လန်ဒန်အိုလံပစ် မာရသွန်ပွဲတွင် နီလာဆန်း အဆင့်၁၀၅သာရရှိ

သြဂုတ်လ ၅ရက်နေ့ ကျင်းပခဲ့သည့် လန်ဒန်အိုလံပစ် မာရသွန်အပြေးပြိုင်ပွဲတွင် မြန်မာအပြေးမယ် နီလာ ဆန်း အဆင့်၁၀၅သာ ရရှိခဲ့သည်။ အကွာအဝေး၂၆ မိုင်ကျော်၊နိုင်ငံပေါင်းစုံမှ ကစားသမား ၁၁၈ယောက် ဝင်ရောက်ယှဉ်ပြိုင်သည့် အထက်ပါပြိုင်ပွဲ တွင် မြန်မာအပြေးမယ် နီလာဆန်း အဆင့်၁၀၅ ရရှိ ခဲ့ခြင်းဖြစ်သည်။

အီသီယိုးပီးယားအပြေးမယ် တီကီဂီလာနာက ၂နာရီ ၂၃ မိနစ်ဖြင့် ပန်းဝင်ကာ လန်ဒန်အိုလံပစ် မာရ သွန်ပြိုင်ပွဲ၏ ရွှေတံဆိပ်ဆုက ရယူခဲ့သည်။ အသက်၂၇နှစ်ရှိ မြန်မာအပြေးမယ် နီလာဆန်းက ၃နာရီ ၄မိနစ်၂၇စက္ကန့် ဖြင့် ပန်းဝင်ခဲ့သည်။ ဝင်ရောက်ယှဉ်ပြိုင်သည့် ကစားသမား ၁၁၈ယောက်တွင် ၁၀၇ယောက် ပန်းဝင်နိုင်ခဲ့ပြီး၊ ကစားသမား ၁၁ယောက် ပန်းမဝင်နိုင်ခဲ့ကြပေ။ လန်ဒန်အိုလံပစ်တွင် မြန်မာနိုင်ငံမှ အားကစားသမား၆ဦး ဝင်ရောက်ယှဉ်ပြိုင်ခဲ့သည့်ထဲတွင် နီလာဆန်းသည် နောက်ဆုံးဝင်ရောက် ယှဉ်ပြိုင် သည့် အားကစားသမားဖြစ်သည်။ သြဂုတ်၎ရက်နေ့ က ကျင်းပသည့် မီတာလေးရာ အပြေးပြိုင်ပွဲ တွင်လည်း မြန်မာအပြေးသမား ဇော်ဝင်းသက် အကြိုခြေစစ်ပွဲ ၈ယောက်ပြိုင်သည့်ပွဲတွင် အဆင့်၈သာရပြီး ပြိုင်ပွဲမှ ထွက်ခဲ့ရသည်။