီးကြီးတစ်ဦးက မွေးစားမည်ဆိုပြီး တရုတ်ပြည်ခေါ်သွားကာ ၁၄ နှစ်အရွယ်ရှိသောအခါ တရုတ် အမျိုးသားတစ်ဦးထံရောင်း၍ အဓမ္မလက်ထပ်ခံခဲ့ရခြင်းဖြစ်သည်။ အိမ်ထောင်သက် ၆ နှစ် ခန့်ရှိပြီဖြစ်ပြီး အမျိုးသားက သူမအပေါ်ကောင်းသလို ကလေးတစ်ယောက်ရှိသည်။ ထို့ကြောင့် အသက်(၂၀) အရွယ် ကလေးမိခင်မှာ ကလေးကိုလွမ်း၍ မကြာခဏငိုသည်။

“စခန်းမှာတွေ့တဲ့ လူကုန်ကူး ခံရတဲ့သူတွေထဲမှာ ကလေးရခဲ့တဲ့ ကလေးမအေတွေ များတယ်။ တချို့က သူ့ကလေးကို မပြတ်နိုင်ဘူး။ သူ့ယောက်ျားကိုလည်း မပြတ်နိုင်ဘူး ဖြစ်နေကြတာ။ အညာကအမျိုးသမီး ၅ ဦး၊ ၆ ဦးရောက်လာတာလည်း တွေ့ရတယ်။ သူတို့ကကြောက်လို့ လမ်းကနေ လွတ်အောင်ပြေးလာတာ၊ တရုတ်နိုင်ငံမရောက်ဘူး။ အများစုကတော့ အသက်၂၀

ကျော် ၃၀ အတွင်းတွေပဲ။ ရှမ်းတွေ၊ ပလောင်တွေ၊ ဗမာအမျိုးသမီးတွေများတယ်။ ၁၇ နှစ်ပဲရှိသေးတဲ့ လှိုင်သာယာက ကောင်မလေးတစ်ယောက်လည်း တွေ့ခဲ့တယ်။ သူလည်း ယောက်ျားယူခံရတာပဲတဲ့။ သူကတအားဆော့တာ။ သူ့ယောက်ျားက ဆော့လွန်းလို့ မျက်စိနောက်တယ် ဆိုပြီး ပြန်ပို့တာ လို့ ပြော တယ်”ဟု ခင်နုက လူကုန်ကူးခံရသူများ စောင့်ရှောက်သော ဂေဟာတွင် ကြုံခဲ့ရသည့် အတွေ့အကြုံကို ရယ်ရယ်မောမောပြောသည်။

အဓမ္မထိမ်းမြားလက်ထပ်မှုများတွင် မုဆိုးကိုယ်တိုင်၊ သားကောင်ဖြစ်ရသည်များလည်း ရှိသည်။ လူကုန်ကူး ခံရသည်ဆိုသော အမျိုးသမီးကိုယ်တိုင်က လူပွဲစားနှင့် ကြိုတင်အကွက်ဆင်၍ တရုတ်အမျိုးသား ထံ ရောင်းစားခံကာ ခေတ္တပေါင်းသင်းပြီးနောက် ထွက်ပြေးလာခြင်းမျိုးဖြစ်သည်။

“၂၀၁၀ နောက်ပိုင်းကစပြီး ပွဲစားက စစည်းရုံးကတည်းက တရုတ်အမျိုးသားနဲ့ လက်ထပ်ရမယ်။ ကျပ် ၁၀ သိန်း၊ ကျပ် ၁၅ သိန်းရမယ်။ ခြောက်လလောက်ပေါင်းပြီး ပြန်လာလို့ရမယ်။ ကလေး တစ်ဦး မွေးပြီး ရင် ပြန်လာ လို့ရမယ်ဆိုပြီး သဘောတူညီမှုနဲ့ ပို့ရောင်းစားတာတွေ တွေ့လာရတယ်”ဟု ဒုတိယ ရဲမှူးကြီးညွန့်လှိုင်က ပြောသည်။

“တစ်ခါတလေကျတော့လည်း အတိုင်းအတာတစ်ခုထိ တရုတ်တွေနဲ့ ယူရမယ်ဆိုတာ သိတယ်။ ပွဲစားကိုယ်တိုင်က သင်ပေးလိုက်တာမျိုးတွေ ရှိတယ်။ နင်တို့ပြန်ထွက်ပြေးလာလို့ ရတယ်။ ဘာညာ ဆိုပြီးတော့ပေါ့။ တချို့တရုတ်အမျိုးသားတွေလည်း အဲဒီလိုမျိုးမှာ ဒုက္ခရောက်တဲ့သူတွေရှိတယ်။ သူလယ်ရင် ကိုယ်ခံ၊ ကိုယ်လယ်ရင်လည်း သူခံသွားရတာမျိုးတွေ ရှိတာပေါ့နော်” ဟု ဒေါ်ဥမ္မာ အိအိချောကလည်း သုံးသပ်ပြသည်။

စီးပွားရေးကျပ်တည်းမှုကြောင့် ထွက်ပေါက်အဖြစ် ပွဲစားနှင့်တိုင်ပင်ကာ ထိုသို့ပြုလုပ် ၀င်ငွေရှာဖွေမှုမှာ အဖြေကောင်းမဟုတ်ပါ။ လူကုန်ကူးမှု တိုက်ဖျက်ရေးလုပ်ငန်းများအတွက်လည်း ထိုအခြေအနေက အဟန့်အတားသစ် ဖြစ်လာစေသည်။

မြန်မာနိုင်ငံတွင် လူကုန်ကူးမှု ကာကွယ်တားဆီးတိုက်ဖျက်ရေးလုပ်ငန်းများမှာ အစိုးရ၊ နိုင်ငံတကာ အဖွဲ့အစည်းများ ပူးပေါင်းဆောင်ရွက်မှုများအရ အောင်မြင်မှုများ ရရှိနေပြီဖြစ်သလို စိန်ခေါ်မှုများစွာလည်း ရှိပါသေးသည်။

အစိုးရက နိုင်ငံတကာလက်ခံသော လူကုန်ကူးမှုတားဆီးကာကွယ်ရေးဥပဒေကို ၂၀၀၅ ခုနှစ်တွင် စက်တင်ဘာ ၁၃ ရက်က ပြဋ္ဌာန်းခဲ့ပြီးနောက် ၂၀၀၆ ခုနှစ်မှ ၂၀၁၁ ခုနှစ်အထိ ခြောက်နှစ်တာ ကာလ အတွင်း လူကုန်ကူးမှု ၇၇၇ မှုကို ဖော်ထုတ်အရေးယူနိုင်ခဲ့သည်။ တရားခံ ၂,၁၆၄ ဦးကို ဖမ်းဆီး အရေးယူနိုင်ခဲ့ပြီး၊ လူကုန်ကူးခံရသူ ၁,၃၃၁ ဦးကို ကယ်တင်ပေးနိုင်ခဲ့သည်။

လူကုန်ကူးမှု တားဆီးကာကွယ်ရေးဥပဒေအရ လူကုန်ကူးသူမှာ ပြစ်ဒဏ်ထင်ရှားလျှင် ထောင်ဒဏ်ငါးနှစ်မှ ဆယ်နှစ်အထိ ချမှတ်အရေးယူပြီး၊ အခြားပြစ်မှုများပါ ကျူးလွန်လျှင် အမြင့်ဆုံးသေဒဏ်အထိ ချမှတ်သည်ကို တွေ့ရသည်။

လူကုန်ကူးမှု တားဆီးကာကွယ်ရေးဗဟိုအဖွဲ့က လူကုန်ကူးမှု တားဆီးနှိမ်နင်းရေးအထူးအဖွဲ့ ၂၄ ဖွဲ့ကို ဖွဲ့စည်းခြင်း၊ လူကုန်ကူးမှုနှင့် ပတ်သက်၍ ဆက်သွယ်သတင်းပေး တိုင်ကြားနိုင်ရန် အရေးပေါ် ဖုန်းနံပါတ်များ (Hot Line) ထားရှိပေးခြင်း၊ နိုင်ငံတကာအဖွဲ့အစည်းများနှင့် ပူးပေါင်း၍ ပညာပေးလုပ်ငန်း၊ ကြိုတင်ကာကွယ်ရေးနှင့် ပြန်လည်ထူထောင်ရေးလုပ်ငန်းများ ဆောင်ရွက်ခြင်း စသည်တို့ ကို ဆောင်ရွက်နိုင်ခဲ့သည်။ ထို့အပြင် ထိုင်းနိုင်ငံသို့ ရောက်ရှိနေသော တရားမ၀င်မြန်မာ အလုပ်သမား များအတွက် ယာယီနိုင်ငံကူးလက်မှတ် ပြုလုပ်ပေးခြင်းမှာလည်း လူကုန်ကူးကာကွယ်ရေး လုပ်ငန်းများ အတွက် အထောက်အကူပြုသည်။

ထိုသို့ ဆောင်ရွက်ချက်များကြောင့် အမေရိကန်နိုင်ငံ၏ ၂၀၁၂ လူကုန်ကူးမှုဆိုင်ရာ အစီရင်ခံစာ တွင် မြန်မာနိုင်ငံကို လူကုန်ကူးမှုအန္တရာယ် အများဆုံးနိုင်ငံများစာရင်းမှ အဆင့်မြှင့်၍ စောင့်ကြည့်အဆင့်-၂ သို့ သတ်မှတ်ပေးခဲ့သည်။

လူကုန်ကူးမှုမှာ မြန်မာနိုင်ငံကဲ့သို့ ဆင်းရဲသော နိုင်ငံများသာမက ချမ်းသာသောနိုင်ငံများ၌ပင် ဖြစ်ပွားသည်။ ကမ္ဘာတွင် နှစ်စဉ်လူ ၂ ဒသမ ၅ သန်း နေ့စဉ် ၆၈၀၀ လူကုန်ကူး ခံနေရသည်။ ပြည်တွင်း ၌ ဖြစ်ပွားသောလူကုန်ကူးမှုပုံစံများမှာ အဓမ္မထိမ်းမြား လက်ထပ်ခြင်း၊ ပြည့်တန်ဆာပြုခြင်း၊ လုပ်အားခေါင်း ပုံဖြတ်ခြင်း၊ ကလေးလူကုန်ကူးခြင်း၊ အဓမ္မတောင်းရမ်းခိုင်းခြင်း၊ အဓမ္မမွေးစားခြင်း၊ လိင်ခေါင်းပုံဖြတ်ခြင်း တို့ဖြစ်သည်။ အဓမ္မထိမ်းခြားလက်ထပ်ခြင်းမှာ အများဆုံးဖြစ်ပါသည်။

သို့သော် နိုင်ငံ့စီးပွားရေး ကျဆင်းနေခြင်းကြောင့် အလုပ်အကိုင်အခွင့်အလမ်းများ နည်းပါးနေခြင်း၊ လူကုန်ကူးမှု အများဆုံးဦးတည်ရာ တရုတ်နိုင်ငံတွင် ပွဲစားများနှင့် လူကုန်ကူးတရားခံများအား ထိရောက်စွာ ပြစ်ဒဏ်ချမှတ်သော ဥပဒေများ မရှိသေးခြင်း၊ လူကုန်ကူးခံရသူများကို ကယ်တင်ပြီးပါက ဘ၀ရပ်တည်နိုင်ရေးအတွက် မဆောင်ရွက်ပေးနိုင်သေးခြင်း၊ လူကုန်ကူးမှုနှင့် ပတ်သက်၍ လူအများစု ဗဟုသုတနည်းနေခြင်း ပြည်တွင်း၌ဖြစ်သော လူကုန်ကူးမှုများ တိုးလာခြင်း စသည်တို့မှာလည်း စိန်ခေါ်ချက်များဖြစ်ပါသည်။

အစိုးရသစ်လက်ထက်တွင် ပေါ်ပေါက်လာသော လွှတ်တော်များမှာလည်း တစ်ကြိမ်ထက်တစ်ကြိမ် မေးခွန်း၊ အဆို၊ ဥပဒေကြမ်းများ ပိုမိုတင်သွင်း ဆွေးနွေးလာသော်လည်း ယနေ့အထိ လူကုန်ကူးမှုနှင့် ပတ်သက် ၍ ဆွေးနွေးမှုလုံးဝမရှိသေးပေ။ လူကုန်ကူးမှုမှာ စီးပွားရေးနိမ့် ကျမှုကြောင့် ပေါ်ထွက် လာသော ပြဿနာတစ်ရပ်ဖြစ်ပြီး၊ စီးပွားဖွံ့ဖြိုးအောင် လုပ်နိုင်သည်နှင့် ထိုပြဿနာဖြေရှင်းပြီး ဖြစ်မည်ဟု လည်း ပြည်သူ့လွှတ်တော်ကိုယ်စားလှယ် ဦးရဲထွန်းကပြောသည်။

လူကုန်ကူးသူများလက်မှ စွန့်စွန့်စားစား ထွက်ပြေးလွတ်မြောက်လာသော်လည်း ခင်နုတစ်ယောက် ရန်ကုန်ပြန်ရောက်၍ ကိုးလကြာသည့်တိုင် အသက်မွေးဝမ်းကျောင်းအတွက် အလုပ်တစ်ခုရရန် သူမ စွမ်းဆောင်နိုင်သေးပါ။ သက်ဆိုင်ရာ တာဝန်ရှိသူများကလည်း သူ့ကို ထောက်ပံ့ကြေးငါးထောင်ပေး၍ အိမ် အရောက် ကောင်းမွန်စွာ စောင့်ရှောက်ပို့ဆောင်ပေးခဲ့သည်။ အလုပ်ရရန်တော့ ကူညီနိုင်မည့်သူ မရှိသေး ပါ။ ဆွေမျိုးများ မရှိတော့သော နန်းဝေတစ်ယောက် ဘယ်ဆီရောက်နေသည်ကို ခင်နုလည်းမသိတော့ပါ။

ရေးသားသူ-အားမာန်

7:19 PM | Posted in | Read More »

အင်တာနက်သုံးသူတိုင်းသတိထားရမဲ့ အချက်တွေပါ

အင်တာနက်သုံးသူတိုင်းသတိထားရမဲ့ အချက်တွေပါ

အင်းပြောရရင်မကောင်းတကောင်းပဲ အင်တာနက်ဆိုင်မှာသုံးတဲ့ သူတွေအတွက်ပါ..

အင်တာနက်ဆိုင်တွေမှာ လာပြီးသုံးစွဲသူတွေအားလုံးရဲ့  အင်တာနက်သုံးစွဲမှုမှတ်တမ်းကို အင်ဖိုတက်ခ်ကို ပို့ပေး ရမယ်ဆိုပဲ ပို့တာတောင် ရိုးရိုးမပို့ရဘူးဗျာ သုံးစွဲသူတွေ ရဲ့စက်ကို ငါးမိနစ်တစ်ကြိမ် Screen Shot ရိုက်ပြီး ပို့ပေးရမယ် ဆိုပဲ Screen Shot ရိုက်တယ်ဆိုတာ သုံးစွဲသူရဲ့ စက်ကို ဓာတ်ပုံ ရိုက်တာပါပဲ အင်တာနက်ဆိုင် ဖွင့်ခွင့်လိုင်စင်ရဲ့ စည်းမျဉ်း စည်းကမ်း ၁၂ ချက် ထဲမှာ ပါဝင်လို့ပါတဲ့ အဲ့ဒီ့စည်းမျဉ်းထဲမှာ သုံးစွဲသူရဲ့ လက်ဗွေရာ ယူတာ မှတ်ပုံတင်မိတ္တူ ယူတာတွေတောင်ပါရမယ်ဆိုပဲ ဒါပေမယ့် အင်တာနက်ဆိုင်ရှင်တွေက သုံးစွဲသူ အရမ်းစိတ်အနှောင့်အယှက် ဖြစ်မှာစိုးလို့ မယူတော့ပါဘူးတဲ့(ဒါက တစ်ချို့ ဆိုင်ရှင်တွေပါ)

Screen Shot လုပ်ဖို့ ဆိုရင် ကျွန်တော့် အတွေ့ အကြုံ အရ Trojen သုံးရပါ့မယ် Trojen ဆိုတာ လူတိုင်း ရေးတတ်တဲ့ ပရိုဂရမ်မဟုတ်သလို Trojen tool ဆိုတာလည်း လမ်းဘေးမှာ တစ်ချပ် ငါးရာ နဲ့ ၀ယ်လို့ရတဲ့ စီဒီ မဟုတ်ပါဘူး ဒါဆိုရင် အင်တာနက်ဆိုင်ရှင်တွေဟာ Keylogger တွေကိုသုံးလာပါတော့မယ် Keylogger သုံးလာပြီ ဆိုတာနဲ့ ကျွန်တော်တို့ရဲ့  Privicy ကို ထိပါးလာပါပြီ အင်တာနက်သုံးရတာ အဆင်မပြေတော့ပါဘူး

ကျွန်တော်အပါအ၀င် ကျွန်တော်တို့ နိုင်ငံက အင်တာနက်သုံးစွဲသူတော်တော်များများဟာ အင်တာနက် ဆိုင်တွေမှာပဲသုံးနေရပါတယ် ကိုယ့်အိမ်မှာအင်တာနက် ချိတ်မယ်ဆိုရင် ကုန်ကျစရိတ်က နည်းမှမနည်းပဲဗျ အင်တာနက်ဆိုင်တွေကသာ ဒီလိုလုပ်မယ်ဆိုရင် ဘယ်လိုမှ အဆင်ပြေနိုင်မှာမဟုတ်ပါဘူး

တစ်လောက မြန်မာပြည်အထက်ပိုင်း ကို သွားတော့ (ကိုယ်တွေ့) အင်တာနက်ဆိုင်တစ်ဆိုင်ကို ဝင်သုံးကြည့်တဲ့ အာလားလား အထက်ပါပြောထားတဲ့ အတိုင်းဗျာ... ဂျီးတော့ ဆို ရိုက်လိုက်ရင် ချက်ချင်း တက် သွားတယ်..အင်း ကျန်တဲ့ Website အချို့ လဲ အတက်မြန်သလားမမေးနဲ့ attached file ပါ တွဲတင် လိုက်တာလဲ အဆင်ပြေတယ်.. တော်တော်ကောင်းတဲ့ ကော်နက်ရှင်ပါလားလို့ ချီးကြူးမယ်ကြံတုန်း ယခု http://www.mmcollection.net/ ကို ဖွင့်ကြည့်လိုက်တော့ အာလားလား...အရင် နှစ်လက Post တွေ ပဲ တက်နေ တာ တွေ့တယ်..တော်တော် အံသြဖို့ကောင်းတယ်နော်.. ဒါနဲ့ ဘယ်ရမလဲ ကျော်ပြီး တော့ ဆိုဒ်ကို ဖွင့်ကြည့်မှ ဆိုဒ်အမှန်ကို ဖွင့်လို့ရသွားတယ်..( Update တင်ထားတဲ့ စာ)တွေ ပေါ်လာတယ်..ဒါဘာကိုပြောချင်လဲ ဆိုတော့ ကျွန်တော်တို့ ကျောင်း Project လုပ်တုန်းက Offline server လုပ်တော့ ဒေါင်းထားတဲ့ Site အချို့ အသက်ဝင်လုပ်ရှားသလိုပေါ့.. ယခု မှ သိလိုက်ရတယ်.. အော် မြန်မာပြည် က လူတွေ မသိနားလည်သူတွေ ကို နားလည်ပါးရိုက်လုပ်သလိုပေါ့ဗျာ...မကောင်းပါဘူးဗျာ..တကယ်မသိသူတွေ အတွက် စိတ်မကောင်း စရာပဲ...

10:54 AM | Posted in | Read More »

လူတကာကြိုက်တဲ့ Android Apps

လူတကာကြိုက်တဲ့ Android Apps

လူတစ်ယောက်ဟာ ဖုန်းတစ်လုံးကို အသုံးပြုပြီး နိုင်ငံတော်ကို ဘယ်လောက်တောင် ခြိမ်းခြောက်နိုင်ပါသလဲ။ အခုလို အိုင်တီခေတ်ကြီးထဲမှာ ဖုန်းနဲ့ သတင်းတွေ ဖလှယ်၊ စာတွေရိုက်ကြ၊ ဗီဒီယိုပြောကြ၊ ကွန်ပျူတာနီးပါး အလုပ်လုပ်လို့ ရလာတဲ့အခါ နိုင်ငံတော်ဝန်ကြီးတွေဟာ နိုင်ငံတော် တည်ငြိမ်အေးချမ်းမှုကို နှောက်ယှက် စေနိုင်တယ်လို့ ယူစကြပါတယ်။ ယူစရတဲ့ အကြောင်းရင်းကတော့ ဘယ်သူတွေ ဘာတွေ အသုံးပြုနေတယ် ဆိုတာကို သူတို့ စစ်ဆေးလို့မရလို့ပဲဖြစ်ပါတယ်။


Rim ကုမ္ပဏီရဲ့ Blackberry ဖုန်းတွေမှာ ထည့်သွင်း ထားတဲ့ Blackberry Messaging စာပို့ စနစ်ကို အန္ဒိယနိုင်ငံ နှင့် အရှေ့အလယ်ပိုင်း နိုင်ငံတွေက အသုံးမပြုရဘူးလို့ဆိုပါတယ်။ 
Blackberry Messaging ဟာ အသုံးပြုသူမှန်သမျှ အချက် အလက် တွေကို ကနေဒါ အခြေစိုက် ဆာဗာများမှာ ထည့်သိမ်းထား လို့ပဲဖြစ်ပါတယ်။ ဒါတွေကို နိုင်ငံတော် စည်းမျဉ်းစည်းကမ်းတွေနဲ့ မကိုက်ညီဘူးဆိုပြီး နိုင်ငံတော် ဆက်သွယ်ရေးဌာန တွေက ပယ်ချ ကြ တာပါ။။ Rim ကတော့၊ Blackberry Messaging အသုံးပြုသူတွေရဲ့ အချက်အလက် တွေကို သူတို့ ကိုယ်တိုင်လည်း ဖွင့်ကြည့်လို့မရသလို၊ ဘယ်နိုင်ငံတော် ဆက်သွယ်ရေးဌာနတွေကိုလည်း ဖွင့်ကြည့်ဖို့ မပေး ဘူးလို့ဆိုပါတယ်။ ဒီတော့ ကျွန်တော်တို့ရဲ့ အခွင့်အရေးတွေကို နိုင်ငံတော်အကြီး အကဲ တွေက ဖောက်ချိုး လို့ရပါသလား။ ကိုယ်ပို့လိုက်တဲ့စာတွေကို သူတို့ ဖတ်ခွင့်ရှိပါသလား။ ဒါတွေဟာ ကျွန်တော်တို့ရဲ့ ကိုယ်ပိုင် အခွင့်အရေးတွေကို ချိုးဖောက်ရာ မရောက်နေဘူးလား။

နိုင်ငံတော် ပုန်ကုန်ချင်သူတွေက ဖုန်းတွေအသုံးပြုပြီးတော့ရော နိုင်ငံတည်ငြိမ်မှုကို အနှောက်အယှက် ပေး နိုင်ပါသလား။ ဖုန်းတင်ပဲ ပုံချရမလား၊ အခြားအရာတွေအများကြီးလည်း ပုံချလို့နေတော့ ဒီလိုလုပ်ရပ် တွေ ဟာ မှန်ပါသလား။ ဒီတော့ စာဖတ်သူတွေရော ဘယ်လိုမြင်ပါသလဲ။

5:04 PM | Posted in | Read More »

ချစ်သူများနေ့ လက်ဆောင်

ချစ်သူများနေ့ လက်ဆောင်

လပြည့်ဝန်း ပလာဇာရှေ့မှာ ကားငှားဖို့ စောင့်နေတဲ့၊ အဖြူရောင် တီရှပ်ပေါ်မှာ အသည်းပုံ Love၊ Life စာတန်း ထိုးထားတဲ့ ဆင်တူ အင်္ကျီဝတ် စုံတွဲကို ကြည့်ပြီး ဒီနေ့တရက်တော့ ချစ်သူကို သတိရမိတယ်လို့ သူ့ချစ်သူနဲ့ လမ်းခွဲခဲ့ပြီးသူ မကေခိုင်က ဆိုပါတယ်။
valentines-day-2011-4
ရန်ကုန်မြို့ ကမ်းနားတနေရာတွင်တွေ့ရသည့် ချစ်သူစုံတွဲများ (ဓာတ်ပုံ - life.com)
ဒီနေ့အတွက် သူ့မှာ ဘာအစီအစဉ်မှ မရှိ ပေမယ့် ကော်ဖီဆိုင်မှာ အတူတူထိုင်ပြီး စကားဖောင်ဖွဲ့နေတဲ့ စုံတွဲတွေ၊ ရှော့ပင်း စင်တာထဲမှာ လှည့်ပတ်သွားလာပြီး ဈေးဝယ်နေတဲ့ စုံတွဲတွေ၊ ဂိမ်းပြိုင်ပွဲ ၀င်နေတဲ့ စုံတွဲတွေ၊ လက်ဆောင် အပြန်  အလှန် လဲလှယ်နေတဲ့ စုံတွဲတွေကို မနက် အလုပ်လာကတည်းက တောက်လျှောက် တွေ့ရတာကတော့ ကြည်နူးစရာ ကောင်း တယ်လို့ လပြည့်ဝန်းပလာဇာမှာ အရောင်းဝန်ထမ်း လုပ်ကိုင်နေတဲ့ သူက ဆက်ပြောပါတယ်။

“အလုပ် တရက်ပျက်ရင် တရက်စာဖြတ်တော့ ချစ်သူရှိသေးရင်လည်း ဒီနေ့ လည်ဖြစ်မယ်မထင်ဘူး” လို့ မကေခိုင်က ဆိုပါတယ်။

မြန်မာနိုင်ငံဟာ စီးပွားရေး၊ နိုင်ငံရေး ပြဿနာတွေကြောင့် ပြင်ပကမ္ဘာနဲ့ တော်တော်လေး အဆက်ပြတ်၊ အထီးကျန် နေပေမယ့်လည်း လွန်ခဲ့တဲ့ ၁၀ စုနှစ်လောက်က စတင်ပြီး လူငယ်ထုကြားမှာ ခေတ်စားလာတဲ့ ချစ်သူများနေ့မှာတော့  ပန်းစည်းတွေ ပေးတာ၊ ချောကလက်ကျွေးတာ၊ ပို့စ်ကတ် လဲလှယ်ကြတာ စတဲ့ အလေ့အထတွေကတော့ ပိုများလာတာ တွေ့ရပါတယ်။

အဲဒီလက်ဆောင်တွေရဲ့ အောက်မှာ ဖုံးကွယ်နေတဲ့ အမှတ်တရ လက်ဆောင်တခု ရှိနေပါတယ်။ ဒါကတော့ အပျို၊ လူပျို ဘ၀ကို စွန့်လွှတ်ပြီး အဲဒီနေ့မှာ ချစ်သူနဲ့ အတူတူ စနေမယ်ဆိုတဲ့ အလေ့အထ မြန်မာပြည်မှာ ရှိနေပြီ ဆိုတာပါပဲ။

“ကျနော် သတိထားမိသလောက် သိပ်မကြာသေးဘူး။ ၃ နှစ်လောက်ပဲ ရှိဦးမယ်။ အဲဒီနေ့ဆို တည်းခိုခန်းက အချိန်ပိုင်းနဲ့တင် ၀င်ငွေ တော်တော် ဖြောင့်တာ။ တချို့ဆို အခန်း ပတ်ရှာတာ မရလို့ ဒီမှာပဲ ထိုင်စောင့် နေရတဲ့ အထိပါ ရှိတယ်” လို့ ကန် တော်ကြီးအနီးမှာ ရှိတဲ့ နယူးကန်တော်ရိပ် ဟိုတယ် ၀န်ထမ်း တဦးက ပြောပါတယ်။

အဲဒီနေ့မှာ အဆင့်မြင့် ဟိုတယ်ကြီးတွေမှာထက် မိုတယ်တွေ၊ တည်းခိုခန်းတွေမှာ အခန်းရဖို့ မသေချာဘူးလို့ သူက ဆိုပါတယ်။

ဒီလို ထွန်းကားလာတာကြောင့်လည်း ပန်းခြံ၊ စားသောက်ဆိုင်နဲ့ ရှော့ပင်းမောလ်က ပရိုမိုးရှင်းပွဲတွေ၊ ချစ်သူများနေ့ စင်တင် တေးဂီတ ဖျော်ဖြေပွဲတွေအပြင် တည်းခိုခန်းနဲ့ မိုတယ်တွေမှာ အဲဒီနေ့ဆို အခန်း အပြည့် ငှားရတဲ့အထိ ရှိနေတယ်လို့  ရန်ကုန်မြို့ခံတွေ ဆီက သိရပါတယ်။

“သန်လျင်လို တည်းခိုခန်းနဲ့ ဟိုတယ်ပေါတဲ့ နေရာမှာတောင် အဲဒီနေ့ဆို အခန်းရဖို့ မလွယ်ဘူး” လို့ သန်လျင်မြို့နယ် သီလဝါဆိပ်ကမ်း MITT က အရာရှိ တဦးဖြစ်တဲ့ ကိုကျော်မင်းဆွေက ပြောပါတယ်။

ချောကလက်နဲ့ ပန်းစည်းပေးတာတွေက ၁၄ နှစ်အောက် လူငယ်တွေကြားမှာပဲ ရှိတော့တဲ့ အလေ့အထ ဖြစ်တယ်လို့ သူက ဆိုပါတယ်။

ယုဇနပလာဇာ အနောက်ဘက်က တောင်ပေါ်သား တည်းခိုခန်း၊ မြေနီကုန်းနားက Motherland ၊ Summer place၊ ဖိုးစိန် လမ်းပေါ်က ဟိုတယ်တွေ၊ အင်းတွေမှာဆိုလည်း စုံတွဲတွေ အပြည့်လို့ သိရပါတယ်။

ရန်ကုန်က အထက်တန်းကျောင်းသား တဦးဖြစ်တဲ့  ဇေယျာကတော့ သာမန်နေ့တွေမှာထက် ချစ်သူများ နေ့မှာ စုံတွဲတွေ အတူ အိပ်ကြတာ အဓိပ္ပာယ် ပိုရှိတယ်၊ ပိုပြီး လေးနက်မှုကို ပြတယ်လို့ ဆိုပါတယ်။

“လွန်ခဲ့တဲ့ ၅ နှစ်လောက်က ဆိုရင်တော့ မယူဖြစ်ရင် အတူတူနေတယ် ဆိုတာ မိန်းကလေးရော၊ ယောက်ျားလေး အတွက်ပါ နစ်နာတယ် ဆိုတဲ့ စကားက မှန်ပါသေးတယ်။ အခုခေတ်မှာတော့ ရန်ကုန် အသိုင်းအ၀န်းမှာ ဆို ဒီလိုကိစ္စကို လက်မခံတော့ ပါဘူးလို့” သူက ပြောပါတယ်။

အခုခေတ်မှာ လူငယ်တွေက အတူတူနေတဲ့ကိစ္စကို ပွင့်လင်းတယ်လို့ မြင်လာ လက်ခံလာပြီး သူတို့ ဆယ်ကျော်သက်တွေ အ လယ် မှာတော့ ဖြစ်သင့်တဲ့ သဘာဝ တခုလို့ မြင်တယ်လို့ သူက ဆိုပါတယ်။

မြန်မာနိုင်ငံရဲ့ အိမ်နီးချင်း ထိုင်းနိုင်ငံမှာဆိုရင် ချစ်သူများနေ့ ဆိုတာ စောင့်ဆိုင်းရတဲ့ ရက်တရက်လို့ ပြောကြပါတယ်။ ထိုင်း မှာရှိတဲ့ အထူး နေ့ထူးနေ့မြတ်တွေ အမျိုးစုံရှိတဲ့ ကြားထဲက ထိုင်းတွေဟာလည်း ချစ်သူများနေ့ကို နေ့ထူးနေ့မြတ် တရက်လို သတ်မှတ်ထား ကျင်းပကြတာ ၁၀ စုနှစ်တခုလောက် ရှိပါပြီ။

စေ့စပ်ပွဲတွေ၊ လက်ထပ်ပွဲတွေက အဲဒီနေ့မှာ အများဆုံး ကျင်းပတတ်ကြသလို၊ ချစ်သူတွေလည်း အဲဒီနေ့ ကနေ စပြီး အတူတူ နေကြပါတယ်။ အဲဒီနေ့ဟာ ထိုင်း တနိုင်ငံလုံးမှာ ကွန်ဒုံး အရောင်းရဆုံး နေ့လို့လည်း သိရပါတယ်။ ထိုင်း လူမျိုးတွေက ချစ်သူများနေ့အတွက် အကုန်အကျခံကြတဲ့ ပိုက်ဆံတွေက မနည်းပါဘူး။

ချစ်သူများနေ့ဟာ အနောက်နိုင်ငံက အစပြုခဲ့တဲ့၊ မြန်မာ့ယဉ်ကျေးမှု မဟုတ်ပေမယ့် ချစ်သူတွေ အချင်းချင်း လက်ဆောင်တွေ ဖလှယ်ကြတာ၊ ပန်းကလေးတွေ၊ ကဗျာကလေးတွေ ပို့ပေးကြတာ ကြည်နူးစရာ ကောင်းပါ တယ်လို့ စာရေးဆရာမ နုနုရည် (အင်းဝ) က ဆိုပါတယ်။ ဒါပေမယ့် စီးဆင်းလာတဲ့ ယဉ်ကျေးမှုမှာ မလိုလားအပ်တဲ့ ဆိုးကျိုးတွေကို သတိမူ သင့်တယ်လို့ ပြောပါတယ်။

“အဲဒီ ရေစီးကြောင်းကြီးထဲကို တိုက်စားပွတ်တိုက်ပြီး ပါမသွားစေချင်တာကတော့ Virgin ဆိုတဲ့ အပျိုစင် ဂုဏ်လေးပါပဲ။ စောင့်ထိန်းနိုင်ခြင်းတန်ဖိုး၊ မိမိကိုယ်ကိုယ် ယုံကြည်မှု တန်ဖိုး၊ သိက္ခာ တန်ဖိုး၊ ယဉ်ကျေးမှု တန်ဖိုးတွေနဲ့ ပြည့်စုံနေတဲ့ အပျိုစင် ဆိုတဲ့ ဂုဏ်လေးကို မြန်မာ မိန်းကလေးငယ်တွေ ဂုဏ်ယူစွာနဲ့ စောင့်ရှောက်ထိန်းသိမ်းစေချင်ပါတယ်” လို့ မြန်မာစာ ဆရာမ တဦးလည်း ဖြစ်တဲ့ စာရေးဆရာမ နုနုရည် (အင်းဝ) က ဆိုပါတယ်။

ဆရာမ နုနုရည်က သူ့ကို ရှေးဆန်လိုက်တာလို့ ပြောချင်ပြောပါစေ၊ ရယ်စရာလို့လည်း ထင်ကောင်း ထင်မယ်၊ ဒါပေမယ့် ကိုယ့် ယဉ်ကျေးမှုဆိုတာကို ထိန်းသိမ်းစောင့်ရှောက်ချင်တဲ့၊ ကိုယ့်ယုံကြည်မှု သိက္ခာကို တန်ဖိုးထားချင်တဲ့ မြန်မာမိန်းကလေးတွေ အနေနဲ့ ကတော့ နားလည်လောက်မယ် ထင်ပါတယ်လို့ ဆက်ပြောပါတယ်။

တနင်္လာနေ့လို ပျားပန်းခတ်မျှ ရှုပ်ထွေးလှတဲ့ ရန်ကုန်လမ်းတွေပေါ်မှာ ဆင်တူ အင်္ကျီဝတ်ဆင်ထားတဲ့ စုံတွဲတွေ၊ ချစ်သူများနေ့ စင်တင် ဂီတ ဖျော်ဖြေပွဲ ကြော်ငြာ ဘေလ်ဘုတ်ကြီးတွေ၊ လမ်းမ ကြီးပေါ်အထိ လျှံကျလာတော့မယ် ထင်ရတဲ့ အင်းလျား ကန်ပေါင်က စုံတွဲတွေဟာ ရန်ကုန်မြို့ရဲ့ ချစ်သူများနေ့ ပွဲတော်ကို ထင်ရှားပေါ်လွင်စေတဲ့ ပြယုဂ်တွေပါပဲ။

ဒီလိုနေ့မှာ စုံတွဲတွေ အတူနေတာကြောင့် တည်းခိုခန်းတွေမှာ အခန်းတွေ မအားလပ်တဲ့အထိ ဖြစ်နေပေမယ့် ကွန်ဒုံးတွေရဲ့ ရောင်းအားကတော့ သိသိသာသာ တက်မလာပါဘူးလို့ ဆေးဝါး ကုမ္ပဏီ တခုမှာ လုပ်ကိုင်နေတဲ့ လူငယ်ဆရာဝန် တဦးက ပြောပါတယ်။

“ကွန်ဒုံးသုံးတာကို  ကြေးစားဆန်တယ်လို့ သဘောထားလို့ လိင်ဆက်ဆံချိန်မှာ ကွန်ဒုံး မသုံးဖြစ်တာ များတယ်။ သုံးတဲ့ အချိန်ကလည်း ကြေးစား လိင်အလုပ်သမ မိန်းကလေးတွေနဲ့ နေတဲ့အချိန်ပဲ။ လေ့လာရသလောက် ချစ်သူတွေ၊ သမီး ရည်းစားတွေ ကြားထဲမှာ ကွန်ဒုံးမသုံးကြဘူး။ အဲဒါနဲ့ ပတ်သက်ပြီး လွဲမှားတဲ့ အမြင်တွေ ရှိတာကို ဘယ်လိုမှ မတားဆီး နိုင်သေးဘူး” လို့ သူက ပြောပါတယ်။

မြန်မာနိုင်ငံနဲ့ တခြား အိမ်နီးချင်းနိုင်ငံတွေ ကွာခြားတာကတော့ မူလတန်းကျောင်းသား ကျောင်းသူ အရွယ်ကတည်းက လိင် ပညာပေး သင်ခန်းစာတွေကို အစိုးရကျောင်းတွေမှာ သေသေချာချာ သင်ကြား ပေးတာပါ။ မြန်မာပြည်က အစိုးရကျောင်း တွေကတော့ ယဉ်ကျေးမှုဆိုတဲ့ တံတိုင်းနဲ့ ဘောင်ခတ်ထားပြီး ဒီလို သင်ခန်းစာတွေကို ရှက်စရာလို့ မြင်နေသေးတာ တွေ့ရပါတယ်။ ထိုင်းနိုင်ငံမှာဆိုရင် ဒီနေ့လို ချစ်သူများနေ့မှာ ဟိုတယ်တွေ၊ ကလပ်တွေမှာ ကွန်ဒုံး အခမဲ့ဝေတဲ့ ဓလေ့မျိုး ရှိပါတယ်။

အမျိူးသမီး သတင်းထောက်တဦးက “အိမ်ထောင်ကွဲတွေကို တွေ့ရတာ များလို့လားတော့ မသိဘူး။ ယူလိုက်ပြီးမှ အဆင် မပြေတာထက် အတူနေရင်း လေ့လာ စေချင်တယ်။ တကယ်ချစ်တဲ့သူ ဆိုရင်တော့ အစဉ်အလာတွေ မထိန်းသိမ်းချင်ဘူး။ ကိုယ့်မှာလည်း လွတ်လပ်ခွင့် ရှိတယ်လေ။ အပျိုစင် မဟုတ်တော့ ပေမယ့်လည်း ကိုယ့်ကို ချစ်တဲ့၊ ကြိုက်တဲ့ ယောက်ျားက ယူလိမ့်မယ်” လို့ ပြောပါတယ်။

ဒီလို ချစ်သူစုံတွဲတွေ လက်မထပ်ခင် အတူတူနေတာနဲ့ ပတ်သက်ပြီး ဘာသာစကား သင်တန်းကျောင်း တကျောင်းမှာ အင်္ဂလိပ်စာ သင်ကြားနေတဲ့ မကေဇင်သွယ်က “တရားဝင် လက်ထပ်ထားတာ မဟုတ် သေး တဲ့ အတွက် အဲဒီလို နေလိုက်ပြီးလို့ မယူဖြစ်ကြတော့ရင် ယောက်ျားလေးက ဘာမှမဖြစ်ဘူး။ မိန်း ကလေးပဲ နစ်နာမှာလေ။ မယူခင် အဲဒီ အခွင့်အရေးကို ယောက်ျားလေးတွေကို မပေးသင့်ဘူး။ မြန်မာ့ ယဉ်ကျေးမှုနဲ့ ကြည့်ပြီး ပြောရရင်လည်း မကိုက်ညီဘူး” လို့ ပြောပါတယ်။

မြန်မာပြည်မှာ HIV/ AIDS ရောဂါနဲ့ ပတ်သက်လို့ ပညာပေးနေတဲ့ NGO အဖွဲ့အစည်း PSI ရဲ့ ဆက်သွယ်ရေး အရာရှိ တဦးဖြစ်သလို၊ ကျန်းမာရေး အသိပညာပေး စာပေတွေ ရေးသားနေတဲ့ စာရေး ဆရာမ မြနှောင်းညိုက အချိန်မတိုင်ခင် သိပ်နုနယ်တဲ့ အရွယ်မှာ လိင်ဆက်ဆံတာကို မလုပ်စေချင်ပါဘူးလို့ ဆိုပါတယ်။
valentines-day-2011-3
အင်းလျားကန်စောင်း တနေရာက ချစ်သူ စုံတွဲတတွဲ (ဓာတ်ပုံ - life.com)
“လက်မထပ်ခင် အတူနေတဲ့ အလေ့ အထ ကို ခေတ်နဲ့လျော်ညီတဲ့ အကြံပေး ရရင် မယူနိုင်သေးဘဲ တအိမ်တည်းမှာ အတူတူ နေကြတဲ့ အခိုက်အတန့် တယောက်နဲ့ တယောက် သစ္စာ ရှိစေချင်တယ်။ ကွဲသွား ကြလို့ မယူဖြစ်ရင် HIV စစ်ပေါ့” လို့ ဆရာမ မြနှောင်းညိုက ဆက်ပြော ပါတယ်။

ဒီအချိန်မှာတော့ မော်လမြိုင်မြို့ပေါ်က အင်တာနက်ဆိုင် တဆိုင်မှာ လွန်ခဲ့တဲ့ ၅ ရက်လောက် ကတည်းက ချစ်သူနဲ့ တွေ့ဆုံ စကားပြောနိုင်ဖို့ အတွက် စက်တလုံး ချန်ထာပေးဖို့ တောင်းဆိုထားတဲ့ အသက် ၂၀ အရွယ် မနှင်းအိကတော့ သူ ချိန်းဆို ထားတဲ့ နာရီအတိုင်း အရောက်သွားနိုင်ဖို့ ပြင်ဆင် နေတယ်လို့ သိရပါတယ်။

“လက်ဆောင် ကိုယ်တိုင်ကိုယ်ကျ မပေးရပေမယ့် အင်တာနက်ကနေ ဒီမတိုင်ခင်ကတည်းက ကြိုရှာထားတဲ့ Valentine ကတ် ကို ဒီနေ့ ပို့ပေးလိုက်တယ်။ ဖုန်းပြောချင်ပေမယ့် အိမ်ကို တိုက်ရိုက်ခေါ်ဖို့ ဖုန်းက အဆင်မပြောတော့ ဂျီတော့ခ် ကနေပဲ ပြောရ တာပေါ့။ ဒီနေ့ အတွက် အမှတ်တရက သူများတွေလို အကောင်အထည်ပြလို့ မရတဲ့ ချစ်စကားတွေပဲ ရှိတယ်လို့” သူက ဆိုပါတယ်။

ချစ်သူသာ အနားမှာ ရှိမယ်ဆိုရင် အတူတူလျှောက်လည်ပြီး တနေရာရာ သွားဖို့ စီစဉ်မယ်၊ သူကြိုက်တဲ့ ပန်းကို အဲဒီနေ့မှာ ပေးဖို့ တောင်းဆိုမယ်လို့ မနှင်းအိက ဆက်ပြောပါတယ်။

နိုင်ငံ တ၀န်းလုံး ကျင်းပနေတဲ့ ချစ်သူများနေ့ဟာ အနောက် နိုင်ငံတွေမှာ ဓလေ့တခုလို ဖြစ်နေပေမယ့် ကူးစက်ခံ အရှေ့တိုင်း နိုင်ငံတွေ မှာကတော့ ချစ်သူများနေ့ကို ပိုပြီး အမှတ်တရ ဖြစ်အောင် ဖန်တီး ကြတာ တွေ့လာရပါတယ်။

ရောမ ခေတ်က ချစ်သူ ၂ ဦးကို တိတ်တဆိတ် ထိမ်းမြားပေးခဲ့တာကြောင့် သေဒဏ်ပေးခံရတဲ့ ဘုန်းတော်ကြီး St. Valentine ကို ဂုဏ်ပြုတဲ့အနေနဲ့ ဖေဖော်ဝါရီ ၁၄ ရက်နေ့ ကို ချစ်သူများနေ့လို့ သတ်မှတ်ခဲ့ကြပါတယ်။

ဒီ အနောက်တိုင်း ယဉ်ကျေးမှုက မြန်မာ လူငယ်တွေရဲ့ ယဉ်ကျေးမှုကို စတင် ဖျက်ဆီးနေပြီလား ဆိုတာ ကတော့ စဉ်းစား စရာပါ။     ။
 မူရင်းလင့် =http://bur.irrawaddy.org/index.php/articles/2-articles/5737-2011-02-14-12-56-55

10:27 AM | Posted in | Read More »