မြန်မာနိုင်ငံတွင် တစ်နေ့လျှင် လူဦးရေ ၂၃ဦးနှုန်း အိတ်ခ်ျအိုင်ဗွီပိုး ကူးစက်ခံနေရဟုဆို

မြန်မာနိုင်ငံတွင် တစ်နေ့လျှင် လူဦးရေ ၂၃ဦးခန့် အိတ်ခ်ျအိုင်ဗွီပိုး ကူးစက်ခံနေ ရကြောင်း ကျန်းမာရေး ဦးစီးဌာန၊ UNAIDS ၊ ကမ္ဘာ့ကျန်းမာရေးအဖွဲ့တို့ ပူးပေါင်းတွက် ချက်ထားသည့် ''HIV Estimates and Projections Asian Epidemiological Model Myanmar 2010-2015  ''တွင် ဖော်ပြထားချက်များအရ သိရသည်။

လက်ရှိ မြန်မာနိုင်ငံတွင် အိတ်ခ်ျအိုင်ဗွီပိုး ကူးစက်ခံနေရသူ ခန့်မှန်းဦးရေ နှစ်သိန်းဝန်းကျင်ခန့် ရှိနေပြီး ပိုးရှိသူများအနက်မှ လူဦးရေတစ် သိန်းနှစ်သောင်းကျော်မှာ အေအာတီဆေးဝါး လိုအပ်နေသူ များဖြစ်ကြောင်း၊ ၂၀၁၂ခုနှစ် ဇွန်လ အထိ ရရှိထားသည့် စာရင်းများအရ ဆေးဝါးလို အပ် သူများအနက် လူဦးရေ ၄၄၆၆၁ဦးကို အေအာတီ ဆေးဝါးပေးနိုင်ခဲ့ပြီး ကျန်ရှစ်သောင်းကျော်မှာ အေအာတီဆေးဝါးရရှိရန် လိုအပ်နေသူ များဖြစ်ကြောင်း သိရသည်။

''လက်ရှိ အေအာတီဆေးလို အပ်နေပြီး မရသေးတဲ့သူက ၆၀ရာ ခိုင်နှုန်းလောက်ရှိတယ်။ ဒီနှစ်ကုန် ဆိုရင်တော့ အခုရနေတဲ့လူဦးရေထက် တစ်သောင်းကျော်လောက်တိုးပြီး ပေးနိုင်မယ်လို့ ခန့်မှန်းထား ပါတယ်။ နောက်ပြီး ဆေးလိုအပ်နေတဲ့ သူတွေဆေးရဖို့အတွက် ကျန်းမာရေးဝန်ကြီးဌာန၊ Global Fund နဲ့ အမေရိကန်ပြည်သူတွေက ပံ့ပိုးပေးနိုင်ဖို့ စီစဉ်နေပြီး ရန်ပုံငွေတွေရလာရင် ဒီလူတွေအတွက် ဆေးတွေ ရလာမှာပါ။

 မြန်မာမှာ ပိုးကူးစက်ခံရနှုန်းက တစ်ရက်ကို ၂၃ယောက်နှုန်း ကူးစက် ခံနေရပြီး လူဦးရေ ၅၀ ၀န်း ကျင်လောက် သေဆုံးနေတယ်လို့ ခန့်မှန်းထားကြပါတယ်။ သေဆုံးတဲ့နှုန်းက ကူးစက်ခံရတဲ့နှုန်းထက် ပိုနေ တာကို တွေ့ရပါတယ် '' ဟု Marie Stopes International မှ မြန်မာနိုင်ငံဆိုင်ရာ ညွှန်ကြားရေးမှူး ဒေါက်တာ စစ်နိုင်က ပြောပြခဲ့သည်။

လက်ရှိ ပြင်ပဆေးခန်းများတွင်  အေအာတီဆေး ၀ယ်သောက်နေသူဦးရေ တစ်သောင်းနှင့်နှစ်သောင်း ကြားရှိမည်ဟုလည်း ခန့်မှန်းထားကြကြောင်းနှင့် အေအာတီဆေးအတွက် တစ်ဦးလျှင် တစ်လကုန် ကျစရိတ်မှာ အနည်းဆုံး ကျပ်နှစ်သောင်းကျော် သုံးသောင်းကြားရှိကြောင်း သိရသည်။

ထို့အပြင် စက်တင်ဘာလ ၆ ရက်နေ့က အမေရိကန်သံအမတ်ကြီး Eric Goosby နှင့် အဖွဲ့သည် HIV  နှင့်ပတ် သက်၍ တုံ့ပြန်ရေးဆိုင်ရာ ကိစ္စရပ်များ၊ လိုအပ်ချက်များ ဦးစားပေးဆောင်ရွက်ပေးရမည့် ကိစ္စရပ်များအား ပူးပေါင်းလုပ်ဆောင်နိုင်ရန်  မြန်မာနိုင်ငံသို့ လာရောက်ခဲ့ကြောင်း အမေရိကန်အခြေစိုက် ၀က်ဘ် ဆိုက် တစ်ခုတွင် ဖော်ပြထားချက်များအရ သိရသည်။

Eric Goosby သည် ကမ္ဘာ့အကြီးဆုံး အိတ်ခ်ျအိုင်ဗွီဆိုင်ရာ ရန်ပုံငွေအဖွဲ့တစ်ခုဖြစ်သည့် PEPFAR အဖွဲ့၏ ခေါင်းဆောင်တစ်ဦးဖြစ်ပြီး  မြန်မာနိုင်ငံရှိ ကျန်းမာရေးဝန်ကြီးဌာန ပြည်ထောင်စုဝန်ကြီး ဒေါက်တာဖေ သက်ခင်နှင့် တွေ့ဆုံ၍ မြန်မာနိုင်ငံ၏ HIV  ဆိုင်ရာ လုပ်ငန်းများ လုပ်ဆောင်ရန် လာရောက် ခဲ့ခြင်းဖြစ်ကြောင်း သိရသည်။

အဆိုပါအဖွဲ့အနေဖြင့် ကျန်းမာရေးဝန်ကြီးဌာန ပြည်ထောင်စုဝန်ကြီး၊ ကျန်းမာရေးဆိုင်ရာ အခြား တာဝန်ရှိ သူများနှင့် HIV နှင့်ပတ်သက်၍ လုပ်ငန်းများလုပ်ဆောင်နေသည့် လူမှုရေးအဖွဲ့အစည်းများနှင့်လည်း တွေ့ဆုံခဲ့ကြောင်းလည်း သိရသည်။

ယင်းအဖွဲ့သည် အမေရိကန်ပြည်ထောင်စုမှ ရန်ပုံငွေအဖွဲ့တစ်ခုဖြစ်ပြီး ကမ္ဘာ့နေရာအနှံ့တွင် ဖြစ်ပွားနေသော HIV/AIDS ရောဂါအား တိုက်ဖျက်ရန် ဖွဲ့စည်းခဲ့ခြင်းဖြစ်ကြောင်းနှင့် ကမ္ဘာတစ်ဝန်းရှိ HIV/AIDS ရောဂါဝေ ဒနာ ခံစားနေရသူ များအား အေအာတီဆေးဝါး ထောက်ပံ့မှု အများဆုံးပေးနေသည့် အဖွဲ့အစည်း တစ်ခုလည်းဖြစ်ကြောင်း သိရသည်။

Eleven Media Group

4:26 PM | Posted in | Read More »

ချွေးအလွန်အကျွံ ထွက်ခြင်းကို ဘယ်လို ကုသမလဲ

"ချွေးအလွန်အကျွံ ထွက်ခြင်းကို ဘယ်လို ကုသမလဲ"


ချွေးအလွန် အကျွံ ထွက်ခြင်း Hyperhidrosis ဆိုတာ ကတော့ အေးနေတဲ့ အချိန်နဲ့ အနားယူနေစဉ် မှာ ချွေးများ ထွက်နေခြင်း ဖြစ်ပါ တယ်။

ချွေးအလွန် အကျွံ ထွက်ခြင်းဟာ ချွေးဂလင်းအိတ် အလုပ် လုပ် မှုများတဲ့ သူတွေမှာ ဖြစ်တတ်ပြီး အခြားသော ကျန်းမာရေးပြဿနာ တစ်ခု ခုကြောင့် ဥပမာ- စိတ်လှုပ်ရှားခြင်း၊ နှလုံးရော ဂါ၊ သွေးဆုံးခြင်း သို့မဟုတ် ကင်ဆာ ရောဂါ ခံစားနေရသူတွေ မှာလည်း ဖြစ်တတ်ပါတယ်။

ထိုကဲ့သို့သော သူများအတွက် ဆရာဝန် များဟာ မကြာခဏ အလူမီနီ ယမ် ကလိုရိုက် ပါဝင်တဲ့ ချွေးနံ့ပျောက်ဆေးကို အသုံးပြုဖို့ ညွန်ကြားလေ့ ရှိကြပါ တယ်။

Anticholinergic Drugs ကဲ့သို့သောဆေးဝါးများဟာ ချွေး ဂလင်းများအား လှုံ့ဆော်မှုကို ကာ ကွယ်ပေးနိုင်တာကြောင့် အဆိုပါ ဆေးဝါးများကိုလည်း ဆရာဝန်များက ညွှန်ကြားလေ့ရှိပါတယ်။

ဒါပေမယ့် ထို ဆေးဝါးများရဲ့ဘေးထွက်ဆိုးကျိုးက တော့ အာခေါင်ခြောက်ခြင်း၊ မူးဝေ ခြင်း၊ ဆီးသွား ရတာ ခက်ခဲခြင်းတို့ ဖြစ်စေနိုင်ပါတယ်။ Iontophoresis ဆိုတဲ့နည်းလမ်းကတော့ လျှပ်စစ် ဓာတ်ကို အသုံးပြုပြီး ချွေးဂလင်းများ ကို ယာယီပိတ်ဆို့သွားစေကာ ချွေး ထွက်လွန်ခြင်းပြဿနာ ကို ဖြေရှင်းနိုင် ပါတယ်။

အရေးအကြောင်းပျောက် စေတဲ့ Botox ထိုးဆေးကို အသုံးပြုပြီး ချိုင်းချွေး အလွန်အကျွံ ထွက်ခြင်း ပြဿနာကို ဖြေရှင်းနိုင်ပေမယ့် အခြားသော ခန္ဓာကိုယ်အစိတ်အပိုင်း များတွင် ထိုးပါက ထို အစိတ်အပိုင်း ရှိ ကြွက်သားများ အင်အားချည့်နဲ့ သွားပြီး ပြင်းထန်စွာ နာကျင်မှုကို ခံစားရစေနိုင် ပါတယ်။ ဒါ့ကြောင့် ဆရာဝန်နဲ့ သေချာတိုင်ပင်ပြီးမှ ချွေး အလွန်အကျွံထွက်ခြင်း အခြေအနေ ကို စနစ် တကျ ကုသသင့်ပါတယ်။

Ref:Medicine.net

1:12 PM | Posted in | Read More »

အမျိုးသမီး ရင်သားကို နေ့စဉ် ကြည့်ရှုခံစားသည့် အမျိုးသားများ

အမျိုးသမီး ရင်သားကို နေ့စဉ် ကြည့်ရှုခံစားသည့် အမျိုးသားများ၏ ကျန်းမာရေးကောင်းမွန်နိုင်

လှပကျော့ရှင်းသည့် အမျိုးသမီးတဦး၏ ရင်သားအလှကို နေ့စဉ် (၁၀)မိနစ်စီ ကြည့်ရှုခံစားခြင်းသည် အမျိုးသားများ အတွက် ကျန်းမာရေးကောင်းမွန်စေကြောင်း သိရှိရသည်။

ယင်း အလေ့အကျင့်ကြောင့် ရရှိလာသည့် လှုံဆော်မှုသည် နာရီဝက် ကြာအောင် လေ့ကျင့် ခန်းများ ပြုလုပ်ခြင်းနှင့် ညီမျှကြောင်း ဒေါက်တာ ကာရန် ၀ီသာဘီက ပြောကြားခဲ့ခြင်း ဖြစ်သည်။

ဒေါက်တာ ၀ီသာဘီ ဦးဆောင်သော ဂျာမနီနိုင် ငံ ဆေးရုံ(၃)ခုမှ ဆရာဝန်များသည် အမျိုးသား အယောက်(၂၀၀) တို့၏ နေ့စဉ် ဓလေ့စရိုက် များ ကို (၅)နှစ် အချိန်ယူ လေ့လာခဲ့ကြရာ ၎င်းတို့ အနက် ထက်ဝက်သည် မနက်လင်းချိန်တွင် အရင် ဆုံး မြင်ချင်သည့် ကိစ္စမှာ စိတ်လှုပ်ရှားဖွယ်ကောင်းလှသည့် အမျိုးသမီးတဦး၏ ခန္ဓာကိုယ် အလှဖြစ်ကြောင်း ပြောကြားထားပြီး ကျန်တ၀က်မှာမူ ထိုကိစ္စအတွက် ထောက်ခံခြင်းမပြုဘဲ ကြားနေကြသည်။

ပညာရှင်များသည် ပထမအဖွဲ့မှ ပုဂ္ဂိုလ်များအား ၎င်းတို့ ဆန္ဒအတိုင်းဆောင်ရွက်ရန် ခွင့်ပြုထားပြီး ကျန်အဖွဲ့ကိုမူ နှစ်သက်ရာ အာရုံအလိုက် ခံစားခွင့်ပေး ထားသည်။

(၅)နှစ်ကြာပြီးနောက် နေ့စဉ်နေ့တိုင်း အမျိုးသမီးများ၏ လှပသော ရင်သားကို အရသာခံ ကြည့်ရှု ခွင့်ရသည့် အမျိုးသားများသည် သွေးဖိအား ပြဿနာ၊ သွေးကြောနှင့် ဆိုင်သောရောဂါ များ၊ သွေးခုန်နှုန်း မမှန်ကန်မှုများဖြစ်ပေါ်နိုင်ခြေ သိသိသာသာကျဆင်းသွားသည်ကို လေ့လာတွေ့ရှိခဲ့သည်။

လှပကျော့ရှင်းသည့် အမျိုးသမီးတဦး၏ ရင်သားအလှကို နေ့စဉ် ကြည့်ရှုခံစားနေသည့်အမျိုးသားတစ်ဦး © (Photo: New England Journal of Medicine) လိင်နှင့်ဆိုင်သည့် စိတ်လှုပ်ရှားမှုသည် နှလုံးအား ပိုမိုလှုပ်ရှား သက်ဝင်စေကာသွေးလှည့်ပတ် စီးဆင်းမှုကို လျင်မြန်ကောင်းမွန်စေသည်။

ထို့ကြောင့်လည်း လိင်စိတ်ကို လှုံဆော်ပေးနိုင်သည့် ရင်သားအလှကိုနေ့စဉ်ခံစားထိတွေ့နေသည့် အမျိုးသားများအတွက် ကျန်းမာရေး ပိုမိုကောင်းမွန်နေသည်မှာ မေးခွန်းထုတ်စရာ မလိုသည့် ရလဒ်ဖြစ်ကြောင်းဒေါက်တာဝီသာဘီက ရှင်းပြခဲ့သည်။

ထို့အပြင် ထိုအပြုအမူကို ကာလရှည်ကြာ ပြုလုပ်ပါက နှလုံးရောဂါဖြစ်နိုင်ခြေ ထက်ဝက်မျှ ကျဆင်း နိုင် သည်ဟုလည်းဆိုသည်။

ထို့ကြောင့်လည်း ဒေါက်တာဝီသာဘီက အမျိုးသားများ (အထူးသဖြင့် အသက် ၄၀ ကျော် ပုဂ္ဂိုလ်များ) သည် D-Cup အရွယ်၊ သို့မဟုတ် ပိုကြီးသော အမျိုး သမီးရင်သားများကို နေ့စဉ်နေ့တိုင်း (၁၀)မိနစ်မျှ ခံစားကြည့်ရှုသင့်ကြောင်း တိုက်တွန်းနှိုးဆော်ထားသည်ကို ဂျာမဏီနိုင်ငံထုတ် နယူး အင်္ဂလန် ဆေး ပညာဂျာနယ်တွင် ဖေါ်ပြထားသည်။

12:59 PM | Posted in | Read More »

ဒုက္ခပေးနိုင်သည့် လိပ်ခေါင်း (ဘယ်လို ကုသမလဲ)

ဆရာရှင့် -
ကျွန်မတွင် လိပ်ခေါင်းဝေဒနာခံစား နေရပါသည်။ လိပ်ခေါင်းရောဂါအကြောင်း ကို သိချင်ပါသည်။ ကျွန်မလိပ်ခေါင်းသည် 1cm ခန့်ရှည်ထွက်နေ ပါသည်။ ပထမတွင်ဆရာဝန်နှင့်ပြရာ မသက်သာ ပါ။

ကျွန်မသည် နိုင်ငံရပ်ခြား တွင် ရောက်နေသော 
ကြောင့် ဆရာ ၀န်နှင့် ဆွေးနွေးရန်ခက်ခဲပါ သည်။

အသိမိတ်ဆွေများပြောသောကြောင့် ယခုကျွန်မ သည်မှန်ချိုလိပ်ခေါင်းပျောက်ဆေးကို နေ့တိုင်း 
သောက်နေရပါသည်။

တခါတရံတွင် ဆေးသောက်နေသည့်ကြားက၀မ်းသွားလျှင်နာပါသည်။ မြန်မာဆေးကို နှစ်ရှည်လ များကြာအောင် စွဲမသောက်ချင်ပါ။အင်္ဂလိပ်ဆေးသည် ဖြတ်ပစ်မှ ပျောက်သည်လို့ သိရပါသည်။

လွန်ခဲ့သော ၄ နှစ်က ကလေးတစ်ကြိမ်ရိုးရိုးမွေးဖူးပါသည်။
ကျွန်မသိချင်သည်မှာ ဖြတ်ပစ်ဖို့လို မလိုနှင့် ကိုယ်ဝန်ဆောင်ချိန်တွင် သောက်နေသောဆေးများက ကိုယ်ဝန်ကို သက်ရောက်မှုရှိမရှိကို သိချင်ပါသည်။

ကျေးဇူးပြုပြီး အမြန်ပြန်ကြားပေးပါရန် နှင့် facebook တွင် နာမည်မဖော်ပြရန် မေတ်တာရပ်ခံပါသည်။

လေးစားစွာဖြင့် -
----------------------------------------------------------------------
ဒုက္ခပေးနိုင်သည့် လိပ်ခေါင်း

ဝမ်းပျက် ၀မ်းလျှော ရောဂါသည် အစားအသောက်မှားလျှင် ဖြစ်လွယ်သည်။ ၀မ်းကိုက်ရောဂါသည်လည်း အလားတူပင် ဖြစ်သည်။ ခြင်ကိုက်ခံရရာမှ တဆင့် ငှက်ဖျား၊ သွေးလွန်တုပ်ကွေး ရောဂါတို့ ဖြစ်နိုင်သည်။
ကင်ဆာရောဂါသည် အသက်အရွယ်မရွေး လူတို့အား အန္တရာယ်ပြုနေသည်။

အူအတက်ရောင်၍ ခွဲစိတ်ရခြင်းသည် ဖြစ်ပွားမှု နည်းသော်လည်း အချိန်မရွေး ဖြစ်နိုင်သည်။ သူငယ်ချင်း တဦးမှာ ဝေးလံသောနေရာသို့ ခရီးမသွားမီ တရက်အလိုတွင် အူအတက်ရောင်ပြီး အချိန်မီ ခွဲစိတ် ကုသခဲ့ရသည်။

လူတို့အား ဒုက္ခးပးနိုင်ပြီး တွေ့ကြုံရတတ်သည့် ရောဂါများတွင် လိပ်ခေါင်း ရောဂါလည်း ပါဝင်သည်။
လိပ်ခေါင်းရောဂါကို သိရှိသူများပြီး ဖြစ်သည်။ အသံကျယ်ကျယ်ပြောလျှင် လိပ်ခေါင်း ထွက်လိမ့်မည်ဟု ဆိုတတ်သည်။

( လိပ်ခေါင်း ဘာကြောင့်ဖြစ် )
ဝမ်းချုပ်ခြင်းသည် လိပ်ခေါင်းဖြစ်ရခြင်း၏ အဓိက အကြောင်းရင်း ဖြစ်သည်။ အထူးသဖြင့် မကြာခဏ ၀မ်းချုပ်လေ့ရှိလျှင် လိပ်ခေါင်းဖြစ်လာနိုင်သည်။ ၀မ်းသွားသည့်အခါ ပုံမှန် မသွားဘဲ ညှစ်ပြီးမှ ၀မ်းသွားနိုင်ခြင်းမှာလည်း လိပ်ခေါင်းဖြစ်စေသည့် အချက် ဖြစ်သည်။

ကိုယ်ဝန်ဆောင်ချိန်တွင် လိပ်ခေါင်းရောဂါ ဖြစ်နိုင်သည်။
အရက် အလွန်အကျွံ သောက်လျှင် လိပ်ခေါင်း ဖြစ်နိုင်သည်။
အသည်းရောဂါ၊ အူမကြီး ကင်ဆာ ခံစားရသူတို့၌ လိပ်ခေါင်းဝေဒနာကို ခံစားရတတ်သည်။

( လိပ်ခေါင်းဖြစ်ပုံ )
စအိုတွင်ရှိသည့် သွေးကြောထဲမှ သွေးဖိအားများသဖြင့် သွေးကြောမှာ ကြီးထွား၍ ရောင်ရမ်းလာခြင်းကို လိပ်ခေါင်းဟု ခေါ်သည်။

(ဖြစ်ပွားမှု)
အသက် ၃၀-ကျော်တွင် အဖြစ်ပိုများသည်။ အသက်ကြီးလေ လိပ်ခေါင်းဖြစ်နိုင်ခြေ ပိုများလေ ဖြစ်သည်။ အမျိုးသားများတွင် ပိုမို ဖြစ်ပွားသည်ကို တွေ့ရသည်။

( ရောဂါ လက္ခဏာများ )
လိပ်ခေါင်းဖြစ်စတွင် ၀မ်းသွားသည့်အခါ သွေးစ သွေးန ပါလာခြင်း ဖြစ်သည်။ ၀မ်းသွားပြီးမှ သွေး တစက် တစက် ကျခြင်းလည်း ဖြစ်နိုင်သည်။
စအိုဝတွင်လည်း နာကျင်နိုင်သည်။ တစ်ဆို့ဆို့ ခံစားနေရသည်။

ဝမ်းသွားစဉ် အပြင်သို့ ထွက်လာပြီး ပြန်သွင်း၍ မရဘဲ ရှိနိုင်သည်။ သူ့အလိုလို ပြန်ဝင်သွားနိုင်သည်မှာ ကနဦးအစတွင် တွေ့ရသော်လည်း နောက်ပိုင်းတွင် လက်ဖြင့် ထိုးသွင်းမှသာ ပြန်ဝင်သည်။ အချို့တွင် လက်ဖြင့် ထိုးသွင်းသော်လည်း ပြန်မ၀င်ဘဲ ရောင်ရမ်း နာကျင်စေမှု ဖြစ်နိုင်သည်။

လိပ်ခေါင်းရောဂါကြောင့် ၀မ်းသွားသည့်အခါ သွေးဆုံးရှုံးမှုများသဖြင့် သွေးအားနည်းရောဂါ ဖြစ်နိုင်သည်။ ထိုအခါ ဖြူဖပ်ဖြူရော် ဖြစ်ခြင်း၊ ရင်တုန်ခြင်း၊ မောပန်းခြင်းတို့ ဖြစ်သည်။

( ကုသမှု )
အချို့ ဝေဒနာရှင်များမှာ လိပ်ခေါင်းရောဂါကို ရက်ရှည်လများ ခံစားရသော်လည်း ထူးထူးခြားခြား ဝေဒနာ မခံစားရချေ။ တခါတရံသာ ၀မ်းသွားစဉ် သွေးတစက် နှစ်စက် ကျသည်။ အလိုလို သက်သာသွားသည်။ တနှစ်လျှင် နှစ်ကြိမ် သုံးကြိမ် ပြန်ပေါ်လာသည်သာ ဖြစ်သည်။ လိပ်ခေါင်းရှိသည်ဟု သိထားသော်လည်း ဆရာဝန်လည်း မပြဖြစ်၊ ဝေဒနာကိုလည်း မခံစားရဘဲ နေသွားရသည်။

အချို့မှာမူ လိပ်ခေါင်းက ဒုက္ခပေးသည်။ ၀မ်းသွားတိုင်း သွေးဆက်တိုက် ပါသည်။ အပြင်သို့ ထွက်သည့် လိပ်ခေါင်းကို အတွင်းသို့ ပြန်သွင်း၍ မရနိုင်ချေ။ ထိုအခါ ကုသမှုကို ခံယူရသည်။ လိပ်ခေါင်းရောဂါ ကုသရာတွင် လိမ်းဆေး ထည့်ခြင်း၊ ဆေးသောက်ခြင်း၊ ခွဲစိတ်ကုသခြင်းတို့ကို လုပ်ဆောင်နိုင်သည်။

စီဂျူရော (Siduol) ဆေးကို နာကျင်ခြင်း၊ သွေးယိုခြင်းတို့ ပျောက်ကင်းစေရန် တနေ့ သုံးကြိမ်၊ တကြိမ် တလုံး၊ ငါးရက်မှ ခုရက်အထိ သောက်ရသည်။ Daflon ဆေးဖြင့်လည်း ကုသနိုင်သည်။ ရောဂါဖြစ်စဉ် ပိုမို ထိရောက်၍ နာတာရှည် လူနားများအတွက်လည်း အကျိုးရှိသည်။

သေနတ်ဖြင့် ရာဘာကွင်း ပစ်နည်း သုံး၍ဖြစ်စေ၊ ခွဲစိတ်၍ ဖြစ်စေ ကုသနိုင်သည်။ ယခုအခါ အပူပေး ကုသနည်း (Thermotherapy) ၊ အလင်းရောင်ပေး ကုသနည်း (Trradiation therapy) တို့ဖြင့်လည်း ကုသနိုင်သည်။

( ကုကွယ်ရေး )
လိပ်ခေါင်းရောဂါ ဖြစ်ပွားမှုမှ ကင်းဝေးစေရန် အောက်ပါအချက်များကို ဂရုပြုသင့်ပါသည်။
(၁) ၀မ်းမချုပ်စေရန် သတိပြုပါ။ ရေများများ သောက်၍ ဟင်းသီးဟင်းရွက် အသီးအနှံများကို စားပါ။
(၂) အပူအစပ် အစားအစာများ၊ အစာမကြေလွယ်သည့် အစားအစာများကို ရှောင်ကြဉ်ပါ။
(၃) ကြာရှည် မတ်တတ်ရပ်ခြင်း၊ အညောင်းထိုင်ခြင်းကို ရှောင်ကြဉ်ပါ။
(၄) ၀မ်းချုပ်သဖြင့် ၀မ်းနုတ်ဆေး သောက်လိုလျှင် ၀မ်းနုတ်ဆေး အပြင်စားကို မသောက်ဘဲ လစ်ကွစ် ပါရာဖင် (Liquid Puraffin) ကဲ့သို့ ၀မ်းနုတ်ဆေး အပျော့စားကို သောက်ပါ။
(၅) ၀မ်းနုတ်ဆေး ပုံမှန်သောက်သည့် အလေ့အကျင့်ကို ဖျောက်ပါ။

လိပ်ခေါင်းရောဂါသည် ကာလကြာရှည်စွာရှိနေသည့် နေထိုင်စားသောက်မှု ပုံစံမှ တဆင့် ဖြစ်ပွား လာသည်ဖြစ်၍ လိပ်ခေါင်းရောဂါ ဖြစ်စေနိုင်သည့် အစားအသောက်၊ အနေအထိုင်၊ လူနေမှု ပုံစံတို့ကို ဂရုပြု ရှောင်ကြဉ်ခြင်းဖြင့် လိပ်ခေါင်း အန္တရာယ်မှ ကင်းဝေးနိုင်မည် ဖြစ်ပါသည်။

( ဒေါက်တာ အောင်သန်း)
( အပျိုစင်-၂၀၀၈-ခု စက်တင်ဘာလ)

4:28 PM | Posted in | Read More »

အိမ်ထောင်ပြုပြီး အရက်သောက်သုံးမှုနှုန်း အမျိုးသမီးများပို များလာ

အမေရိကန် နိုင်ငံရှိ အမျိုးသားများဟာ အိမ်ထောင်ပြုလိုက်သည်နှင့် အရက် သေစာ   သောက် သုံးမှု လျော့ နည်းသွားပြီးအမျိုးသမီး များကတော့ အိမ်ထောင်ပြုပြီး နောက်ပိုင်းမှာ အရက် ပိုသောက်လာကြပါတယ်လို့ အမေ ရိကန် သုတေသီများက တွေ့ရှိခဲ့ပါ တယ်။

ပြည်နယ်တက္ကသိုလ်များမှ ခေါင်း ဆောင်သုတေသီများ စုပေါင်းကာလေ့လာသုတေသနပြုချက်အရ အိမ် ထောင်ရှင်အမျိုးသားများဟာ တစ်ခု လတ်အမျိုးသား၊ မုဆိုးဖိုတို့နှင့် နှိုင်းယှဉ်လျှင် အရက်သေ စာ သောက် သုံးမှု အနည်းဆုံးပမာဏရှိကြောင်း သိရှိခဲ့ရတယ်။

သုတေသီများဟာ အိမ်ထောင်ပြုခြင်းနှင့် အရက်သေစာ သောက်သုံးမှုဆိုင်ရာ စစ်တမ်းကောက် ချက်များ၊ အိမ်ထောင်ရေး အရည် အသွေး၊ ကျန်းမာရေးနှင့်ညီညွတ်သောအလေ့အထများနှင့် ပတ်သက်ပြီး ပြုလုပ် ခဲ့သော မေးမြန်းဖြေဆိုချက်များ ကို ပြန်လည်သုံးသပ်ခဲ့ကြပါတယ်။

မကြာသေးမီကမှ ကွာရှင်းထား သော အမျိုးသားများဟာ သက်တမ်း ရှည်ကြာသော အိမ်ထောင်ရှင်အမျိုး သားများထက် အရက်သောက်သုံးမှု အတော့်ကိုများကြောင်း၊ ကွာရှင်းထား သော အမျိုးသမီးများသည် အရက် သောက်သုံးမှုဆိုင်ရာ ပြဿနာများကို ပို၍အဖြစ်များကြောင်း သိရပါတယ်။

လူတစ်ယောက်ချင်းစီ၏ တစ်လတာ အရက်သောက်သုံးမှု ပမာဏကို ဆန်းစစ်ချက်များအရ အိမ်ထောင် ရှင် အမျိုးသမီးများမှာ ယင်းတို့၏ အမျိုး သားနှင့်အတူ အရက်သောက်သုံးမှုကြောင့် အပျိုတုန်းက ထက် စာလျှင် အရက်ပိုသောက်မိကြောင်း သိရှိရပါ တယ်။


ဇင်မာမြင့် Ref : UPI.com

4:08 PM | Posted in | Read More »

" သွား " များ ဖြူဝင်းစေရန် နည်းလမ်းကောင်း ( ၁)

အခုတင်မယ့် သွားများ ဖြူဝင်းစေတဲ့ နည်းလမ်းကို တစ်ချို့ သူငယ်ချင်း များလည်း သိချင်သိမှာပါ။ မသိတဲ့ သူငယ်ချင်းများလည်း ရှိမှာပါ ဘာပဲဖြစ်ဖြစ် အားလုံး ဗဟုသုတ ရစေတာပေ့ါနော်။

သွားများဖြူဝင်းစေဖို့ သီးမွှေး ဌက်ပျောသီးလေးက စွမ်းဆောင်ပေးမှာပါ။

- သီးမွှေးဌက်ပျောသီးလေး တစ်လုံးကို အခွံနွှာလိုက်ပါ
- အသားကိုတော့ စားလိုက်ပေ့ါနော်။
- အခွံကို မပစ်လိုက်ပါနှင့် . သွားများဖြူဝင်းစေဖို့ အခွံလေးက စွမ်းဆောင်ပေးမှာပါ။
- သီးမွှေးဌက်ပျောသီး အထဲက အခွံနှင့် သွားများအားလုံးကို ပွတ်တိုက်ပေးလိုက်ပါ။
- ပွတ်တိုက်ပြီးတာနှင့် တစ်ရှုးလေးနှင့် စင်ကြယ်အောင် သုတ်ပေးလိုက်တာနှင့် ဖြူဝင်းနေတဲ့သွားများကို သင်တွေ့လိုက်ရပါမယ်။

- ဒီနည်းလေးကတော့ အရိုးရှင်းဆုံးနည်းလမ်းလေး တစ်ခုပါ
- ပြီးတော့ သင့်အတွက်လည်း မပင်ပန်းစေမယ့် နည်းလမ်းလေးပါ
- နေ့တိုင်းမဟုတ်သည့်တိုင် တစ်ပတ်ကို ( 4 ) ရက်လောက် တိုက်ပေးနိုင်ပါတယ်
- အားလုံးအဆင်ပြေပါစေ။

12:25 PM | Posted in | Read More »

ဝက်ခြံရှိတဲ့အသားအရေအတွက် အာဟာရဓာတ်များ

လူခန္ဓာကိုယ် ကျန်းမာဖို့အတွက်ရော အသားအရေလှပ ဖို့အတွက်ပါ လိုအပ်တဲ့ အာဟာရတွေ ပြည့်ပြည့် ၀၀ရရှိဖို့ အရမ်းအရေးကြီးပါတယ်။ ဘာလို့လဲဆိုတော့ အာဟာရ မပြည့်ဝတဲ့အခါ ခန္ဓာကိုယ်က လုပ်ငန်းဆောင်တာတွေ ကို ပုံမှန်မလုပ်တော့ပဲ မူမမှန်တဲ့ အခြေ အနေတွေ ဖြစ်ပေါ်လာနိုင်တယ်လေ။ အဲဒီလို ခန္ဓာကိုယ် အတွက် အရေးပါလှတဲ့ အာဟာရဓာတ်တွေထဲကမှ ၀က်ခြံရှိတဲ့ အသားအရေပိုင်ရှင်တွေအတွက် လိုအပ်တဲ့ အဟာရဓာတ်လေးတွေကို ပြောပြမယ်နော်။


Vitamin A
Vit A ဟာ ၀က်ခြံရှိတဲ့ အသားအရေပိုင်ရှင်တွေအတွက် အရေးအကြီးဆုံး ဗီတာမင်ပါ။ အသားအရေရဲ့ အစိုဓာတ်ကို ကြာရှည်စွာထိန်းပေးခြင်း၊ အသားအရေကို ပြန် လည်ပြုပြင်ပေးခြင်း၊ ကော်လာဂျင် ဓာတ်ထုတ် လုပ်မှုကို အားပေးခြင်း၊ ခုခံအားစနစ်ကို ကောင်းမွန်စေခြင်းတို့ကြောင့် ၀က်ခြံတွေကို သက်သာပျောက် ကင်းအောင် စွမ်းဆောင်နိုင်ပါတယ်။ ဒါပေမယ့် Vit A ကိုအလွန်အကျွံမသောက်သုံးသင့်ပါဘူး။ ကိုယ် ၀န်ဆောင် ချိန်မှာလည်း မသောက်သုံးသင့်ပါဘူး။

Vitamin C
Vit C ဟာအရေပြားကို တင်းရင်းစေပြီး အနာကျက်မြန်စေတဲ့ ကောလာဂျင်ထုတ်လုပ်ရာမှာ အရေးပါ လှပါတယ်။ ခန္ဓာကိုယ်က အဆိပ်အတောက်တွေကိုလည်း ဖယ်ရှားပေးပါတယ်။ ဒီလိုနည်းတွေနဲ့ ၀က်ခြံတွေ ကို သက်သာလာစေတာပါ။

Zinc
ဇင့်ဓာတ်ဟာ ကိုယ်ခံအားစနစ်ကို ကောင်းမွန်စေပြီး ဟော်မုန်းတွေကို ပုံမှန်စေပါတယ်။ ဒါကြောင့် ၀က်ခြံဖြစ်စေတဲ့ ဘက်တီးရီးယားတွေ မပေါက်ပွားအောင် မပွားများအောင် ကာကွယ်ပေးနိုင်ပါ တယ်။ ဟော် မုန်းတွေ ညီမျှလို့ ၀က်ခြံဖြစ်ပေါ်မှုကိုလည်း လျှော့နည်းစေပါတယ်။

Fish Oil
ငါးကြီးဆီမှာ အရောင်ကျစေတဲ့ အစွမ်းရှိပါတယ်။ ရောဂါပိုးတွေကိုလည်း တိုက်ထုတ်နိုင်လို့ ၀က်ခြံတွေ ပိုးဝင်ရောင်ရမ်းတာကို သက်သာစေပါတယ်။

ဒီအာဟာရဓာတ်လေးတွေက သူငယ်ချင်းတို့ကို ကူညီပေးနိုင်မှာပါ။ တစ်ခုတော့ မှာချင်တယ်နော်..။ ဘယ် အရာမဆို တန်ဆေး လွန်ဘေးပဲလေ။ ဒါကြောင့် ဒီအာဟာရဓာတ်တွေရအောင်ဆိုပြီး အားဆေးတွေ အလွန်အကျွံဝယ်သောက်တာမျိုးလည်း မလုပ်ပါနဲ့။ တတ်နိုင်သလောက် သဘာဝအစားအစာတွေကိုပဲ စားပါ။ ဘယ်အစားအစာတွေမှာ ဘယ်လိုအာဟာရတွေပါတယ်ဆိုတာကိုတော့ သဘာဝရဲ့အာဟာရဆိုတဲ့ ပို့စ်လေး က ကူညီပေးပါလိမ့်မယ်။

www.myanmarskylink.com မှ ကူးယူဖော်ပြပါသည်

5:08 PM | Posted in | Read More »

ရေသောက်နည်းသောအခါ

ဝတ်ရည်အောင်
အတွဲ (၁၁)၊ အမှတ်(၁၀)

လူကြီးတစ်ယောက်၏ ခန္ဓာကိုယ်တွင် ရေဓာတ်သည် ၅၀ ရာခိုင်နှုန်းမှ ၆၀ ရာခိုင်နှုန်းနှင့် ကလေးတစ်ဦး တွင် ၇၅ ရာခိုင်နှုန်းအထိ ပါဝင်ဖွဲ့စည်းထားသည်။

ပါဝင်မှုများပြားသည့် ရေသည် ခန္ဓာကိုယ်တစ်ခုလုံး၏ အင်္ဂါအစိတ်အပိုင်းများ ဟန်ချက်ညီစွာ လုပ်ငန်းဆောင်ရွက်နိုင်ရန်အတွက် မရှိမဖြစ်လိုအပ် သည့် အရာတစ်ခုလည်းဖြစ်သည်။ ရေရှိနေ၍သာ ဦးနှောက်မှအစ အသည်း၊ ကျောက်ကပ်၊ နှလုံးနှင့် အင်္ဂါ အစိတ်အပိုင်းများသည် ခန္ဓာကိုယ်၏ လုပ်ငန်းများအား ဆောင်ရွက်နေနိုင်ခြင်းဖြစ်ကြောင်း သိရသည်။

ထိုအရေးပါသည့် ရေအား လုံလောက်စွာ ဖြည့်တင်းပေးနိုင်ရန် လိုအပ်ပြီး မကြာသေးမီက နိုင်ငံ တကာအဖွဲ့ အစည်းတစ်ခု၏ လေ့လာသုတေသန ဆောင်ရွက်မှုတစ်ခုတွင် ရေသောက်သုံးမှု နည်းပါးနေကြောင်း လေ့ လာချက်တစ်ခုအား ဖော်ပြထားသည်ကို နိုင်ငံပိုင်သတင်းစာများတွင် ဖော်ပြခဲ့ကြသည်။

ခန္ဓာကိုယ်တွင် ရေသည် ပုံမှန်ရာသီဥတုအရ တစ်နေ့လျှင် လူကြီးတစ်ယောက်အတွက် 2000 ml-3000 ml (ပုံမှန်ရေဖန်ခွက် ၁၀ ခွက်ခန့်)အထိ လိုအပ်ပြီး ပူပြင်းသည့်အချိန်တွင် ထို့ထက်ပိုမိုလိုအပ်ကြောင်း အထွေထွေရောဂါကုဆရာဝန် ဒေါက်တာလှိုင်စိုးဝယ်က ပြောသည်။

“ကျန်းမာတဲ့လူတစ်ဦးက ဆီးကနေ ရေစွန့်ထုတ်မှု တစ်နေ့ကို 1000-1500ml လောက်ရှိတယ်။ ဒါ့အပြင် အရေပြားကနေ ထွက်သွားတာတွေ၊ အသက်ရှူရာကနေ ထွက်သွားတာတွေ၊ မျက်ရည်အဖြစ် ထွက်သွား တာတွေ စတာတွေ ပေါင်းလိုက်ရင် 500-1000 ကြားလောက် နေ့စဉ်ဆုံးရှုံးနေ တယ်”ဟု ဒေါက်တာ လှိုင်စိုးဝယ်က ပြောသည်။

ထို့အတွက် ရေဓာတ်သည် ခန္ဓာကိုယ်အတွင်း မဖြစ်မနေ လိုအပ်သည့် အရာတစ်ခုဖြစ်ပြီး ရေဓာတ် နည်းပါးခြင်းကြောင့် ရေတိုတွင် ချက်ချင်းကျန်းမာရေး ထိခိုက်မှုများမဖြစ်နိုင်သော် လည်း ရေရှည် တွင် ရေ ဓာတ်နည်းပါးခြင်း၏ နောက်ဆက်တွဲဆိုးကျိုးများ ခံစားရရှိစေနိုင်သည်များလည်းရှိကြောင်း သိရသည်။

ရေသောက်နည်းသူများတွင် အရည်ဆုံးရှုံးခြင်း လက္ခဏာများဖြစ်သည့် အစာမစားချင်ဖြစ်ခြင်း၊ အော့ အန်ခြင်း၊ အားအင်ကုန်ခန်းခြင်း၊ မူးမော်ခြင်း၊ မျက်တွင်းကျခြင်း၊ ဆီးနည်းခြင်း၊ နှလုံးတုန်ခြင်း ဝေဒနာ များအား ခံစားကြရလေ့ရှိပြီး အကြောင်းအမျိုးမျိုးကြောင့် ရေဓာတ် ခန်းခြောက်မှု အလွန်များပြား သွား ပါက သွေးလန့်ခြင်း၊ သတိလစ်မေ့မြောခြင်းများကိုပါ ခံစားကြရမည်ဖြစ်ကြောင်း သိရ သည်။ ရေသောက် နည်းသူများ ရေရှည်တွင် ကြုံတွေ့ရသည့် ကြီးမားသည့် ပြဿနာတစ်ခုမှာ ဆီးနှင့်ပတ်သက် သည့် ရောဂါ များဖြစ်ကြောင်း အများသိရှိပြီးဖြစ်သည်။

ရေသောက်နည်းခြင်းကြောင့် ဆီးသွားမှုနည်းပါးသည့်အခါ ဆီးလမ်းကြောင်းတွင် ဆီးထဲမှအနည်များ စုပြုံ လာ သည့်အတွက် ယနေ့အချိန်တွင် အဖြစ်များလာသည့် ကျောက်ကပ်တွင် ကျောက်တည်ခြင်းရောဂါသည် ရေသောက်နည်းခြင်းကြောင့် ဖြစ်လာသည့် အကျိုးဆက်ရောဂါတစ်ခုလည်းဖြစ်သည်။

“အခု ဆီးနဲ့ပတ်သက်တဲ့ ရောဂါတွေထဲမှာ ကျောက်ကပ်မှာ ကျောက်တည်တဲ့ လူနာတွေကတော့ အရမ်း များနေတယ်”ဟု ရန်ကုန်ဆေးရုံကြီးသစ်မှ ဆီးနှင့် ကျောက်ကပ် အထူးကုဆရာဝန်တစ်ဦးက ပြောသည်။

“ကျွန်တော်ဆီးလမ်းကြောင်းမှာ ကျောက်တည်တုန်းက ဆရာဝန်ကမေးတယ်။ ဆေးလိပ်သောက်လား၊ ကွမ်းစားလားဆိုတော့ တစ်ခုမှမလုပ်ဘူးဆိုတဲ့အခါ ဒါဆို ရေသောက်နည်းလို့ဖြစ်တာလို့ ပြောတယ်။ ကျွန်တော်က အိမ်မှာနေတဲ့အချိန်ပဲ ရေနွေးသောက်ဖြစ်တာ။ ကျန်တာတစ်နေ့လုံး အပြင်ရောက်နေတဲ့ အချိန်ဆိုရင် ရေမသောက်ဖြစ်သလောက်ဘဲ”ဟု အသက် ၃၀ ခန့် ကုမ္ပဏီဝန်ထမ်း အမျိုးသားတစ်ဦး က ပြောသည်။

ရေသောက်နည်းသည့်အခါတွင် အင်္ဂါအစိတ်အပိုင်းများသို့ ရေမှပို့ဆောင်ပေးရသည့် အစာထဲတွင် ပါဝင်သော ပရိုတိန်းဓာတ်များ၊ ကာဗိုဟိုက်ဒရိုက်များ၊ အဆီများ၊ ဗီတာမင်များ သွေးနှင့်အတူ လိုအပ်သည့် ဓာတ်များရောက်ရှိမှု နှေးကွေးကာ လှုပ်ရှားမှုစနစ်များ ကောင်းစွာ အလုပ်မလုပ်နိုင်ခြင်း ပြဿနာ များ ဖြစ်ပွားလာနိုင်ကြောင်း သိရသည်။

“ခန္ဓာကိုယ်ထဲမှာ လိုအပ်တဲ့ ရေဓာတ်ပြည့်ဝနေရင်တော့ အများပြောကြတဲ့ အသားအရေလှတာအပြင် ခန္ဓာကိုယ်ထဲက အင်္ဂါအစိတ်အပိုင်းတွေအတွက်ပါ ပိုပြီးကျန်းမာစေတဲ့ အကျိုးတွေ ရနိုင်ပါ တယ်။ ဒါပေမဲ့ အဲဒီ အတွက် ရေကိုတစ်နေ့ ဆယ်ခွက် မပြည့်ပြည့်အောင် သောက်ရမယ်လို့ မဆိုလိုဘူး။ မပြည့်ပြည့်အောင်  
သောက်စရာအထိလည်း မလိုပါဘူး။ အတတ်နိုင်ဆုံး သောက်နိုင်သလောက်လေးပဲ ပုံမှန်သောက်ရင်တော့ ပိုကောင်းတာပေါ့”ဟု ဒေါက်တာလှိုင်စိုးဝယ်က ဆက်လက်ပြောသည်။

ခန္ဓာကိုယ်အတွင်း ရေဓာတ်လုံလောက်စွာ ဖြည့်တင်းရန် အရေးကြီးသည်ဆိုသည်မှာ ပုံမှန်ကျန်းမာနေသူများ အတွက် မှန်ကန်သော နည်းလမ်းတစ်ခုဖြစ်သော်လည်း သောက်ခြင်းသည် ရောဂါဝေဒနာအချို့ ခံစားနေရသူများအတွက် ထိုခံစားနေရသည့် ဝေဒနာအား ပိုမိုဆိုးရွားသွားစေနိုင်သည် ဆိုသည်အားလည်း မမေ့လျော့သင့်ကြောင်း အဆိုပါ ဆရာဝန်ကပြောသည်။

ခန္ဓာကိုယ်ထဲတွင် ရေနှင့် ဓာတ်ဆား အချိုးအဆညီမျှစေရန် ထိန်းချုပ်ပေးသည့် အစိတ်အပိုင်းများလည်းရှိပြီး နှလုံးကောင်းစွာ ပုံမှန်အလုပ်မလုပ်သူများ၊ အသည်းကောင်းစွာ အလုပ်မလုပ်သူများနှင့် ကျောက်ကပ်အလုပ် ကောင်းစွာမလုပ်သည့်အတွက် ရောဂါဝေဒနာ ခံစားနေရသူများသည် ပိုလျှံလွန်းသည့် ရေဓာတ်ကြောင့် ရောဂါများအား ဆိုးရွားသွားစေနိုင်ကြောင်း သိရသည်။

“အဲလိုလူနာတွေမှာ ရေဓာတ်ပမာဏများရင် ပိုပြီးဖောရောင်လာမယ်။ အသက်ရှူ ကျပ် မယ်။ နှလုံးခုန်မြန်တာတွေ၊ ကျောက်ကပ်ကြောင့် ဖောရောင်တဲ့ရောဂါတွေကို ခံစားရနိုင်တယ်။ ဒါကြောင့် ရေအရမ်းသောက်တာ ကောင်းတယ်ဆိုပြီးတော့လည်း အလွန်အကျွံမလုပ်ဖို့လိုတယ်။ တချို့ က ရေသောက်တာ ကောင်းတယ်ဆိုတာကိုပဲ ကြည့်ပြီး ဆိုးကျိုးတွေလည်း သိပ်ဂရုမပြုဘဲ ရေတွေကို မဖြစ် မနေသောက်နေကြတာမျိုးလည်း ကြုံဖူးတယ်”ဟု အဆိုပါဆရာဝန်က ပြောသည်။

တစ်ညလုံး ခန္ဓာကိုယ်သည် အိပ်စက်အနားယူနေသော်လည်း အင်္ဂါအစိတ်အပိုင်းများမှာ အနားယူခြင်း မရှိကြပေ။ ထို့ကြောင့် မနက်မိုးလင်းသည့်အခါတွင် ထိုအစိတ်အပိုင်းများအတွက် လိုအပ် သည့် ရေ အား ပြန် လည်ဖြည့် တင်းပေးခြင်းသည် သင့်လျော်သည့်အတွက် အိပ်ရာထပြီး ရေသောက်ခြင်းသည် လည်း ကျန်း မာရေးအရ ကောင်းမွန်သည့် အမူအကျင့်တစ်ခုဖြစ်ကြောင်း သိရသည်။ ထို့ပြင် ထမင်းမစားခင် တစ်နာရီ ခန့်ကြိုပြီး ရေသောက်ခြင်းသည်လည်း အစာကြေလွယ်သည့် အာနိသင်ကို ခံစား ရနိုင်ကြောင်း နိုင်ငံ တကာရှိ ကျန်းမာရေးဆိုင်ရာ ပညာရှင်များက အကြံပြုထားသည်များလည်းရှိသည်။

ထိုခန္ဓာကိုယ်အတွက် အရေးကြီးလှသည့် ရေသည်သန့်ရှင်းရန်လည်း လိုအပ်ပြီး မသန့်ရှင်း သည့် ရေ များကြောင့် ကျန်းမာရေးဆိုင်ရာ ဆိုးကျိုးများဖြစ်ပေါ်ပြီး ရောဂါများခံစားကြရသည် များလည်းရှိ သဖြင့် သောက် သုံးရေသန့်ရှင်းစေရန်လည်း ဂရုပြုသင့်ကြောင်း ဒေါက်တာလှိုင်စိုးဝယ်က ဆက်လက်ပြော သည်။


4:46 PM | Posted in | Read More »

အေ့ဒ်စ်နှင့် ပတ်သက်ပြီး လူငယ်စုံတွဲများ သွေးစစ်မှုများပြား

အေ့ဒ်စ်နှင့် ပတ်သက်ပြီး လူငယ်စုံတွဲများ သွေးစစ်မှုများပြား
By 7Day News

အေအိုင်ဒီအက်စ်ရောဂါနှင့် ပတ်သက်၍ မိမိဆန္ဒ အလျောက် သွေးလာစစ်ကြသည့် လူငယ်စုံတွဲများ ယခု နောက်ပိုင်း များပြား လာကြောင်း Marie Stopes International (MSI) မှ counsellor (နှစ်သိမ့်ဆွေးနွေး ပညာပေးသူ) ဒေါ်စန်းစန်းမြင့်က ပြောသည်။  "အခုနောက်ပိုင်း စုံတွဲတွေ သွေးလာစစ်ကြတာများတယ်။ သူများ စစ်ခိုင်းလို့လည်း မဟုတ်ဘူး သူတို့သဘောနဲ့သူတို့ လာစစ်ကြတာ များတယ်။ တစ်လကို နှစ်သိမ့် ဆွေးနွေးပြီး သွေးစစ်တဲ့သူ ၂၀ ကနေ ၂၅ ယောက်လောက်ရှိတယ်" ဟု ဒေါ်စန်းစန်းမြင့်က ဆက်လက် ပြော သည်။ သွေးစစ်ကြမည့်သူများသည် ပထမဦးစွာ နှစ်သိမ့်ဆွေးနွေးမှု ခံယူသည့်အခါ အကယ်၍ မိမိတွင် အိတ်ခ်ျအိုင်ဗီ၊ အေအိုင်ဒီအက်စ်ရောဂါပိုးရှိလျှင် ပတ်ဝန်းကျင် နေထိုင်မှုပုံစံများ၊ ဆေးဝါးများအကြောင်း အဆုံးထိ ဆွေးနွေးထားသောကြောင့် ရောဂါပိုးရှိကြောင်းသိသည့်အခါများတွင်လည်း ပိုမို ခံနိုင်ရည်ရှိသည့် အကျိုးကျေးဇူးများ ရှိသဖြင့် ကြိုတင်နှစ်သိမ့်ဆွေးနွေးမှု ခံယူပြီးမှသာ သွေးစစ်ဆေးမှု ပြုလုပ်လေ့ရှိကြောင်း သိရသည်။
Photo
နှစ်သိမ့်ဆွေးနွေးခြင်းသည် လုံခြုံသည့် နေရာတွင် နှစ်ဦးတည်း သီးသန့် ဆွေးနွေးခြင်းဖြစ်ပြီး အကယ်၍ ရောဂါပိုး ကူးစက်ခံရပါကလည်း ကြုံရမည့် ပြသနာများကို ကြိုတင် ရှင်းလင်း ပြောပြထားခြင်း ဖြစ်သည်။ ထိုကဲ့သို့ နှစ်သိမ့်ဆွေးနွေးခြင်း မရှိဘဲ သွေးစစ်ကြသည့်အခါ ရောဂါပိုးရှိမှန်း သိရှိသွားသည့် သူများတွင် ဆောက်တည်ရာမရ အလွန်အမင်း စိတ်ထိခိုက်ကြခြင်း၊ ရောဂါပိုး အကြောင်းနှင့် ဆေးဝါးများအကြောင်း မသိရှိသဖြင့် မိမိတို့ လက်လှမ်းမီရာ လွဲမှားသည့် ဆေးဝါးများ အသုံးပြု ကြခြင်းများကြောင့် ဆေးယဉ်ပါးမှု များ ဖြစ်လာခြင်း၊ ရောဂါနှင့် မသက်ဆိုင်သည့် ဆေးဝါးများအား ဈေးကြီးပေး၍ သောက်သုံးခြင်းကြောင့် ငွေကုန်ကြေးကျ များပြားခြင်း၊ အချို့တွင် အသက်အသေခံကြသည်အထိ ပြင်းထန်စွာ ခံစားကြရကြောင်း ထိုကဲ့သို့ နှစ်သိမ့်ဆွေး နွေးပေးနေသည့် ကျွမ်းကျင်သူများက ပြောသည်။
"ဒီရောဂါက တခြားရောဂါတွေနဲ့ မတူဘူးလေ။ ခွဲခြားမှုတွေလည်း ပြင်းထန်တော့ ရုတ်တရက် သိလိုက်ရင် အရမ်းကို ခံစားကြရတယ်။ တချို့ဆို သိလိုက်တဲ့ အချိန်မှာ ခုံတွေဘာတွေတောင် ရိုက်ချိုးတာမျိုးတွေတောင် ရှိတယ်" ဟု နှစ်သိမ့် ဆွေးနွေးမှုများ ပြုလုပ်နေသည့် ဦးမောင်စိန်က ပြောသည်။ ဆရာဝန် တစ်ဦးသည်လည်း လူနာ၏ သဘောတူညီချက် နှစ်သိမ့် ဆွေးနွေးမှု မရှိဘဲနှင့် သွေးစစ်ခြင်းသည် ဆရာဝန် ကျင့်ဝတ်အရ မပြုသင့်ကြောင်း မြန်မာနိုင်ငံ ဆရာဝန်အသင်းမှ ဆရာဝန် တစ်ဦးက ပြောသည်။ ထိုကဲ့သို့ လူနာ၏ သဘောတူညီချက်၊ နှစ်သိမ့်ဆွေးနွေးပြီးမှသာ သွေးစစ်သင့်သည်ဟု ဆိုသော်လည်း ဆေးရုံ ဆေးခန်း များတွင် လူနာအား မည်သည့် နှစ်သိမ့်ဆွေးနွေးမှု မရှိဘဲ သွေးစစ်ဆေးမှုများ ရှိနေဆဲပင်ဖြစ်ပြီး အဖြေသိလာမှသာ သက်ဆိုင်ရာ လူနာများအား အကြောင်းကြားလေ့ရှိကြောင်း အိတ်ခ်ျအိုင်ဗီ၊ အေအိုင် ဒီအက်စ် ရောဂါဆိုင်ရာ ကာကွယ်ကုသရေး လုပ်ငန်းများ ဆောင်ရွက်နေသည့် ဆရာဝန်များက ပြောသည်။
"လူနာကို အိတ်ခ်ျအိုင်ဗီ အေအိုင်ဒီအက်စ်ရောဂါ ရှိမရှိကို ခွဲစိတ်မှု မလုပ်ခင်မှာကတည်းက စစ်ကြ လေ့ရှိတယ်။ အဲဒါကလည်း ဆရာဝန်တွေမှာ ခွဲစိတ်တဲ့ အချိန်မှာလူနာဆီမှာ တကယ်လို့ ရောဂါပိုးရှိခဲ့ရင် ကူးစက်နိုင်မယ့် အန္တရာယ် အရမ်းများတဲ့ အတွက်ကြောင့် စစ်ဆေးရတာပါ" ဟု အထူးကုဆရာဝန်ကြီး တစ်ဦးက ပြောသည်။ အဆိုပါ ရောဂါနှင့် ပတ်သက်သော လုပ်ငန်းများ ဆောင်ရွက်နေသည့် အင်န်ဂျီအို အဖွဲ့အစည်းများ ရန်ကုန်ပြည်သူဆေးရုံကြီး၊ အိတ်ခ်ျအိုင်ဗီ၊ အေအိုင်ဒီအက်စ်ရောဂါများ ကုသ ပေးနေသည့် ကူးစက်ရောဂါကု ဆေးရုံများစသည့် နေရာများတွင် နှစ်သိမ့် ဆွေးနွေးပေးသည့် ကျွမ်းကျင်သူများမှ သွေး မစစ်မီ နှစ်သိမ့် ဆွေးနွေးမှု ခံယူနိုင်ကြောင်း သိရသည်။

ဝတ်ရည်

11:48 AM | Posted in | Read More »

မုဒိန်းကျင့်မှုကုို ကာကွယ်နုိုင်မည့် ကွန်ဒုံး

မုဒိန်းကျင့်မှုကုို ကာကွယ်နုိုင်မည့် ကွန်ဒုံး


၂၆ စက္ကန့်တုိုင်းတွင် မုဒိန်းမှုဖြစ်ပွားသော တောင်အာဖရိကနိုင်ငံတွင် Dr. Sonnet Ehlers ဆုိုသူ အမျိုးသမီး တစ်ဦးက မုဒိန်းကျင့်ခြင်းမှ ကာကွယ်နုိုင်မည့် Rape-aXe ခေါ်သော ကွန်ဒုံးကို တီထွင်ခဲ့လေသည်။ တီထွင် သူ Dr. Sonnet Ehlers

က အဆုိုပါကွန်ဒုံး သည် မတော်မတရားပြုကျင့်ခြင်း ခံရမည့်ဘေးမှ ကာကွယ်နုိုင် သည့်အပြင် ခုခံအား ကျဆင်းမှု အပါအဝင် အခြားသောလိင်ရောဂါများ နှင့်အတူ မလိုလားအပ်သော ကုိုယ်ဝန်ဆောင် ခြင်းမှ လည်း ကာကွယ်နုိုင်မည်ဟုဆုိုသည်။

အဆုိုပါကွန်ဒုံးသည် အတွင်းဘက်၌ ဘရိတ်ဒါးကဲ့သုို့ထက်သော ဒါးသွားများ ပါရှိကာ ဓမ္မတာလာစဉ် အသုံးပြုသည့် tampon ကဲ့သို့ပင် မိန်းမကုိုယ်အတွင်းသုို့ ထည့်သွင်း အသုံးပြုရမည်ဖြစ်သည်။ မုဒိန်း ကျင့်ရန်ကြံစည်သူသည်။

မိန်းမကုိုယ်အတွင်း လိင်တံကုို ထည့်လုိုက်သည်နှင့် လိင်တံတွင် ဒါးသွားများလာရောက် စိုက်မိပြီး မခံ မရပ်နုိုင်အောင် နာကျင်မှုကုို ခံစားရမည်ဖြစ်သည်။ လိင်တံကုို ဆွဲနှုတ်ချိန်တွင် အဆုိုပါ ကွန်ဒုံးသည်လည်း
လိင်တံနှင့်အတူ ကပ်ရပ်ပါသွားမည်

ဖြစ်သည်။ ထိုအချိန်တွင် အမျိုးသမီးသည် ထွက်ပြေးရန် အခွင့်အရေးရမည် ဖြစ်သည်။ အဆိုပါ ကွန်ဒုန်းကို လွယ်လင့်တကူ ဖယ်ရှား၍ မရဘဲ ခွဲစိတ်ပြီးမှသာ ဖယ်ရှားနိုင်မည် ဖြစ်၍ မုဒိန်းသမားကုို ဆေးရုံ ဆေးခန်းမှ တာဝန်ရှိသူက
ရဲကုို

အကြောင်းကြားခြင်းဖြင့် လက်ရဖမ်းမိမည် ဖြစ်သည်။ လိင်တံတွင် စုိုက်မိနေသော ဒါးသွားများသည် အရေပြားကုိုသာ ထွင်းဖေါက်မည်ဖြစ်ပြီး အရေပြားအောက်တွင် ရှိသော တစ်ရှုးကုို ထိမည်မဟုတ်သဖြင့် သွေးထွက်မည်မဟုတ်။

သုို့ဖြစ်၍ သွေးမှရရှိသော အခြားရောဂါများကုို အမျိူးသမီးအနေဖြင့် စုိုးရိမ်စရာမလုိုဟု ဆုိုသည်။

source: rape axe Internet news and official website

http://antirape.clearmark-demo.co.za/index.php?option=com_joomgallery&func=viewcategory&catid=1&Itemid=33

4:31 PM | Posted in | Read More »

အ၀လွန် အဆီများသူများအတွက် ဆေးကောင်းတစ်လက်

အ၀လွန် အဆီများသူများအတွက် ဆေးကောင်းတစ်လက်

မှန်ကန်သော ဆေးနည်းဖြစ်ကြောင်း ဦးစွာ ပြောပါရစေ။ အမျိုးသားကော အမျိုးသမီးပါ လွယ်ကူစွာ သုံးစွဲနိုင်ပါတယ်။ ဒီဆေးနည်းဟာ ငွေကုန်သက်သာတဲ့အပြင် လျင်မြန်စွာ ပျောက် ကင်းပါတယ်။ ရှောက်ရွက်နှင့် ရှောက်သီးရဲ့အခွံတွင် အဖိုးတန်တဲ့ အဆီဓာတ်တစ်မျိုး ပါရှိ ပါတယ်။ ထိုအဆီဓာတ်ဟာ လေရောဂါများ၊ အသည်းနှလုံးကို အဆီဖုံးခြင်းမှလည်း ကာကွယ် ပေးပါတယ်။ အ၀လွန်သူများ၊ ဗိုက်ခေါက်ထူပြီး အလှပျက်အောင် ၀မ်းဗိုက်ရွှဲ လာသော အမျိုးသမီး၊ အမျိုးသားများအတွက် အလွယ်တကူ ဖော်စပ်သုံးနိုင်တဲ့နည်းကို တင်ပြလိုက် ပါတယ်။ ပထမ ရှောက်ရွက်ကြမ်းတွေကို အရင်ရှားထားပါ။ ပုလင်းတစ်လုံးစီတွင် ရိုးရိုး သကြား သုံးဇွန်း (ဟင်းစားဇွန်း) စီ ထည့်ရပါမယ်။ ပြီးရင် ပုလင်းတစ်လုံးစီမှာ ရှောက်ရွက် ကိုးရွက်စီ ထည့်ပေးပါ။ နောက် ရေကျက်အေးများ ပုလင်းထဲသို့ အပြည့်ထည့်ပြီး အဆို့ပိတ်ပြီး နေပူထဲ တွင် ကိုးရက်လှန်းပေးပါ။ ကိုးရက်စေ့လျှင် ထိုရှောက်ရွက်စိမ်ထားသော ပုလင်းများ ကို ဆေးအဖြစ် အသုံးပြုလို့ ရပါပြီ။ နံနက်တစ်ကြိမ် ညတစ်ကြိမ်တို့၌ အဆိုပါ ရှောက်ရွက် ဆေးရည် ပုလင်းကို လှုပ်ပြီး လက်ဖက်ရည်အကြမ်းပန်းကန်တစ်ဝက်ခန့်ကို မှန်မှန်သောက် သုံးပေးပါ။ တစ်လမှ နှစ်လခန့်ရှိသောအခါ အမျိုးသမီးများ ခါးသေးရင်ချီပြီး အဆီပို ဗိုက်ရွဲမှုများကျပြီး အသားအရေစစ်သွားပါလိမ့်မယ်။


ဒီနည်းက အဆီကျဆေးတို့ ဘာတို့ စားခြင်းထက် စိတ်ချရတဲ့ မြန်မာရိုးရာ ဆေးနည်း ဖြစ်ပါတယ်။ အဲဒီဆေးရည်ကို မှန်မှန်သောက်သုံးပေးခြင်းကြောင့် အသည်းအဆီဖုံးခြင်းနှင့် နှလုံးအဆီပိတ်ခြင်းတို့မှလည်း သက်သာပျောက်ကင်းကြောင်း သတင်းကောင်းပါးလိုက်ပါ ရစေရှင်။

 

 

11:31 AM | Posted in | Read More »

ဆေးလိပ်ဖြတ်ဖို့ ခက်နေရင်

ဆေးလိပ်ဖြတ်ဖို့ ခက်နေရင်

ဆေးလိပ်၊ စီးကရက် စဖြတ်ပြီ ဆိုပါစို့။ အနည်းနဲ့အများ အစပိုင်းတွေ မှာ ခက်ခဲမှာပဲ။ ဒီအတွက်...

(၁) ရေအေးလေး တစ်ကျိုက်စီငုံ

သေးသေးဖွဲဖွဲလေးတွေ စား ဝါး။ စီးကရက်ကို စုပ်ရှိုက်ရခြင်းကို အစားထိုးတာပဲ။ သုတေသနတွေ့ရှိ ချက်အရ ရေအေးလေးကို ပိုက်နဲ့စုပ်ငုံခြင်းက dopamine ထွက်စေတယ်။ dopamine သည် “မကောင်းစိတ်” တွေကို လျော့စေတယ်။ အစားနည်း နည်း နှင့် ဝါးစားခြင်း ကလည်း မီးခိုးငွေ့အလွမ်းကို လျော့စေတယ်။ အစားတော့ ရွေး နော်။ တော်ကြာနေ ဝလာဦးမယ်။


(၂) ကောင်းကျိုးစဉ်းစား

စီးကရက်၊ ဆေးလိပ်မသောက်ခြင်းရဲ့ ကောင်းကျိုးတွေ ကို စဉ်းစားပါ။ ကိုယ့်စိတ်ကိုယ် နိုင်ခြင်း၊ ငွေကုန် သက်သာခြင်း၊ အစားအသောက် အရသာပြည့်ပြည့် ဝဝ စားနိုင်ခြင်း၊ အမောခံနိုင်ခြင်း။

(၃) သွားခဏခဏတိုက်

ခံတွင်းနံ့လေး ကောင်းလာတတ် တဲ့ ကောင်းကျိုးရရှိဖို့ ဖြစ်တယ်။ ခံတွင်းရနံ့လေးကို ချစ်ပါ။

(၄) အယ်လ်ကိုဟော ရှောင်

အယ်လ်ကိုဟောသည် ဆေးလိပ်၊ စီးကရက် သောက်လိုစိတ်ကို အားပေးတယ်။ အကြောင်းပြ ချက်များစွာရှိနေ ပါတယ်။ အယ်လ်ကိုဟောသည် လုပ်ချင်ရာ လုပ်မိအောင် အားပေးတတ် တာကလည်း တစ်ကြောင်းပေါ့။

(၅) မိမိကိုယ်မိမိ ဆေးလိပ်၊ စီးကရက် ကန့်သတ်နယ်မြေသတ်မှတ်

လူရှေ့သူရှေ့ မသောက်တာ၊ အလုပ်ထဲမှာ မသောက်တာ၊ လူကြီး သူမတွေရှိရင် မသောက်တာမျိုး။

(၆) အကြောင်းပြချက် သတိရ

ကိုယ်ဘာကြောင့် ဒါတွေ ဖြတ်ချင်သလဲဆိုတဲ့ အကြောင်းပြချက် ကိုယ်စီရှိကြမှာပါ။ အဲဒါလေးကို မပြတ်သတိရ။

(၇) နေ့စဉ် တက်ကြွလန်းဆန်း

နေ့စဉ် လှုပ်ရှားတက်ကြွလန်းဆန်း လတ်ဆတ်ခြင်းကလည်း ဟိုဟာမလုပ်ရ မနေနိုင်၊ ဒီဟာမလုပ်ရ မနေနိုင် ဆိုတာတွေကို ဟန့်တားနိုင်တယ်။

(၈) ပြက္ခဒိန်မှာ မှတ်

ဒီနေ့တစ်လိပ်မှ မသောက်ဖြစ်ရင် အဲဒီရက်ကလေးကို ပြက္ခဒိန်မှာ မှတ်လိုက်။ ရက်တွေ တိုးပွားလာစိတ် ဖြစ်လာလိမ့်မယ်။

(၉) ပါးစပ်ထဲ တစ်ခုခုထည့်ထား

ပီကေ၊ မြေပဲ၊ နေကြစေ့ စသည်

(၁၀) အပေါင်းအသင်းလိုတယ်

ယခင်က ဆေးလိပ်၊ စီးကရက် သောက်ခဲ့ပြီး ယခုအောင်မြင်စွာ ဖြတ်ထားနိုင်ပြီးသော အပေါင်းအသင်း တစ်ယောက်ရှာပါ။

(၁၁) ကဖိန်းကန့်သတ်

ကော်ဖီ၊ လက်ဖက်ရည်ကို ဆိုလိုတယ်။ ကော်ဖီ၊ လက်ဖက်ရည်သည် နံနက်ပိုင်းမှာ လန်းဆန်းစေတာ မှန်ပါတယ်။သို့သော် စိတ်ဖိစီးမှု၊ စိတ်လိုလားမှုတွေ များစေတယ်။ ဒီအတွက် ကန့်သတ်လျှော့ချ ရလိမ့်မယ်။ မကန့်သတ်ရင် ဆေးလိပ် ပြန်သောက်ဖြစ်မယ်။

(၁၂) မကောင်းတဲ့ အနောက်တွေကိုသတိပြု

စိတ်ဆိုးတာ၊ စိတ်အလိုမကျတာ၊ စိတ်ဓာတ်ကျတာတွေ ဖြစ်လာရင် ကိုယ့်စိတ် ကိုယ်ပြန်ရှုမှတ်ပါ။ အဲဒီ မကောင်းစိတ်တွေက ဆေးလိပ်၊ စီးကရက် ပြန်သောက်မိစေတယ်။

(၁၃) မကောင်းကျင့် အပေါင်းအသင်း ကိုရှောင်

ဘယ်သူတွေနဲ့ဆုံရင် ပြန်သောက် မိသလဲ။ အဲဒီလူတွေကို ရှောင်ပါ။

(၁၄) စိတ်ရှည်ပါ...ပြေးလမ်းပေါ်မှာ

၁၄ ရက်ကြာ ပြတ်နိုင်ရင် ဒါ ပြေးလမ်းပေါ်ရောက်ပြီ။ ဒီအချိန်မှာ မိသားစုနဲ့ မိတ်ဆွေတွေနဲ့ ဝိုင်းဖွဲ့ စားသောက်ဖို့လိုတယ်။ ကိုယ်လက် လှုပ်ရှားမှုလိုတယ်။ ဆေးလိပ်၊ စီးကရက် ပြတ်ခြင်း၊ မပြတ်ခြင်းသည် ကြားမှာ ပါးလွှာ လွန်းလှတယ်။ “တစ်လိပ်” ပဲခြားပါတယ်။ မီးခြစ်တစ်ခြစ်ပဲ ခြားပါတယ်။ ပြန်စသောက်မိရင် ပြန်ဖြတ်ပါ။ အောင်နိုင်မည်...မုချ။

4:16 PM | Posted in | Read More »

Nail fungal infection လက်သည်းမှို

Nail fungal infection လက်သည်းမှို

အမျိုးသမီး (၃၁ နှစ်)။ ပြည်ပမှာဆိုတော့ ရောဂါ ဖြစ်လို့ ဆေးခန်း သွားရင် သေချာ မပြောပြတတ်တော့ မသက်သာဘူး။ စဖြစ်တာက လက်သည်းရဲ့ ထိပ်ပိုင်းဘေး တဖက်စီမှာ လက်စွယ် ငုတ်သလို ဖြစ်နေတော့ ခွာထုတ်တာ၊ အပေါက်တွေက ချိုင့်ခွက်လေးလို ဖြစ်နေတာ။ ခုဆို လက် ၅ ချောင်းလုံးပဲ။ လက်သည်း ပိုးများလား မသိဘူးတဲ့။ ခွာနေတုန်းကတော့ သွေးကြောအမျှဉ်လေးလို နီနီလေးတွေ့လို့ ခွာထုတ် တိုင်းလဲ ပြန်ပေါ်လာတယ်တဲ့။ ပေးတဲ့ ဆေးနဲ့လဲ မသက်သာတော့ ကြားဖူးနားဝ ဖယောင်း စက်ချပြီး လုပ်ကြည့် တော့လဲ မသက်သာပါဘူး။

လက်သည်း-ခြေသည်းကို မှိုဝင်လာရင် အစမှာတော့ ဖြူ-၀ါဝါ အစက်အပျောက်လေး ဖြစ်လာပြီး နောက် တော့ အောက်ထဲ ၀င်လာလို့ အရောင်ပြောင်းလာ၊ ထူလာ၊ ကျွတ်ဆတ်လာ၊ ပုံပြောင်းလာမယ်။ ကုရတာ မလွယ်လှပါ။ ခြေသည်း-လက်သည်း ကြွတက်လာတဲ့ အဆင့်ရောက်ရင် Onychomycosis လို့ ဆေးစာက ခေါ်တယ်။ နာလာ၊ အနံ့ပါရလာပြီ။ သေခြာမကုရင် တသက်လုံးလို့ ပြောရမလိုနေမယ်။

Fungus မှိုပိုးဆိုတာ မျက်စိနဲ့ မမြင်ရဘူး။ စိုထိုင်းတာ ကြိုက်တယ်။ ကိုယ့်မှာ အပေါက်-အပြဲ၊ အကွဲ-အရှ ရှိလာမှ အထဲ ၀င်လာတာ။ သူနဲ့ဆင်တဲ့ Yeasts တို့ Molds တို့ကနေလဲ ရောဂါဖြစ်ပါတယ်။ ချွေးထွက်များ သူ၊ ယောက်ျား၊ အသက် မငယ်သူ၊ စိုထိုင်းတဲ့ အလုပ်လုပ်ရသူ၊ ခြေအိတ်-လက်အိတ် အမြဲ ၀တ်ထားရသူ၊ ဘာမှမစီးဘဲ လမ်းသွားရသူ၊ ဆီးချို ရှိသူတွေမှာ အဖြစ်များတယ်။ Leukemia, AIDS နဲ့ အင်္ဂါအစားထိုး ထားရသူတွေမှာလဲ ပိုဖြစ်တတ်တယ်။

Terbinafine, Fluconazole and Itraconazole စားဆေးတွေ ပေးတယ်။
• Terbinafine (Lamisil) စားဆေး 250 mg ကို တနေ့ ၁ လုံး၊ ဖြစ်ခဲ့တာ ကြာကြာသလို သောက်ရမယ်။ ဥပမာ ၆ ပါတ်။ ဘေးထွက်ဆိုးကျိုးတွေက ၀မ်းပျက်၊ ယား၊ အစာမကျေ၊ အနီပြင်ထွက်၊ အစားပျက်။
• Fluconazole (Diflucan) စားဆေးကို 150 mg တနေ့ ၁ လုံး၊ ဖြစ်ခဲ့တာ ကြာကြာသလို သောက်ရမယ်။ ဥပမာ ၆ ပါတ်။ ဘေးထွက်ဆိုးကျိုးတွေက ခေါင်းကိုက်၊ မူး၊ ၀မ်းပျက်၊ ယား၊ အစာမကျေ၊ အစားပျက်။
• Itraconazole (Sporanox) စားဆေးကို 200-400 mg တနေ့ ၁ ကြိမ်၊ ၂ ခါခွဲသောက်လဲ ရတယ်။ ဖြစ်ခဲ့ တာ ကြာကြာသလို သောက်ရမယ်။ ဥပမာ ၆ ပါတ်။ ဘေးထွက်ဆိုးကျိုးတွေက ၀မ်းလျှော-၀မ်းချုပ်၊ လေထ၊ ခေါင်းကိုက်၊ မူး၊ ယား၊ အစာမကျေ၊ ပါးစပ်နာ၊ သွးဖုံး သွေးယို၊ ချွေးထွက်၊ ကြွက်သားနာ၊ အတူနေခြင် စိတ်နည်း၊ စိတ်ကျ၊ နှာစေး၊ အိပ်မက်မက်။

နောက်ပိုးဝင်တာ ရှိနေရင်လဲ နောက်ဆေး ပေးရမယ်။ Ciclopirox (Penlac) ဆိုတဲ့ Antifungal nail polish ကိုလဲ သုံးနိုင်တယ်။ လိမ်းဆေး တခုထဲနဲ့ မရတတ်ပါ။ စားဆေးနဲ့ တွဲတာ ကောင်းတယ်။ သိပ်ဆိုးရင် ဖြစ်တဲ့ လက်သည်း-ခြေသည်း ခွဲထုတ်ရတယ်။ Laser လေဆာနည်း၊ Photodynamic therapy အလင်းရောင် ပေးကုနည်းတွေလဲ ရှိတယ်။

အိမ်မှာတင် လုပ်လို့ရတာတွေလည်း ရှိတယ်။ Vinegar (ဗနီဂါ) ၁ ဆ၊ ရေ ၂ ဆ ထဲမှာ ၁၅-၂၀ မိနစ်ကြာ၊ တပါတ်မှာ ၃ ကြိမ် စိမ်ထားရမယ်။ Vicks VapoRub ကိုလဲ လိမ်းလို့ရတယ်။

ခြေသည်း-လက်သည်း တိုတိုထားပါ။ ခြောက်သွေ့နေပါစေ၊ တကိုယ်ရေ-သန့်ရှင်းရေး လုပ်ပါ။ စိုတဲ့အလုပ်မှာ ရာဘာ လက်အိတ်-ခြေအိတ်သုံးပါ။ သင့်တော်တဲ့ ခြေအိတ်ရေါးသုံးပါ။ ချွေးထွက်များရင် လဲပါ။ ဖိနပ်မပါဘဲ လမ်းမသွားပါနဲ့။ Manicure and Pedicure salon လက်သည်း-ခြေသည်း အလှပြင်ဆိုင်သွားရင် နာမည်ရ တဲ့ဆိုင်သာ သွားပါ။ Nail polish and artificial nails အလှလုပ်တာ၊ အတုလုပ်တာတွေ ရှောင်ပါ။

Dr. တင့်ဆွေ

11:21 AM | Posted in | Read More »

Q and A Acid Reflux

Q and A Acid Reflux

နိူင်နိူင်: ဆရာ ကျမလွန်ခဲ့တဲ့ ၃လလောက်က Acid Reflux လို့ ဆေးသောက်ပြီးပါပြီ။ လည်ချောင်း အရမ်းနာခဲ့လို့ ဆေးခန်း သွားပြတာပါ Acid Reflux လို့ ပြောပါတယ်။ Hernia မသိမသာလေး ကြီးနေတယ်လို့လည်း ပြောခဲ့ပါတယ်။ ဆေး ၂ လ ပေးသောက်ပါတယ်။ အခုပြီးခဲ့တာ ၁ လကျော်နေပါပြီ။ ဒါပေမဲ့ ဗိုက်က တခါတလေမှပါ အစာမကျေသလို ခံစားရပါတယ်။ ဗမာ ဆေးနနွင်းခါးနဲ့ ပျားရည် သောက်နေပါတယ်။ ဗိုက်ကတော့ ပုံမှန်ဆာပါတယ်။ ၀မ်းလည်း ပုံမှန် သွားပါတယ်။ ဗိုက်လည်း မနာပါဘူး။ တခုပဲ မနက်သွားတိုက်ရင်နဲ့ ပျို့တဲ့အခါ အချဉ်ရည်တွေ ထွက်ပါတယ်။

စာတွေတော့ လိုက်ဖတ်ပေမဲ့ နားမည်လို့ပါ။ မိုက်ဂရိမ်းဖြစ်လို့ အရင်က အကိုက်ခဲပျောက်ဆေးလည်း ခဏခဏ သောက်ဖူးပါတယ်။ ဘာဆေးသောက်ထားရင် ကောင်းမလည်း အကြံဥာဏ်လေးလည်း ပေးစေချင်ပါတယ်။ 21 ရက်နေ့ အစာအိမ် အထူးကုနဲ့ တွေ့ဖို့ရှိပါတယ်။ ကျမအရမ်းစိုးရိမ်ပြီး ကြောက် နေလို့ပါ။ အဲ့ဒါဟာ ကင်ဆာ အဆင့်ထိ ဖြစ်နိုင်ပါသလားရှင်။ ကျေးဇူးပြုပြီး ပြောပြပေးစေချင်ပါတယ်။ ပြီးတော့ အခုတလော ပျို့လာတဲ့အခါ အချဉ်ရည်တွေ ထွက်လာပါတယ် ခဏခဏပါပဲ။

C-box မှာ ရှည်ရှည်မေးတာကို ဖြေလို့ အဆင်မပြေပါ။ တိုက်ရိုက် မေးပါ။

ကင်ဆာ မဖြစ်နိုင်ပါ။ ဖြစ်တဲ့သူ အသက်တော့ မသိရသေးပါ။

ဖတ်ပြီးပြီလားတော့ မသိဘူး “Peptic ulcer လေနာ ဆိုတာ ဘုရင်မှာလည်း ဖြစ်သည်” ကို ဖတ်ပါ။ လိုက်နာပါ။ အထူးကုဆရာဝန်က ဆရာရေးတာထက် ပိုပြီး ပြောပြ-ကုသ ပေးပါလိမ့်မယ်။

လေနာမဟုတ်ဘဲ Gastroesophageal reflux disease (GERD) ဖြစ်တတ်တယ်။ လူအတော်များများမှာ ဖြစ်တတ်တယ်။ အစာမြိုပြွန်နဲ့ အစာအိမ် ဆက်တဲ့နေရာလေးမှာ အဆို့ရှင်သဘောရှိတာက ပိတ်ရမဲ့အချိန်မှာ ကောင်းကောင်း မပိတ်တော့ အစာအိမ်ထဲ ရောက်ပြီးသား အစာတွေက အထက်ဆီ ဆန်တက်လာတယ်။ Endoscopy ဆိုတာနဲ့ စစ်မယ်။ ဆေးတွေ ပေမယ်။ ခွဲစိတ်တာက နောက် လိုမှ လုပ်ရတယ်။

Paraesophageal Hernia (Hiatal hernia) ဆိုတာလဲ အစာမြိုပြွန်က အထက်ဆီကို ကျွံတက်နေသလို ဖြစ်တာပါ။ လိုအပ်လာရင်တော့ ခွဲစိတ်ကုသရမယ်။

ကျန်းမာ-ချမ်းသာပါစေ။

(Medical Writings ဆေးပညာစာများမှ ကူးယူဖေါ်ပြထားခြင်း)


4:58 PM | Posted in | Read More »